Mateo 20:19 - ONUGBÙ NYƐNYÃ VUVƆ

¹⁹ klɛ ba ba yɛkɔ yɛ akpɛ bagɛ be di nu Yuɖanɛ nahwɛ gɛ la ba kpɛ butsɔ klɛ be be tu yɛ klɛ la ba kplayɛasɔ butsiosi shu. Nɛ kiwi tramɛ nɛa bha be be tsodzini yɛ anyɛmɛ amɛna ɛkpã mɛ!”

Mateo 20:19 Referans Kwoze

Mateo 16:21

Denɔ kibe lɛ nɛ mɛ Yesu etenɔ ebuie si bu kɔ yɛ badɔkpasɛ nɛ asɛ alasɛ tɛ avɛ Yerusalɛm tɛ ada tɔ nɛ ebui gelee mɛ nɛ beshishe nɛ ahwɛ mɛ, kpayaɔzakɔanɔ anɛ ɛshãdɔkasɛ, klɛ kɛ ba za sɛ tɛ be yi yɛ klɛ nɛ kiwi tramɛ ebe tsodzi anyɛmɛ aba ɛkpãm.

Axwɛwɛwa 2:23

Anɔa nɛɛ bayɛkɔ yɛ akpɛahwɛ kɔ nɔ ganɔ Kpaya tɛtɛtrɔ nɛ kibuititi kpɛ otugbam, klɛ wɔnɔ, ganɔ atɔkpumgɛganɛ banɔ tɛpɛplɛnɔm nɛɛ, no yi yɛ ganɔ yɛ tɛkpɛkplasɔ butsiosi shu.

Axwɛwɛwa 21:11

Gɛ ebe ku blɔ bha, ayɛkɔ Paolo ɔdzadi, klɛ ayɛkɔ anya yɛnɛahwɛ ɛtsrɛ nɛ ɛhwɛ klɛ aɖɔ asɛ, “Ɔfufɔɛ Dzyɔgo nɔ ɖɔ sɛ, ‘Kana Yuɖanɛ nɛ Yerusalɛm aba nya ɔdzadi elete klɛ la ba yɛkɔ akpɛ ahwɛ kɔ bagɛ be di nu Yuɖanɛ.’ ”

Axwɛwɛwa 4:27

Nɛ kɛlɛ mɛ Heroɖesɛ anɛ Pontio Pilato aba bhɛtɛ terikpo nɛ bagɛ be di nu Yuɖanɛ anɛ Izraɛlanɛ nɛ ɔmagbla nɛm sɛ tɛ ba bhɛtɛ kititilulɔ nɛ wɔ axwɛdɛ Yesu nɛ gɛ yɛshu kebhui, gɛ ɔsrabɔ kɔ.

Luka 24:46

Etsre alɛ sɛ, “Kibui nɛ la ŋlɔmɛ elu: Kristo aba mɔ butɔ klɛ aba nyɛmɛ denɔ betsitsi nɛ shi nɛ́ kiwui tramɛ nɛabha,

Luka 23:11

Ɔkɛlɛ Heroɖesɛ nɛ̀ yɛ keyutugbani bakpɛ yɛ tsɔ klɛ ba kpɛ yɛ wɔɛ̃. Ba yɛkɔ kedziŋɛŋa awui dzidze akpɛ kɔ yɛ, klɛ betsidzinɛ yɛ avɛnɔ Pilato ɔkɔ.

Marko 15:1

Nɛ kɛvlɔ nɛ pinii, kpayaɔzakɔanɔ, anɛ ɛshãdɔkasɛ anɛ ɔhamɛ bebhuiklu afɛtegene nɛ petee na ba dɛmɛ atrɔ kibui tirikpoa bha. Banya Yesu, klɛ ba gbanɛ yɛ ada kpɛ ahwɛ akɔ Pilato.

Marko 14:65

Ɔkɛlɛ be teli ba kpa bututu bu ta yɛ; banya yɛ amɛ, be hu yɛ ekpli, klɛ baa ɖɔ asɛ, “Mɔɛbuiɔɖɔ!” Klɛ bepupo na gbanɔ yɛ klɛ be de tu yɛ.

Mateo 12:40

Alasɛ kana gɛ Yona aza kɛkpãgbla nɛ ɛya mɛ ewi tata nɛ itumu tɛta, kana Anɔdzyrame Yeyi nɛ tsyɛ aba za tisim ewi tata nɛ itumu tɛta.

Mateo 17:23

Be be yi yɛ, klɛ nɛ kiwi tramɛ nɛa bha ebe tsodzi alɔ aba ɛkpãm.” Klɛ badɔkpasɛ nɛ be yuku nɛ same mamɔmamɔ.

Mateo 27:26

Ɔkɛlɛ ashɛ̃nahwɛ Barabasɛ shu akɔ alɛ. Pɔ akɔ sɛ be tu Yesu, klɛ ayɛkɔ yɛ akpɛ ahwɛ kɔa lɛ kɔ yɛ tɛkpɛkplasɔ.

Mateo 27:63

Klɛ bede tsre yɛ asɛ, “Aka, ” “bu baka sɛ kibe lɛ nɛ gɛ aka lɛ nɛ ɛkpã etronia lɛlɛ na aɖɔ asɛ, ‘Nɛ ewi tata ede ɛba tsodzi lɔ.’

Marko 15:15

Sɛ tɛ Pilato eku banɔ nɛ awɔ̃ so nɛ, ashɛ̃nahwɛ Barabasɛ shu akɔa lɛ. Akɔ ba mɛna Yesu kɛtamu, klɛ ayɛkɔ yɛ akpɛahwɛ kɔa lɛ sɛ ba da kplasɔ.

Luka 18:32

Ba ba yɛkɔ yɛ akpɛ ahwɛ kɔ ba gɛ be dinu Yuɖanɛ. Balɛ ba ba kpɛ yɛ tsyɔ, ba kula yɛ, ba be bututu ata yɛ, ba be tu yɛ, klɛ ba be yi yɛ.