Mateo 19:28 - ONUGBÙ NYƐNYÃ VUVƆ

²⁸ Yesu etsrea la sɛ, “Itsre nɔ kɛgba nɛ sɛ, nɛ kibe lɛ gɛ bebe tsodzini kɛdɔnyɛdɔ abhɛtɛ kɛ vuvɔ, gɛ Anɔdzyrame yɛ Eyi nɛ ebe zhi aza yɛ bukusiegbu gɛ kalɛ shu adanɛ nɛa bha, Wɔnɔa gɛ ɔlɛ mɛe de tsyɛ obo za bukusigbu lɔfɔnɛtubha nɛa bha, ozo klu bubhui nɛ Izraɛl amadi lɔfɔntabha.

Mateo 19:28 Referans Kwoze

Mateo 25:31

“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Tɛbubukasɛ 20:4

Ɛmɔ bukusigbu gɛ bulɛa bha bagɛ ba kɔ kabhaŋɛŋa sɛ be kulu bubhui nɛ be zhiedzi. Klɛ mɛ mɔ bagɛ balɛ atɔkpu be bhui nɛ atɔwi, akpɛ balɛ ebuimɔɖɔ nɛ Yesu shu anɛ Kpaya kibui nɛ shu so. Ba ka kpɛ kɛtɔkpue si kɔ agavuga ɔdɔgɔsɛ yɛ abhubhɔ klɛ ba ka yɛkɛ yɛ kibi nɛ balɛ butukpo ɔdɔgɔsɛ nɛ balɛ ɛhwɛ. Ba bá ɛkpã mɛ klɛ ba ŋɛabha ɔplɛnɔ Kristo agɔ kɛkpã zɛzɛ.

Tɛbubukasɛ 7:4

Ɔkɛlɛ mɛ inu banɔ tɛashɛ nɔɔ nɛ gɛ balɛ butukpo nɛ la dɛɛ dɔ: Banɔ akpã kɛfɔɛfɔ zɛzɛ nɛ aftalɛ̃ nɛ tɛalɛ̃ (144,000) denɔ Izraɛl amadi nɛ petee mɛ.

2 Petro 3:13

Pɔ tɛ buyɛkɛ yɛ kibuiɖuɖɔlu nɛ nu budi otugba kɔ owũsise vuvɔ anɛ kesukpa vuvɔ, bupa kɔ kɛdzyɔgo bhɛbhɛtɛ.

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Tɛbubukasɛ 21:5

Agɛ yɛ edzi kekusigbu nɛa bha nɛ asɛ, “Ɛbhɛtɛ kɛdɔnyɛdɔɛ lɛ ba dzi kɛvuvɔ!” Ɔkɛlɛ asɛ, “Ŋlɔmɛ kɛdɔɛ nɛ olu, alasɛ ebuia nɛ enu agɛ alɛa bha la ba yɛkɛ aŋa klɛ enu kɛgba.”

Tɛbubukasɛ 4:4

Bukusigbu afɛtabha nɛ tɔlɛ̃ bhlatɔ kana tierikpoa lɛ nɛ atsya, klɛ nɛ bulɛa bha banɔ shishe afɛtabha nɛ tɛalɛ̃ be zhedzi. Ba kpasɛ bawi fufum klɛ sɛkadzɛdzã bukusiekutu etsri balɛ ada mɛ.

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

Axwɛwɛwa 3:21

Alasɛ tɛ aza owũsise ɔdɔ nanɔ kibe lɛ gɛ kɛ ba ba kɔ Kpaya sɛ tɛ etsodzini kɛdɔnyɛdɔ ana dzu, ansɛ gɛ aɖɔ elu kuku ganɔ yɛ batɔnu nɛna nɛa bha.

Mateo 20:21

Ebisi asɛ, “Kide ɔsɛ ɔpɛɛ?” Klɛ adzɛ nɛ asɛ, “Trɔ ahwɛ kɛlɛa bha sɛ tɛ meyianyɛ tɛabha nɛ ɔmayɛ teli aza wɔ kɛŋa mɛ tɛ abhla nɛ aza wɔ kɛbɛtɛkpɛ mɛ nɛ wɔ bukusiɔŋakɔ.”

Tɛbubukasɛ 22:2

ɔyɛkɔ zhinɔ kidzogbla nɛ kishitɛbha nɛ ɔmagbla nɛm. Nɛ keni nɛ igbigbe tɛbha nɛabha ɛkpãosi torikpo torikpo dzi, gɛ lɛ yu eyu lɔfɔntabha, lɛ yu eyuyu nɛ wele kanyakam. Klɛ osi nɛ awɛlakpa nɛ enu bunya kibekedɔ kɔ amadi.

Tɛbubukasɛ 12:1

Kɛdɔmumɔ gbla gɛ bhɛtɛ bi kɛwɛ̃ nɛ owũsise: adzɛ gɛ ba yɛkɔ kiwi enyumu akɔ ansɛ kɛpɔtɛ, ɔplɛnɔ wele nɛ yɛ butsrukpɔe si klɛ awɛ̃wɛ̃ lɔfɔntabha bukusikutu tsri yɛ ada mɛ,

Mateo 6:33

Pɔ pɛɛ yɛ bukusi ɔŋakɔ nɛ yɛ tɛnɛnamɛzɛza nɛ oputɔnɔ, klɛ la ba yɛkɔ kɛdɔɛ nɛ petee tsyɛ ata kɔ nɔ.

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Mateo 19:27

Petro etsre yɛ asɛ, “Bu tɛ shɛnahwɛ bulɔ kɛdɔnyɛdɔ shu sɛ tɛ bu za wɔe de! Kide gɛ zɛ ba za kɔ lɔ?”

Marko 10:37

Be bui lɛ nu asɛ, “Kɔ bulɔmɛayɛ teli aza wɔ kɛŋa mɛ tɛ abhla nɛ aza wɔ kɛbɛtɛkpɛ mɛ nɛ wɔ same ɔzakɔ.”

Tɛbubukasɛ 11:16

Klɛ beshishe afɛtabhantɛalɛ̃, nɛ gɛ be zhiedzi balɛ bukusigbu nɛa bha nɛ Kpaya amɛ, be zhiadɔ ekumu amɛesi klɛ ba kpɛ kɛtɔkpuesi akɔ Kpaya,

Tɛbubukasɛ 22:5

Elishi atɛa za. Be tie bisi kanɛgbɛ fu ɔdɔgɔsɛ kiwi nɛ fu, alasɛ Apalete Kpaya nɛ aba kɔa lɛ kifu. Klɛ ba ba ŋɛabha ɔkɔ vɛnɔ mabeke mabekem.