Mateo 19:22 - ONUGBÙ NYƐNYÃ VUVƆ

²² Kibe lɛ gɛ anyɛnuvɔɛ nɛ enu ebuia nɛ, amɔ obulo klɛ ashɛ̃, alasɛ ehoeyi gelee alɛ yahwɛ.

Mateo 19:22 Referans Kwoze

Mateo 6:24

“Anɔnyanɔ atɛ ba na axwɛ dɛ kɔ baka tɛabha. Aba ɖɔ teli adɛ teli, klɛ aba mɔ ɔhwɛ kɔ teli adɛ teli. Ɔtɛ bɔɔ na axwɛ dɛ kɔ Kpaya anɛ Ehoeyi.

Mateo 13:22

Eyii nɛ gɛ adɔ ewi mɛ alɛ nu anɔ gɛ enu kibui, pɔ ɛkpã nɛ mɛ butɔ nɛ kɛnɔmɛdɔ anɔwuwɔɛ eshe ada yɛ so kibui nɛ dɛ yu eyuyu nɛ yɛ mɛ.

Koloseanɛ 3:5

Pɔ kɔ butsi, kɛdɛnyɛdɔ gɛ kɛ nu wunɔ kesukpaɛ dɔ: ɔmamɛdɛdɛ, ɛkpãzizi zɛza, kɛdɔ kukuanɔli, ebuizizi bhɛbhɛtɛ anɛ kɛdɔ gbɛgbla pɛpɛɛ gɛ kɛ nu obudi busɔlɛsɔlɛ.

Efesoanɛ 5:5

Alasɛ nɛ kibui nɛ shu nɔ bɔ yɛkɛŋa sɛ: Ebui manamana, ebui mabhuimabhui, kɛdɔ gbɛgbla pɛpɛɛ anɔ— anɔa nɛdi enu obudi elete—atɛ ba mɔ ɔŋakɔ nɛ Kristo anɛ Kpaya bukusi ɔŋa kɔ.

Marko 10:22

Nɛ kɛnɛ nɛ mɛ anyɛ nɛ ezhinɔ amɛesi. Kibui nɛ dɛ kui same, alasɛ kɛnɔmdɔ lɛ yɛ ahwɛ gelee.

Mateo 16:26

Kibui dzyɔgo ɖueɖu kɛ ba dzi kɔ anɔ sɛ tɛ kanɔ nɛ petee kedzi yɛa yɛ, tɛ yɛ ɔfufɔɛ nɛ ɔdɔ lɛla? Ɔdɔgɔsɛ kidee anɔ aba naa yɛkɔ atsrakɛ yɛ kɛtɔwi nɛ nɔ?

Luka 18:23

Gɛ enu bui nɛ, amɔ oblo gɛganɛ, alasɛ enu anɔ gɛ ehoeyi alɛ ya hwɛ gelee.

Mateo 14:9

Kibui nɛ trɔ ekusi nɛa bha, pɔ nɛ yɛ batabu nɛ nu nɛ yɛ befu gli nɛ amɛ so, akɔ asɛ ba bhɛtɛ ansɛ gɛ adzɛnuvɔɛ nɛ ebisi,

Marko 6:26

Tɛbibisi nɛ kɛ trɔ Ekusi nɛa bha piim, pɔ atabu, anɛ yɛ befu nɛ so adɛ pɛa sɛ tɛ atɛ yɛkɛ adzɛnuvɔɛ nɛ tɛbibisi.

Mateo 19:21

Yesu asɛ, “Onu gɛ ɔpɛɛ sɛ tɛ ɔna, vɛ dɔ dɛ wɔ kɛnɔmɛdɔ nɛ gɛ lɛ wɔ ahwɛ tɛ ɔyɛkɔ ehoeyi nɛ ɔkɔ betsyutsyuini, klɛ kɛnɔmɛdɔ ba za wɔahwɛ nɛ owũsise. Tɛ otsodzi ɔba tɛ ɔbɔ za mɛe de.”

Mateo 19:23

Ɔkɛlɛ Yesu etsre yɛ badɔkpasɛ nɛ asɛ, “Itsre nɔ kɛgba sɛ, aba gɛganɛ kɔ ehoeyielete sɛ tɛ etsoku owũsise bukusiɔŋakɔ nɛ mɛ,

Yohanɛsɛ 16:20

Itsre nɔ kɛgbɛagba, nɔ bɔ biyo klɛ nɔ bɔ vɛ ishu mɛ pɔ kɛbɛlɛlɛ kanɔ na mɔ same. Nɔ bɔmɔ ishutsitsi pɔ lɛ ba tsyina dzi same.