Mateo 18:15 - ONUGBÙ NYƐNYÃ VUVƆ

¹⁵ “Onu gɛ wadzya abhɛtɛ buzizi amɛna wɔkɔ, vɛ tɛ odo bu buzizi nɛ ɔkasɛ yɛ, nɛ wɔnɔ nɛ yɛ tɛa bha shi ko. Onu gɛ enu kɛlɛesi akɔ wɔ, klɛ wɔnɔ nɛ yɛ no bo tsodzi ɔza terikpo.

Mateo 18:15 Referans Kwoze

Koloseanɛ 3:13

Nɔ bhɛtɛ terikpo nɛ aglɔ klɛ nɔ yɛkɔ tsye kibuinyɛbui di gɛ kɛba za wɔ ahwɛ nɛ ɔhaglɔ. Yɛkɔ tsye anasɛ gɛ Apalete nɛ ayɛkɔ etsye nɔ.

Galatianɛ 6:1

Madzyalɛ mɔ, onugɛ bevu anɔ teli gɛ abhɛtɛ kibuizizi, wɔnɔ bagɛ nɔ nu ɔfufɔɛmɛ ayɛ nɔ kasɛ yɛ kidzo dzyɔgo nɛ ishu nyɛnyɛna mɛ. Pɔ nɔ di ɛshuabha sɛ tɛfifekedi kɛ tɛba kɔ wɔ.

2 Tɛsolonianɛ 3:15

Pɔ nɔ tɛ yɛkɔ yɛ ansɛ ganɛ wɔnɔ aɖɔyi, pɔ nɔ ka yɛ amɛ ansɛ adzya na.

Mateo 18:35

“Kana mɛ owũsise Aka nɛ aba bhɛtɛ nɛ wɔnɔ mɛayɛ kanyaka gɛ atɛ ba yɛkɔ kibui etsye yɛadzya edenɔ yɛ idzyi mɛ.”

Romanɛ 12:21

Tɛ kɔ butsutsɔmɔ ŋa wɔnɔa bha, pɔ nɔ ŋa butsutsɔmɔa bha nɛ kɛdzyɔgo.

1 Petro 3:1

Banyɛdzini, nɛ kidzo lɛlɛ nɛabha nɔ zhinɔ ishuesi kɔ wɔnɔ nyine alɛ sɛ tɛ, onugɛ balɛ ma yɛ teli adɛ yɛkɛ kibui nɛabhaŋa tsyɛ, ba ba ŋa nɔabha gɛ kibui tɛ ba zɛ lɛ mɛ nɛ balɛ badzɛ nɛ ɛkpã zɛza nɛabha,

1 Kɔrintioanɛ 8:12

Kibelɛ gɛ nɔ bhɛtɛ buzizi ɔvɛnɔ wɔnɔ badzya nɛ kidzoe nɛabha klɛ nɔ kpɛ balɛ kibuititi gblɔdzɔ nɛ kɛpɔ, nɔ bhɛtɛ kibui zizi nɛ Kristo shu.

2 Kɔrintioanɛ 7:12

Kɛlɛso kɛlɛlɛmɛ tsyɛ sɛ ŋlɔmɛ kɔ nɔ, anɛ anɔ nɛ gɛ abhɛtɛ kizizi nɛ so, pɛnɔ agɛ yɛ ayɛkɛ kɛpɔ, pɔ sɛ tɛ nɛ Kpaya amɛ wunɔnahwɛ nɔ bɔ mɔ kana gɛ nɔ mɔ hwɛ kɔ lɔ.

1 Tɛsolonianɛ 4:6

klɛ nɛ kibui nɛ mɛ anɔnyanɔ atɛ bhɛtɛ buzizi avɛnɔ yɛadzya ɔkɔ ɔdɔgɔsɛ amɔ kidzo nɛ yɛ shu. Apalete aba tɛta banɔ nɛ petee gɛ ba ba bhɛtɛ ebuizizi alɛlɛ nɛ di nɛ atɔ, ansɛ gɛ bu tɛ tsre nɔ klɛ bu kpɛ nɔ ɔshã.

Mateo 18:14

Kana wɔnɔ Aka nɛ owũsise tsyɛ atɛ ba pɛɛ asɛ tɛ banuvɔ bhlia nɛ kanyaka alɛla.

Mateo 18:21

Ɔkɛlɛ Petro atɔnɔ Yesu aba klɛ ebisi yɛ asɛ, “Apalete, etsye tashɛ̃ mɛ ɛba yɛkɔ itsye madzya gɛ abhɛtɛ kibui kpã amɛna mɛ ɔkɔ? Ɔdɔ nanɔ etsye tegene dza?”

Titusɛ 3:10

Kpɛ ɔshã bukpɛ turukpo kɔ anɔ nɛ gɛ apɔɛ banɔɛ shi, tɛ ɔflɔ kpɛ yɛ ɔshã bubhla. Kɛlɛe de, kibuinyɛbui taa za wɔ ahwɛ kɔ yɛ.