Mateo 17:5 - ONUGBÙ NYƐNYÃ VUVƆ

⁵ Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Mateo 17:5 Referans Kwoze

Mateo 3:17

Klɛ oli toli mɛ ode owũsise sɛ, “Meyi naa, gɛ ɛdɛmɛnɔ; yɛm mɛ mɔ awɔ̃kuku mɔmɔ.”

Mateo 12:18

“Mɛ axwɛwa nɛ gɛ ibu nɛ naa, agɛ yɛ mɛ ɛɖɔ, yɛmɛ mɛ mɔ same, ɛba yɛkɔ mɛ Ɔfufɔɛ nɛ kpɛ yɛm, klɛ ebe bu kɛdzyudzyɔ nɛ akasɛ amadi nɛ petee.

Marko 9:7

Klɛ ɔmunɔ toli ɔbɔ dɔ kana balɛ, klɛ ogugu toli oyi denɔ ɔmunɔ nɛ mɛ sɛ, “Mɛ Eyi naa, gɛ ɛdɛmɛ yɛ kibui. Nɔ ta yɛ batɔ!”

Yohanɛsɛ 3:35

Aka adɛmɛnɔ nɛ Eyi klɛ ayɛkɔ kɛdɔnyɛdɔ akpɛ yɛ ahwɛ.

Marko 1:11

Klɛ ogugu oyi denɔ owũsise pɛ lɔɔ ɖɔ sɛ, “Wɔ onu Meyi, gɛ ɛdɛmɛ nɔ; wɔ shu mɛ mɔ awɔ̃kuku.”

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Luka 3:22

klɛ Ɔfufɔɛ dzyɔgo nɛ ozhi ɔba yɛabha nɛ gɔgɔwi tɛzɛza mɛ. Klɛ olimɛ toli oyi denɔ owũsise sɛ: “Wɔ nu mɛ Eyianyɛ, gɛ ɛdɛmɛnɔ, nɛ wɔ shu same eku mɛ mɔmɔ.”

Hebriuanɛ 5:9

klɛ ba za bhɛtɛ yɛ mɔmɔ, ebe dzi anɔ gɛ yɛabha ba ga gɛ ba mɔ tɛbhubhuiɔyɛkɛ mabeke mabeke kɔ balɛ petee gɛ ba ta yɛ atɔ

Axwɛwɛwa 7:37

Mose alɛlɛ nɛ naa gɛ etsre Izraɛlanɛ na sɛ, ‘Kpaya aba sɛsɛ nɔ ebuiɖɔlu ansɛ mɛ ana edenɔ wɔnɔ nahwɛ banɔm.

Yohanɛsɛ 5:37

Klɛ Aka nɛ gɛ ya kpɛ mɛ yɛ nahwɛ atɛ̀ ɖɔaɖɔ denɔ mɛ shu. No ko nu yɛ oli mɛ odi ɔdɔgɔsɛ nɔ tɛ mɔ yɛ tɛzɛza mɛ,

Koloseanɛ 1:13

Alasɛ ebhulɔayɛkɛ denɔ otumu ɔzakɔ klɛ amɛna lɔ aba kpɛ nɛ Eyi bukusiɔŋakɔ gɛ adɛmɛnɔ,

Efesoanɛ 1:6

tɛ bu kpɛ yɛ ishubhubhui ɛyɛmɛyuyɔ, gɛ ashɛnahwɛ akɔ lɔ bububɔɛ nɛ yɛ Yi gɛ adɛmɛ yɛ bui.

Yohanɛsɛ 3:16

“Alasɛ Kpaya adɛmɛnɔ nɛ kanɔ sɛ ayɛkɔ yɛa yɛ gɛ enu Eyianyɛ terikpo akɔ, sɛ tɛ anɔnyanɔ gɛ ayɛkɛ yɛabha ŋa eti be tsi pɔ aba mɔ ɛkpã mabeke.

Axwɛwɛwa 1:9

Gɛ Yesu aɖɔ ebuia nɛ beke, be be feke yɛ ewunɔ nɛ balɛ nahwɛ amɛ, klɛ ɔmunɔ obo kpu yɛ nɛ balɛ amɛ.

Mateo 17:6

Kibe lɛ gɛ badɔkpasɛ nɛ nu ana, ba wɔlɛ adɔ klɛ le kumu amɛesi, nɛ kifu sisi.

Tɛbubukasɛ 14:14

Idi, klɛ nɛ mɛ amɛ ɔmunɔ fufu, klɛ nɛ ɔlɛ mɛ kɛdɔ tili zhidzi “ansɛ anɔdzyrame yɛ eyi” plɛnɔ sɛkadzɛdzã kikusikutu nɛ yɛ ada mɛ klɛ ɔsɔsɔ shɛshɛ toli nɛ yahwɛmɛ.