Mateo 17:27 - ONUGBÙ NYƐNYÃ VUVƆ

²⁷ “Pɔ sɛ tɛ bu tɛ da nɛ balɛa bha, vɛ kɛvɔ nɛ mɛ tɛ ɔdɔ kpɛ wɔ ɖaɖuwɛ. Yɛkɔ kɛkpã tutɔpu nɛ gɛ obo bu, yaka kɛlɛ onugbu nɛ mɛ klɛ ɔbɔ mɔ kɔba tɛalɛ̃ kihoeyi tili. Yɛkɔɛ lɛ tɛ ɔdɔ kɔ kadzyɔ nɛ mɛ nɛ wɔnɔ nu.”

Mateo 17:27 Referans Kwoze

2 Kɔrintioanɛ 6:3

Budɛ bhuidzo kɔ anɔnyanɔ, sɛ tɛ bulɔ xwɛwuwa nɛ tɛ ba tɛ yɛkɛ bulɔabhaŋa.

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

1 Kɔrintioanɛ 8:9

Nɔ di ishu abha, pɔ, sɛ wunɔ shuahwɛ zɛza kɛdɔ bhɛbhɛtɛ kɛ tɛ badzi onuviatso bui kɔ banɔ nɛ gɛ ba gblɔdzɔ tɛ ba babhɛtɛ kizizi.

1 Kɔrintioanɛ 8:13

Kɛlɛso, onugɛ kɛdɔnɔ gɛ ɛŋa gɛ kɛ bakɔ sɛ madzya aba wɔlɛ ku kibui zizi mɛ, ɛtɛa vla ŋa lɛ, sɛ tɛ kɛtɛ bakɔ yɛ awɔlɛ.

Romanɛ 14:21

Kɛ bɔ dɛ sɛ tɛ ɔtɛ ŋa kɛdzya ɔdɔgɔsɛ ɔwɛ̃ bulu ɔdɔgɔsɛ ɔbhɛtɛ kɛdɔnyɛdɔɛ di gɛ ba kɔ sɛ wɔadzya aba wɔlɛ.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

1 Tɛsolonianɛ 5:22

Butsutsɔmɔ kanyakaɛ di tɛ tsobunɔ nɔ.

Yohanɛsɛ 6:61

Yesu eti asɛ yɛ badɔkpasɛ ba kpɛ onugbuesi nɛ kibui nɛ shu, Yesu etsre alɛ sɛ, “Kɛlɛ kibui nɛ lɔɛtiti nɛ wunɔ shu?

Mateo 5:29

Onu gɛ wɔ kɛŋamɛ wɔ̃hũ nɛ kɔ sɛ ɔbhɛtɛ buzizi, kpɛɛ lɛ obu tɛ ɔyɛkɔ tɛɛ̃. Kɛpɛ kɔ wɔ sɛ tɛ wɔ shu nɛ ɔkɔ toli ɔpɔ tɛ̃ dɛ sɛ tɛ ba yɛkɔ wɔ anɔosi nɛ petee ada tɛ̃a kpɛ kifu gɛ tɛ baa ni di mɛ.

Mateo 5:30

Klɛ onu wɔ kɛŋahwɛ nɔɔ kɔ sɛ ɔbhɛtɛ buzizi, bhui ɔlɛ tɛ ɔyɛkɔ tɛ̃. Apɛ kɔ wɔ sɛ tɛ wɔ shu nɛ ɔkɔ toli ɔtɛ za dɛ sɛ tɛ wɔ anɔosi nɛ petee ɔdɔ vɛ kifu gɛ tɛ baa ni di mɛ.

Mateo 17:26

Petro ebui lɛ nu asɛ, “Denɔ banɔ bhlatɔ ahwɛ.” Yesu etsre yɛa sɛ, “Kɛlɛ alɛ be bu balɛ beyi nɛ xũ nɛ kɛlɛ mɛ.”

Mateo 18:6

Pɔ onu gɛ anɔ teli aba kɔ sɛ beyi bhlia nɛ di gɛ ba yɛkɛ mɛa bha ŋa nɛ be de ku buzizi mɛ, aba pɛ kɔ yɛ adɛ onu gɛ ba yɛkɔ buhɔ gbla tsa kpɛ yɛ oli pɛ ba yɛkɔ ada tɛ̃ akpɛ aƒu odzudzukɔ.

Mateo 18:8

Onu gɛ wɔ ɔhwɛ ɔdɔgɔsɛ wɔ ɔtsrɛ ɔbɔ kɔ sɛ odo ku buzizi mɛ, bhui ɔlɛ ɔtɛ̃. Aba pɛ kɔ wɔ sɛ tɛ otsoku ɛkpãm nɛ ɔtsrɛ bhubhui anɛ ɔhwɛ bhuibhui ɔkɔ dɛ sɛ ba yɛkɔ wɔ ada tɛ̃ akpɛ kifu manimani mɛ nɛ ɛhwɛ tɛbha anɛ ɛtsrɛ tɛbha.

Marko 9:42

“Klɛ so aanɔ nɛ gɛ aba kɔ sɛ banuvɔ bhli anɛ teli gɛ ayɛkɛ mɛ kabha aŋa nɛ awɔlɛ ku buzizi mɛ, onugɛ ba yɛkɔ buhɔgbla anya plɛnɔ yɛ oli pɛ ba yɛkɔ wɔ ada tɛɛ akpɛ aƒu mɛ tsyɛ, aba pɛ akɔ yɛ adɛ.

Marko 9:43

Onu gɛ wɔ ɔhwɛ toli ɔkɔ sɛ oku buzizi mɛ, bhui ɔlɛ ɔtɛɛ̃. Abɔ kɔ wɔ sɛ tɛ ɔhwɛ torikpo ɔza wɔ ahwɛ nɛ ɛkpã mɛ, ɔyɛkɔ dɛ sɛ tɛ ɔyɛkɔ ɛhwɛ tɛbha ɔvɛnɔ butsutsɔmɔ mɛ, nɛ ɔklɛ gɛ kifu tii ni.”

Luka 17:2

Kɛ ba pɛ̃ kɔ yɛ dɛ sɛ tɛ batsa buhɔ akpɛ yɛ oli tɛ ba yɛkɔ atɛ̃ akpɛ aƒu mɛ sɛ tɛ akɔ banuvɔ bhli anɛ teli ada bhɛtɛ buzizi.