Mateo 17:17 - ONUGBÙ NYƐNYÃ VUVƆ

¹⁷ Yesu ebui lɛ nu asɛ, “Ao banɔ gɛ ba dɛ pɛ̃ klɛ tɛyɛyɛkɛŋa ma nɔ ahwɛ,” “kɛlɛ za mɛ ɛba za wɔnɔ bha ɔdɔnanɔ? Kɛlɛ za mɛ ɛba za plɛnɔ wɔnɔ ɔdɔnanɔ? Yɛkɔ anuvɔ nɛ ɔmɛna mɛ nɛ ɔkɛ̃.”

Mateo 17:17 Referans Kwoze

Mateo 6:30

Onu gɛ kana Kpaya eenyumuɛ dɔ kɔ tɛwa nɛ ayakpa mɛ, gɛ kɛ lɛ ɔkɛ̃ nɛ oboo klɛ kivu pɛ ba ba yɛkɔ atɛ̃a kpɛ kifu mɛ, kide so pɛ Kpaya etee nyumu kɛdɔ kɔ nɔ adɛ, O tɛyɛyɛkɛŋa bhli anɔ?

Axwɛwɛwa 13:18

agɔ afɛtalɛ̃ alɛ ayɛkɔa za balɛ ɛkpã nɛ nu nɛ ayakpam,

Marko 16:14

Kɛlɛede mɛ Yesu aba wɛ̃ nɛ Kɛfɔntoli nɛ amɛ gɛ baa ŋɛ dɔ; Yesu etsrenɔalɛ nɛ balɛ mayɛkɛ mayɛkɛŋa nɛ shu nɛ balɛ tɛmadɛmɛ gɛganɛ sɛ tɛ ba yɛkɛ baga tɛ mɔ yɛ nɛ tsyɛa bha ŋa sɛ atɛ lɔ.

Marko 9:19

Yesu ebui lɛ nu asɛ, “O ɔtsɔ̃ nɛ banɔ nɛ gɛ tɛyɛyɛkɛŋa ma balɛ mɛ,” “ɔdɔ na nɛ kibe ɖueɖu mɛ ɛba za wɔnɔ bha? Klɛɛ za mɛ ba za wɔnɔ ɔbha da tɔnɔ? Gbanɔ anyɛnuvɔɛ nɛ ɔmɛna mɛ.”

Mateo 13:58

Klɛ adɛ bhɛtɛ ebui yiyinɔanɔ gelee nɛ ɔkɛlɛ, alasɛ tɛyɛyɛkɛŋa ma balɛ mɛ.

Mateo 8:26

Klɛ etsre alɛ sɛ, “wɔnɔ tɛyɛyɛkɛŋa bhli elete, kide so pɛ noo si kifu ana?” Klɛ evualɔ klɛ akpɛ ɔshã kɔ kɛlɛɛ anɛ buni, klɛ ɔkɔnyɔkɔ dɔ sɛ̃ɛ.

Yohanɛsɛ 20:27

Ɔkɛlɛ ɛtsre Toma asɛ, “Yɛ kɔ wɔ awɔɛ nɛ kpɛ ɔkɛnɛ, di mɛ ekpli nɛ mɛ. Mɛna wɔ ɔhwɛ tɛ ɔyɛkɔ kpɛ mɛ ɔwã nɛ mɛ. Zɛkɔlɔ tɛmayɛkɛŋa mayɛkɛŋa klɛ tɛ ɔyɛkɛŋa.”

Luka 24:25

Yesu etsre alɛ se, “Kɛlɛ nɔ tinyibui, klɛ wunɔ idzyi ayɔ nɛ tɛyɛyɛkɛŋa nɛ ebui petee gɛ batɔnu na ɖɔ!

Luka 9:41

Yesu aɖɔ sɛ, “O kabha mayɛkɛ mayɛkɛŋa anɛ tɛmumɔ tsutsɔmɔɛ nɛ mɛ banɔ, ewui tashɛ̃ ɛba za wunɔ bha klɛ ɛba za kplɛnɔ nɔ? Gbanɔ wɔ eyi nɛ mɛna ɔkɛ̃.”

Mateo 16:8

Gɛ enyi kibui nɔɔ nɛ gɛ baa nyɛna so, Yesu ebisi asɛ, “Wɔnɔ tɛyɛyɛkɛŋa bhli banɔ, kide pɛɛ kɛŋɛŋa maza maza wɔnɔ ahwɛ bui nɔɔ ɖɔ?

Mateo 17:16

Ɛyɛkɔ yɛ ɛmɛna wɔ badɔkpasɛ, pɔ ba dɛ na yɛ bunya nu beke.”

Mateo 17:18

Yesu anyɛna nɛ ɔfufɔɛkpã nɛa bha, klɛ lɔ fla okoeyi nɛ anuvɔ nɛ mɛ, klɛ yɛ bunya nɛ beke nɛ ɔɖɔ lɛlɛ nɛ mɛ.

Axwɛwɛwa 2:40

Nɛ ebui gelee mɛ Petro akpɛa lɛ ɔshã, klɛ ebisi denɔ balɛ ahwɛ mɛ sɛ, “No bu wɔnɔ ishu odenɔ tɛmumɔ tsutsɔmɔɛ nɛm.”

2 Kɔrintioanɛ 11:1

Ɛdi kidzoenu kɔ nɔ sɛ bɔ yɛkɛ mɛ bugãdudɔ nɛ bɔɛ, pɔ nɔ tɛ flɛ bhɛtɛ lɛ.