Mateo 16:24 - ONUGBÙ NYƐNYÃ VUVƆ

²⁴ Ɔkɛlɛ Yesu etsre yɛ badɔkpasɛ nɛ asɛ, “Onu gɛ anɔ teli asɛ aba za mɛe de, alasɛ tɛ ashɛ̃nahwɛ yɛshu nɛ shu tɛ ayɛkɔ yɛ butsiosi (atitsoga) tɛ aza mɛe de.

Mateo 16:24 Referans Kwoze

Mateo 10:38

klɛ anɔnyanɔ gɛ adɛ yɛkɔ yɛnahwɛ butsiosi pɛ aaza mɛe de adɛ na kɔ mayɛ tɛdzidzi.

Luka 14:27

Klɛ anɔnyanɔ gɛ edi tuku yɛ butsiosi klɛ atɔnɛ mɛ atɛ bana mɛ adɔkpasɛ dzi.

Marko 10:21

Yesu edi yɛ klɛ yɛ kibui za yɛ buli. Klɛ asɛ, “Kibui tirikpo gɔ kɔ wɔ,” “Vɛ, dɔ dɛ kɛdɔnyɛdɔ gɛ lɛ wɔ ahwɛ tɛ ɔyɛkɔ kɔ betsyutsyuini, klɛ kɛba kɔ sɛ kɛnɔmɛdɔ kɛ ba za wɔ ahwɛ nɛ owũsise. Tɛ otsodzi ɔba tɛ ɔbɔ za mɛe de.”

2 Timotio 3:12

Nɛ kɛgbɛagba mɛ, anɔnyanɔɛ di gɛ apɛa sɛ tɛ aza kpaya tɛzɛzam nɛ Kristo Yesu mɛ ba ba kpatɔnɔ yɛ,

Marko 8:34

Ɔkɛlɛ eklu banɔɛza anɛ badɔkpasɛ nɛ amɛna yɛ ɔbha klɛ asɛ, “Onu anɔ teli asɛ mɛ kede yɛ aba za nɛ, klɛ ashɛ̃nahwɛ yɛ ishu nɛ shu, tɛ yɛnahwɛ ayɛkɔ yɛ butsiosi tɛ aza mɛ kede.

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Koloseanɛ 1:24

Ɔtsɔ̃nɛ ɛmɔ same nɛ́ butɔ gɛ ɛtɔ kɔ nɔ, klɛ iti nɛ mɛ ishuidzya mɛ gɛ kɛ ka gbaede kɔ Kristo yɛ butɔ mumɔ kɔ yɛ shudzya, gɛ kɛ nu busɔlɛɔha.

Yohanɛsɛ 19:17

Etuku yɛ nahwɛ butsiosi, ekoeyi avɛ Atɔkpuaxwa ɔzakɔ (gɛ beklu nɛ Aramaikɛ bunuhu mɛ asɛ Golgata).

1 Tɛsolonianɛ 3:3

sɛ tɛ be ti be bu anɔnyanɔ ebho ganɔ tɛfifekedi nɛ mɛ. No nyi mɔmɔ sɛ ba bhɛtɛ lɔ akɔa lɛ.

Mateo 27:32

Gɛ ba vɛ yɛ ɔkplasɔ kɔ, ba tsyanɔ anyɛ teli gɛ ede Sirene, gɛ be kulu asɛ Simɔnɛ nɛ kidzo nɛ mɛ, klɛ ba trɔ anyɛ nɛa bha sɛ tɛ ayɛkɛ butsiosi nɛ etuku akɔ yɛ.

Marko 15:21

Anyɛ teli gɛ ede Sirene, Simɔnɛ, gɛ enu Alɛksanda anɛ Rufusɛ alɛ aka, abaa fla denɔ yɛ dzogɛga bha ebe tsoku ɔma nɛ mɛ, klɛ banɔ nɛ ba trɔ yɛa bha sɛ ayɛkɛ butsiosi nɛ etuku.

Luka 23:26

Gɛ ba gbanɛ yɛ ashɛ̃nɔ, be vu Simɔn gɛ ede Sirene, gɛ ede kɔxɔemɛ avɛ ɔma nɛ mɛ, klɛ ba yekɔ butsiosi nɛ atrɔ yɛ klɛ ba kɔ yɛ etuku ɔlɛ gɛ aza Yesu kede.

Yohanɛsɛ 21:19

Yesu aɖɔ kɛbuinɛ sɛ tɛ ayɛkɔ akasɛ butsi nɔ nɛdi gɛ Petro aba yɛkɔ akpɛ Kpaya nɛabha. Kɛlɛede ɛtsre yɛ asɛ, “Za mɛ ede!”

Yohanɛsɛ 21:22

Yesu ebuilɛnu sɛ, “Onugɛ ɛpɛɛ sɛ tɛ aza nɛ ɛkpã ɔdɔtɔnɔ kɛbenɔ nɛ gɛ ɛba ba, kide lɛ nu kɔ wɔ? Kɛlɛ sɛ tɛ ɔza mɛede.”

1 Petro 2:21

Kɛnɛ nɛ so gɛ be klu nɔ, alasɛ Kristo amɔ butɔ nɛ wũnɔɛ tɔkpu, klɛ abhɛtɛ dɔ akasɛ elu kɔ nɔ sɛ tɛ nɔ za yɛ ɛtsrɛ bubuede.