Mateo 16:18 - ONUGBÙ NYƐNYÃ VUVƆ

¹⁸ Klɛ mɛ itsre wɔ sɛ wonu Petro, klɛ nɛ kɛklãgbui nɛa bha mɛ ba bhɔ mɛ busɔlɛɔha nɛ ɛtrɔ, klɛ butsi tsyɛ tɛ ba ŋa ɔlɛa bha.

Mateo 16:18 Referans Kwoze

Koloseanɛ 1:18

Klɛ yɛ nu kɛtɔkpu kɔ ishuidzya, busɔlɛɔha, yɛ nu kesikpɛkpɛ anɛ̀ eyi tɛtɔpu gɛ akpasɛ denɔ bekpu mɛ, sɛ tɛ nɛ kɛkanyaka mɛ aba yɛkɛ agbɛgbladɛ.

Yohanɛsɛ 1:42

Klɛ agbanɛ Simɔn avɛnɔ Yesu. Yesu edi yɛ klɛ aɖɔ sɛ, “Wɔ nu Simɔn Yohanɛsɛ ye yi. Be be klu wɔ asɛ Kefasɛ” (gɛ, be builɛesi sɛ, Petro).

Hebriuanɛ 12:28

Kɛlɛso gɛ kɛ nu sɛ bu yɛkɔ bukusiɔŋakɔ gɛ batɛ ba hwanɔ, nɔ kɔ lɔ huahwɛ, klɛ so nɔ kpɛ kɛtɔkpuesi kɔ Kpaya nɛ tɛdɛdɛmɛ mɛ nɛ kifusisi nɛ awɔ̃gɔganɔ,

Axwɛwɛwa 2:47

nɛ Kpaya kabhakpɛkpɛ anɛ samɛ mumɔ nɛ ɔhayɛ eshutukubui didi mɛ denɔ banɔ nɛ petee ɔkɔ. Klɛ Apalete nɛ abhɔ tikpikpe nɛm atrɔ kiwinyɛwi ɔplɛnɔ bagɛ be ti bu.

1 Timotio 3:15

onu gɛ ɛzɛ ba wɔɛ de tsyɛ, tɛ no ti kana gɛ alasɛ tɛ banɔ aga nɛ balɛ shu nɛ Kpaya bupa nɛ mɛ, gɛ nu ɛkpã Kpaya anɛ busɔlɛɔha, gɛ enu buvuosi nɛ kesikpɛkpɛ kɔ kɛgba.

Efesoanɛ 5:32

Kɛnɛ kinu kibui kpukpu dzudzu—pɔ ɛɖɔaɖɔ denɔ Kristo anɛ busɔlɛɔha nɛ shu.

Efesoanɛ 3:10

Yɛ tɛpɛpɛɛ kɛlɛ dzi sɛ ɔtsɔnɛ, ganɔ busɔlɛha nɛabha, be bu Kpaya kibuinyinyi gelee ba kɔalɛ tii kɔ bagɛ baŋakabha anɛ kemielete nɛ́ owũsise kanɔ mɛ,

Tɛbubukasɛ 21:14

Ɔmagbla nɛ kidri nɛ tsri kesikpɛkpɛ edi lɔfɔntabhɛa bha, klɛ nɛ alɛabha Obhoshieyi anɛ banɔkpɛkpɛ lɔfɔntɛabha nɛ enyi nɛ etsri.

Axwɛwɛwa 8:1

Klɛ Saolo aza ɔkɛlɛ, atrɔahwɛ yɛ tɛyiyi nɛa bha. Nɛ kiwi lɛ nɛa bha klɛ kititi lulɔ gbla koeyi nɛ Ɔha nɛ shu nɛ Yerusalɛm, klɛ banɔkpɛkpɛ nɛ mazɛlɛ mɛ banɔ gɔgɔɛ nɛ petee ba kɛka ganɔ Yuɖea anɛ Samaria.

1 Timotio 3:5

(Onu gɛ anɔ teli eti nyi kana gɛ aba gbanɔ yɛnahwɛ bupa, kɛlɛ aba na Kpaya busɔlɛɔha nɛa bha di?)

Galatianɛ 2:9

Yakobo, Petro anɛ Yohanɛsɛ, ba gɛ benu anasɛ bushã, ba kɔ mɛ anɛ̀ Barnabasɛ ahwɛ nɛna kukɔ ɔhaglɔ kibelɛlɛ gɛ ba mɔ ɛyamyuyɔ gɛ bakɔ mɛ. Ba dɛmɛ sɛ bu vɛ ba gɛ be dinu Yuɖanɛ nɔ kɔ klɛ tɛ ba lɛ avɛ Yuɖanɛ nɔ kɔ.

Mateo 18:17

Onu gɛ adɛ ta balɛ tsyɛ batɔ, yɛkɔ kibui nɛ ɔkɔ busɔlɛɔha, klɛ onu gɛ adɛ ta ɔha nɛ tsyɛ atɔ, klɛ tɛ ɔyɛkɔ yɛ ansɛ anɔ gɛ adɛ sɔlɛ klɛ enu ansɛ adɔdzyɔ gɛ edzyini anɔa kpɛ.

Mateo 11:23

Klɛ wɔ, Kapenaum, be be feke wɔ ewunɔ akpɛ kɛlɛɛ mɛ dza? Ao, obo zhi okue si ɔyɛkɔ vɛnɔ odzudzukɔ. Otɔsɛ ebui yiyinɔanɔ gɛ babhɛtɛ nɛ wɔ mɛ edzi asɛ Sodom la bhɛtɛ alɛ, la ta wɔ ɔkɛlɛ ɔbɔ nanɔ oboe wi.

Mateo 10:2

Banɔkpɛkpɛ lɔfɔntɛabha nɛ enyi naa: putɔnɔ, Simɔnɛ (gɛ bee kulu asɛ Petro) anɛ yadzya Andrɛasɛ, Yakobo Zebeɖi yɛ eyi, anɛ yɛadzya Yohanɛsɛ,

Tɛbubukasɛ 11:15

Kpayaxwɛdɛ gigenemi na bɔ yɛa xũlɛ̃, klɛ ilim gɛganɛɛ yi nɛ owũsise, gɛ ka ɖɔ sɛ: “Kanɔ nɛ mɛ bukusiɔŋakɔ nɛ bo dzi bulɔ Apalete anɛ yɛ Kristo bukusiɔŋakɔ, klɛ aba ŋɛabha ɔvɛnɔ mabeke mabekem.”

1 Kɔrintioanɛ 15:55

“O butsi, fakɔ wɔ kabhaŋɛŋa na lɛ? O butsi, fakɔ wɔ ɔtato nɛ lɛ?”

Mateo 4:18

Gɛ Yesu aaga nɛ Galelia aƒu nɛ shu, amɔ badzya tɛabha, Simɔnɛ gɛ be kulu asɛ Petro anɛ yadzya Andrɛasɛ. Be dzi aza da kenimdzikle kɛvɔ nɛ mɛ alasɛ benu banɔ gɛ bee bu kenimɛdzya.

Mateo 7:24

“Kɛlɛ so anɔnyanɔ gɛ enu mɛ ebuia nɛ, klɛ ayɛkɔ alɛ akpɛ tɛbhɛbhɛtɛ mɛ asɔnɔ anɔ nyinyibui gɛ edzu buvu atrɔ kɛklãgbua bha.

Axwɛwɛwa 20:28

No di wɔnɔ shua bha nɛ ibhoshiha nɛ petee gɛ Ɔfufɔɛ Dzyɔgo nɛ ɔbhɛtɛ nɔ sɛ no di ɛlɛa bha. No dzi bagbɛgbanɔ kɔ Kpaya busɔlɛha, gɛ edzi nɛ yɛnahwɛ dzyosu.