Mateo 16:13 - ONUGBÙ NYƐNYÃ VUVƆ

¹³ Kibe lɛ gɛ Yesu ebe ku Sizeria Filipi bee, ebisi yɛ badɔkpasɛ nɛ asɛ, “Anee banɔa ɖɔ sɛ yɛ Anɔdzyrame yɛ Eyi nɛ enu?”

Mateo 16:13 Referans Kwoze

Yohanɛsɛ 5:27

Klɛ akɔ yɛ kabhaŋɛŋa tɛ eklu kebhui alasɛ yɛ nu Anɔdzyrame Eyianyɛ.

Mateo 9:6

Pɔ sɛ tɛ no ti sɛ Anɔdzyrame Yeyi nɛɛ kabhaŋɛŋa ka lɛ yɛahwɛ nɛ kesukpa nɛa bha sɛ tɛ ayɛkɔ buzizi etsye.” Klɛ aɖɔ etsre anɔgbɛgba nɛ asɛ, “Lɔ, yɛkɔ wɔ oputso tɛ ɔga vɛ bupa mɛ.”

Mateo 13:37

Ebu kɛlɛ nu asɛ, “Anɔ nɛ gɛ aɖa eyi dzyɔgo nɛ yɛ enu Anɔdzyrame yɛ Eyi.

Mateo 12:8

Alasɛ Anɔdzyrame yɛ Eyi nɛ yɛ enu Apalete kɔ Kimuenewi.”

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 7:56

Asɛ, “Di mɔ,” “Ɛmɔ owũsise lɔ danɛ klɛ Anɔdzyrame yɛ Eyi nɛ li kititi nɛ Kpaya kɛŋam.”

Yohanɛsɛ 12:34

Banɔɛza baɖɔ gɛganɛɛ sɛ, “Bunu denɔ Ɛshã nɛ mɛ sɛ Kristo aba za vɛnɔ mabeke, so kɛlɛ nɔ bɔ nɛ aɖɔ sɛ, ‘Ba be feke Anɔdzyrame Yi avɛnɔ kabha’? Anɛ yɛ nu ‘Anɔdzyrame Yi’?”

Marko 10:45

Alasɛ Anɔdzyrame yɛ Eyi nɛ krua tsyɛ adɛ ba sɛ tɛ anɔ aba dɛ kɛxwɛ akɔ yɛ, pɔ yɛ aba sɛ tɛ aba dɛ kɛxwɛ, tɛ ayɛkɔ yɛ ɛkpã nɛ abuya kɛbhɛ nɛ banɔ gelee tɔkpu.”

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Mateo 25:31

“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Mateo 15:21

Gɛ ba shɛ nɛ ɔkɛlɛ, Yesu ekoeyi avɛ Taɛre anɛ Sidɔnɛ kɛdɔ nɛ mɛ.

Mateo 13:41

Anɔdzyrame yɛ Eyi nɛ aba kpɛ yɛ baxwɛdɛ nɛ asɛsɛ, klɛ le be bu kizizi kanyaka nɛ yɛ bukusiɔŋakɔ nɛ mɛ gɛ kɔ buzizi nɛ bagɛ ba bhɛtɛ butsutsɔmɔ.

Mateo 12:32

Anɔnyanɔ gɛ aba ɖɔ kaɖɔkpã nɛ Anɔdzyrame Yeyi nɛ shu ba ba yɛkɔ etsye yɛ, pɔ anɔ nɛ gɛ aba ɖɔ kaɖɔ kpã nɛ Ɔfufɔɛ Dzyɔgo nɛ shu ba tɛ ba yɛkɔ etsye, eze dzi nɛ tɛmumɔɛ nɛ mɛo kɛ gɛ tɛ ba nɛ mɛo.

Yohanɛsɛ 3:14

Anasɛ gɛ Mose efeke eblidzya akpɛ kabha nɛ odzogbe nɛ mɛ, so ba be feke Anɔdzyrame Yi akpɛ kabha,

Yohanɛsɛ 1:51

Kɛlɛ azaɖɔ sɛ, “Itsre nɔ kibui gbɛagba sɛ nɔ bɔ mɔ owũsise lɔ bɔ danɛ klɛ Kpaya yɛ baxwɛdɛ ba baza ewu klɛ baza ezhi aba nɛ Anɔdzyrame Yi nɛabha.”

Mateo 12:40

Alasɛ kana gɛ Yona aza kɛkpãgbla nɛ ɛya mɛ ewi tata nɛ itumu tɛta, kana Anɔdzyrame Yeyi nɛ tsyɛ aba za tisim ewi tata nɛ itumu tɛta.

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Mateo 16:28

Itsre nɔ kɛgba, banɔ teli gɛ be lii titi nɛ ɔkɛ̃ be ti be mini butsi flogo pɛ ba ba mɔ Anɔdzyrame yɛ Eyi nɛ aaba nɛ yɛ bukusi mɛ.”