Mateo 15:31 - ONUGBÙ NYƐNYÃ VUVƆ

³¹ Kɛ bhɛtɛ banɔ nɛ bi sɛ, ba mɔ imumu gɛ kpa kaɖɔ ɖɔ, ba bhɛtɛ akpatanɛ la dzyɔ, bagɛ ba taa ga na kpaa ga klɛ awɔ̃hũpu nɛ akpaa mɔ. Klɛ ba kpɛ Izraɛl Kpaya nɛa bha.

Mateo 15:31 Referans Kwoze

Mateo 9:8

Gɛ banɔɛza nɛ ba mɔ ebuia nɛɛ, kɛ bhɛtɛ balɛ bi, klɛ ba kpɛ Kpaya nɛa bha, agɛ yɛ akɔ banɔ kabhaŋɛŋɛa nɛɛ di.

Luka 18:43

Kplita yɛ awɔ̃hu nɛ ladanɛ klɛ atɔnɔ Yesu, klɛ akpɛ Kpaya nyi nɛ abha. Gɛ banɔ petee amɔ lɛ, balɛ tsyɛ bakpɛ Kpaya nyi nɛabha.

Luka 7:16

Kifu ku banɔ nɛ petee klɛ be hu Kpaya ahwɛ. “Banɔ nɛ baɖɔ sɛ atɔnu gbla ekoeyi nɛ bulɔɛ shi. Kpaya aba sɛ tɛ aba plɛnɔ yɛ banɔ.”

Mateo 18:8

Onu gɛ wɔ ɔhwɛ ɔdɔgɔsɛ wɔ ɔtsrɛ ɔbɔ kɔ sɛ odo ku buzizi mɛ, bhui ɔlɛ ɔtɛ̃. Aba pɛ kɔ wɔ sɛ tɛ otsoku ɛkpãm nɛ ɔtsrɛ bhubhui anɛ ɔhwɛ bhuibhui ɔkɔ dɛ sɛ ba yɛkɔ wɔ ada tɛ̃ akpɛ kifu manimani mɛ nɛ ɛhwɛ tɛbha anɛ ɛtsrɛ tɛbha.

Mateo 9:33

Klɛ gɛ akɛka ɔfufɔɛ nɛ ebu beke anyɛ nɛ akpa kaɖɔ ɖɔ. Kibui nɛ bhɛtɛ banɔɛza nɛ bi klɛ ba ɖɔ asɛ, “Kibuinyɛbui ana ka ba kɛlɛ mɛ di nɛ Izraɛl.”

Yohanɛsɛ 9:24

Bubhla nyɔ na nɛ gɛ be tsodzi eklu anyɛ gɛ yɛ awɔ̃hu nɛ pu, klɛ be tsre yɛ asɛ, “Dɛmɛ trɔ nɛ Kpaya amɛ sɛ ɔbɔɖɔ kibui gbɛagba.” ba ɖɔ sɛ “Bu nyi sɛ anyɛanɛ enu ebuizizi bhɛbhɛtɛ elete.”

Luka 14:21

“Axwɛdɛ nɛ etsodzi aba klɛ etsre yɛ apalete ebuia nɛ. Ɔkɛlɛ bupa nɛ elete nɛ amɔ obulo klɛ akpɛ yɛ axwɛdɛ nɛ asɛ, ‘Koeyi ɔvɛ zia tɛ ɔdo di edzo nɛabha anɛ buvude edzo nɛ mɛ tɛ ɔgbanɔ betsutsuni, bagɛ buga ma balɛ shu, aŋhupupu elete nɛ bagɛ ba ta na ga.’

Luka 14:13

Pɔ kɛbɛlɛmɛ sɛ oklu banɔ kɔ kɛdɔ ŋɛŋa, klu betsyutsyuini, bakpata, bagɛ ba ta na ga, awɔ̃hu pupu elete,

Marko 9:43

Onu gɛ wɔ ɔhwɛ toli ɔkɔ sɛ oku buzizi mɛ, bhui ɔlɛ ɔtɛɛ̃. Abɔ kɔ wɔ sɛ tɛ ɔhwɛ torikpo ɔza wɔ ahwɛ nɛ ɛkpã mɛ, ɔyɛkɔ dɛ sɛ tɛ ɔyɛkɔ ɛhwɛ tɛbha ɔvɛnɔ butsutsɔmɔ mɛ, nɛ ɔklɛ gɛ kifu tii ni.”

Marko 7:37

Kɛ bhɛtɛ banɔ nɛ kibi. Klɛ baa ɖɔ asɛ, “Abhɛtɛ kɛdɔnyɛdɔ klɛ kɛ na.” “Akɔa sɛ bagɛ betee nu tsyɛ be nu, bagɛ ba taa ɖɔ kaɖɔ na ɖɔ kaɖɔ.”

Marko 2:12

Evu alɔ, ayɛkɔ yɛ oputso klɛ aga ekoeyi ashɛ nɛ banɔ petee amɛ. Yesu bui nɛ gɛ abhɛtɛ nɛ yinɔ anɔnyanɔ klɛ banɔnyanɔ nɛ ɔkɛlɛ ba kpɛ Kpaya nɛa bha. Klɛ baa ɖɔ asɛ, “Bu ka mɔ kibui nɛ di dí!”

Mateo 21:14

Awɔ̃hũpu anɛ akpata atɔnɔ yɛ aba busɔlɛvu nɛ mɛ klɛ ebeke balɛ banya.

Mateo 8:10

Gɛ Yesu enu ebuia nɛ, le yinɔ yɛ klɛ aɖɔ etsre bagɛ ba lɛ yɛede nɛ asɛ, “Itsre wɔnɔ kɛgba sɛ, ɛka mɔ anyɛnyanyɛ ana di nɛ Izraɛl gɛ tɛyɛyɛkɛŋa gbɛgbla nɛɛ di lɛ yɛ ahwɛ.

Mateo 9:32

Gɛ bee koeyi nɛ ɔkɔlɛ, ba yɛkɔ anyɛ teli gɛ ɔfufɔɛkpã otsri yɛa bha pɛɛ ataa na kaɖɔ ɖɔ nɛ amɛna Yesu.

Mateo 15:30

Banɔɛza gbla tɔnɔ yɛ aba, banɔ gɛ bata ga, awɔ̃hũpu, akpata, imumu anɛ banɔ gelee bhlatɔ, klɛ ba yɛkɔ ebe lu yɛ butsrukpɔ nu; klɛ ebeke balɛ banya.