Mateo 14:33 - ONUGBÙ NYƐNYÃ VUVƆ

³³ Ɔkɛlɛ bagɛ ba kpasɛ opupu nɛ mɛ na kpɛ atɔkpuesi kɔ yɛ, aaɖɔ sɛ, “Kɛgbɛagba wɔ onu Kpaya yɛ Eyi.”

Mateo 14:33 Referans Kwoze

Yohanɛsɛ 11:27

Mata etsre Yesu asɛ, “Ee, Apalete, ɛyɛkɛ lɛabha ŋa sɛ wɔ nu Kristo, Kpaya yɛ Yi, gɛ abà kanɔ nɛ mɛ.”

Yohanɛsɛ 1:49

Ɔkɛlɛ Nataniɛl ebu aɖɔ sɛ, “Rabbi, wɔ nu Kpaya yɛ Yi, wɔ nu Ekusi nɛ Izraɛl.”

Romanɛ 1:4

klɛ yɛ ganɔ ishubhubhui Ɔfufɔɛ mɛ be bu yɛ akasɛ nɛ kemi sɛ ebe dzi Kpaya Yɛeyi ganɔ yɛ tɛnyɛnyɛmɛ denɔ bekpum: Yɛ enu bulɔ Apalete Yesu Kristo.

Marko 1:1

Yesu Kristo, Kpayayɛeyi nɛ bui nɛ kesi ɔkpɛkɔ.

Yohanɛsɛ 6:69

Bu yɛkɛŋa klɛ bunyi sɛ wɔ nu Kpaya dzyɔgo Anɔ.”

Mateo 16:16

Simɔnɛ Petro ebui lɛ nu asɛ, “Wɔ nu Kristo, ɛkpã Kpaya nɛ yɛ Eyi.”

Yohanɛsɛ 17:1

Gɛ Yesu aɖɔ kibui nɛ beke, ebu amɛ akpɛ owũsise klɛ eklukpaya: “Aka, kɛbe nɛ na. Kpɛ Wɔ Eyi nɛa bha, sɛ tɛ wɔ Eyi tsyɛ akpɛ wɔ nɛa bha.

Luka 4:41

Ɔyɛkɔdɛ, ɛfufɔɛ kpã koeyi nɛ banɔ gelee mɛ, nɛ̀ igugu, “Wɔ nu Kpaya yɛ Yi!” Pɔ alɛɛ nɛ ɛlɛabha gɛ adɛ kɔ alɛ dzo sɛ tɛ ba ɖɔaɖɔ, alasɛ be ti yɛ asɛ yɛ nu Kristo nɛ.

Marko 15:39

Klɛ gɛ keyutugbani Ovuloaka, gɛ aza kititi nɛ Yesu otugba, nɛ enu yɛ ogugu klɛ amɔ kana gɛ etsi nɛɛ, aɖɔ asɛ, “Kɛlɛlɛm sɛ anyɛa nɛɛ enu Kpaya yɛ Eyi!”

Mateo 28:17

Gɛ ba mɔ yɛ, ba kpɛ kɛtɔkpuesi akɔ yɛ; pɔ be teli adɛ yɛkɛ aŋa.

Mateo 28:9

Nɛ ɔkɛlɛ ɔlɛlɛ nɛ ko Yesu agbla tsyanɔa lɛ. Asɛ “Ɛsɛnɔ nɔ.” Badzɛ nɛ etsobunɔ yɛ, klɛ ba nyɛna yɛ butsrukpɔ klɛ ba kpɛ kɛtɔkpuesi akɔ yɛ.

Mateo 26:63

Pɔ Yesu adɛ fɔɛ nɛ alɛ. Kpayaɔzakɔanɔ nɛ etsre yɛ asɛ, “Ɛka atabu nɛ ɛkpã Kpaya nɛ nyi mɛ kɔ wɔ sɛ, Tsre lɔ onu gɛ wo nu Kristo, Kpaya yɛ Eyi.”

Yohanɛsɛ 19:7

Yuɖanɛ baza ɖɔ sɛ, “Ɔshã lɛ bulɔ ahwɛ, klɛ nɛ ɔshã nɛ nu alasɛ tɛ etsi, alasɛ aɖɔ sɛ enu Kpaya yɛ Yi.”

Luka 24:52

Kɛlɛ bakpɛ yɛ nyi nɛabha klɛ betsodzi avɛ Yerusalɛm nɛ samɛ.

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Mateo 15:25

Adzɛ nɛ alɔ ebe dzu ekuisiesi nɛ yɛ otugba. Klɛ aɖɔ asɛ, “Apalete, plɛnɔ mɛ!”

Mateo 4:3

Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”

Axwɛwɛwa 8:36

Gɛ ba vɛ nɛ kidzo nɛa bha, ba ba tɔnɔ buni tuli klɛ anɔgbla nɛ asɛ, “Di, buni tuli nũ. Kide so pɛ ɛta yɛkɛ bunikpɛkpɛ?”

Luka 8:28

Gɛ anɔ namɔ Yesu, akpɛ ogugu klɛ awɔlɛ adɔ Yesu otugba nɛ yɛ ɛtsrɛ nɛ shu, klɛ akpɛ ogugu gɛganɛ asɛ, “Kibui ɖuweɖu kɛlɛ lɛ bɔnɛ wɔɛ shi, Yesu, owũsise Ɖɛɖama Kpaya yɛ Yi? Ɛkpɛ kɛtɔkpuesi kɔ yɔ, tɛbhɛtɛ mɛ kizizi nyɛzizi!”

Marko 14:61

Pɔ Yesu adɔ sɛɛ̃ klɛ edi bu shu nu. Kpayanɔgbla nɛ eze bisi Yesu asɛ, “Wo nu Kristo, Kpaya yɛ Eyi Yuyula?”

Mateo 27:43

Ayɛkɛ Kpaya kabha ŋa. Kɔ Kpaya nɛ ebe bu yɛe onu gɛ apɛɛ yɛ, alasɛ aɖɔ asɛ, ‘Mɛ nu Kpaya yɛ Eyi.’ ”

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Mateo 2:11

Gɛ be de ku bupa nɛ mɛ, ba mɔ ŋɛvuvɔ anɛ yeni Maria, klɛ be zhiakpla klɛ ba kpɛ kɛtɔkpuesi akɔ yɛ. Ɔkɛlɛ ba danɛ balɛ ɔkpɛtɛ klɛ be bu kɛdɔkukɔ ansɛ, elifi anɛ sɛkadzɛdzã anɛ babɔhuhu akɔ yɛ.

Mateo 14:32

Klɛ gɛ be wueku opupu nɛ mɛ, kɛlɛɛ nɛ zukɔ lɔ.