Mateo 14:28 - ONUGBÙ NYƐNYÃ VUVƆ

²⁸ Petro ebui lɛ nu asɛ, “Apalete, onu wɔ, tsre mɛ ɔsɛ ɛba wɔ bha nɛ keni nɛa bha.”

Mateo 14:28 Referans Kwoze

Yohanɛsɛ 6:68

Simɔn Petro ebulɛnu akɔ yɛ asɛ, “Apalete, ane yɛ ɔkɔ bu ba vɛ? Wɔ ahwɛ ɛkpã mabekemabeke ebui na lɛ.

Romanɛ 12:3

Alasɛ ganɔ eshutukubui didi nɛ gɛ ba kɔm mɛ ɛɖɔ tsre wɔnɔmɛayɛ kanyaka sɛ: Nɔ tɔɔ di wɔnɔ shu nɛ ɔsɛ nɔ ɖama dɛ kana gɛ alasɛ tɛ nɔ za, pɔ no bui tɔkpum nɛ wɔnɔ shu nɛ ishubububɔ kebhuikuklum, ansɛ gɛ tɛyɛyɛkɛŋa tɛdzidze nɛm gɛ Kpaya akɔ nɔ.

Mateo 19:27

Petro etsre yɛ asɛ, “Bu tɛ shɛnahwɛ bulɔ kɛdɔnyɛdɔ shu sɛ tɛ bu za wɔe de! Kide gɛ zɛ ba za kɔ lɔ?”

Marko 14:31

Pɔ Petro atrɔ kɛklãgbu asɛ, “Onu kɛ dzi sɛ itsi plɛnɔ wɔ, ɛtɛ ba shɛnahwɛ wɔshu di.” Klɛ badɔkpasɛ gɔgɔɛ nɛ petee aɖɔ atrɔ ana.

Mateo 14:27

Pɔ Yesu etsre balɛ zia asɛ, “Nɔ kpɛ te! Mɛ nɔɔ mɔ. No ti si fu.”

Mateo 14:29

Yesu asɛ, “Gaba.” Ɔkɛlɛ Petro ezhi ekoeyi nɛ opupu nɛ mɛ, aga keni nɛa bha atɔnɔ Yesu aavɛ.

Yakobo 1:6

Pɔ onu gɛ ebisi, alasɛ tɛ ayɛkɛaŋa klɛ eti di kɛlɛ asɛ otro, alasɛ anɔ nɛ gɛ atɛ yɛkɛaŋa nɛ edzi ansɛ aƒu mɛ bunigiglebe, gɛ kɛlɛɛ fu kana.