Mateo 14:14 - ONUGBÙ NYƐNYÃ VUVƆ

¹⁴ Kibe lɛ gɛ Yesu ezhi aba kesukpa pɛ amɔ banɔɛza, be ku yɛ eshutukubui klɛ ebeke balɛ banya.

Mateo 14:14 Referans Kwoze

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.

Mateo 9:36

Gɛ amɔ banɔɛza, eshutukubui eku yɛ nɛ balɛ, alasɛ ba kpɛ balɛ bunuhu klɛ tɛpɛplɛnɔ kɛma kɔa lɛ, ansɛ ibhoshi gɛ agbɛgbanɔ ama kɔ ɛlɛ.

Hebriuanɛ 2:17

Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Hebriuanɛ 5:2

Adɔfɔɔ̃ nɛ bagɛ tinyibui nyɛbui nɛ bagɛ ba lɛla kidzo, nɛ kibe lɛlɛ gɛ yɛnahwɛ adɛ gɛganɛ.

Luka 19:41

Gɛ etsobunɔ Yerusalɛm klɛ amɔ ɔma nɛ mɛ, ebiyo kɔ banɔ nɛ gɛ bakpasɛ ɔlɛmɛ

Luka 7:13

Gɛ Apalete amɔ adzɛ nɛ, yɛ dzyi tsyina nɛ yɛ shu klɛ etsre yɛ asɛ, “Tɔ biyo.”

Marko 9:22

“Bunya nɛɛ ganɛ yɛ bu tii kpɛ kifu anɛ buni mɛ sɛ tɛ bu yi yɛ. Pɔ onu gɛ ɔbɔ na kɛdɔ tili ɔbhɛtɛ, klɛ tɛ odi bulɔ eshutukubui tɛ ɔplɛnɔ bulɔ.”

Marko 6:34

Kibe lɛ nɛ gɛ Yesu ede ku pɛ amɔ banɔɛza nɛ piim, eshutukubui eku yɛ nɛ balɛ, alasɛ baza kɔ yɛ anasɛ ibhoshi gɛ agbɛgbanɔ ama kɔ ɛlɛ. So etenɔ balɛ kɛdɔ edidedi kasɛ.

Mateo 4:23

Yesu aga nyɔ ekoeyi nɛ Galelia, anɛ kɛdɔkɛkasɛ nɛ balɛ oxogokɔevu nɛm, kibui dzyɔgo nɛ tɛɖuɖɔ denɔ bukusiɔŋakɔ nɛ shu, klɛ ebeke banya nyaanya nɛ banɔ mɛ.

Mateo 14:15

Gɛ owulago nɛ ɔɔna, badɔkpasɛ na ba yɛ ɔbha klɛ ba ɖɔ asɛ, “Okpukpukɔ nɔɔ, klɛ keli tsyɛ fli bele. Kpɛ banɔɛza nɛɛ dzo, sɛ tɛ ba vɛ ɛmabhli nɛ mɛ tɛ be de dzi kɛŋɛŋa tili akɔ shu.”