Mateo 13:8 - ONUGBÙ NYƐNYÃ VUVƆ

⁸ Kana ke eyii nɛ teli adɔ kesukpa dzyɔgoa bha, gɛ akɔ sɛ le yu, nɛ kɛfɔɛfɔmɛ, anɛ afɛtehlomɛ, anɛ afata mɛ ɔyɛkɔ dɛ agɛ ba ɖa.

Mateo 13:8 Referans Kwoze

Luka 8:15

Eyi gɛ la dɔ kesukpa dzyɔgo nɛabha ale nu ba gɛ nu bui gɛ ba yɛkɛ lɛ atrɔ shu nɛ idzyi dzyɔgo, gɛ be nu ebui, ba yɛkɔ alɛ, klɛ nɛ kanyɛtsitsimɛ, lɛ yu eyuyu.

Mateo 13:23

Pɔ eyii nɛ gɛ adɔ kesukpa dzyɔgo nɛa bha, alɛ nu anɔ gɛ enu kibui klɛ enu kɛlɛe si. Klɛ kibui nɛ ba yu eyuyu gelee nɛ kɛfɔɛfɔm, nɛ ɛzakɔ afɛtehlo, afata mɛ ɔyɛkɔ dɛ eyi nɛ gɛ ba ɖa.”

Yohanɛsɛ 15:8

Kɛnɛ kɛnu kɔ mɛ Aka nɛ kabhakpɛkpɛ, gɛ nɔ yu eyuyu gelee dɛ, gɛ nɔ kasɛ wunɔɛ shu sɛ nɔ nu mɛ badɔkpasɛ.

Filipianɛ 1:11

gɛ ki yuku nɛ tɛzɛza dzyɔgo eyuyu gɛ aba ganɔ Yesu Kristo abha— kɔ ishubhubhui anɛ Kpaya kabhakpɛkpɛ.

Romanɛ 7:18

Ɛnyi sɛ kɛdzyɔgo kanyaka ma mɛ́mɛ, kɛlɛ nu sɛ, nɛ mɛ buzizi tɛzɛza nɛ mɛ. Alasɛ tɛpɛpɛɛ sɛ tɛ ɛbhɛtɛ kɛdzyɔgo nɛ kpasɛ mɛ́mɛ, pɔ ɛtɛ na kɛlɛ bubhɛtɛ.

Mateo 13:7

Eyii nɛ teli awɔlɛ adɔ ewim, gɛ ewi nɛ ebe she ada lɛ.

Marko 4:8

Pɔ tsyɛ eteli adɔ kesukpa dzyɔgo abha. Alɛ xũ nɛɛ ebe she, le yu gelee; laya nɛ tɛkpikpe afata, afɛtehlo ɔyɛkɔ vɛnɔ kɛfɔɛfɔ mɛ.”

Marko 4:20

Ba ga sɔnɔ eyi nɛ gɛ adɔ kesukpa dzyɔgo nɛa bha, balɛ benu Kpayɛbui klɛ bayɛkɛ kɛlɛ klɛ kɛ yu gelee nɛ, afata, afɛtehlo, ɔyɛkɔ nanɔ kɛfɔɛfɔ nɛ balɛ mɛ ansɛ kana gɛ bahwɛ alɛ.”

Luka 8:8

Tsyɛ eyi bhlatɔ wɔlɛ adɔ kesukpa dzyɔgo abha. Le yi klɛ le yu ɛzakɔ kɛfɔɛfɔ dɛ agɛ bahwɛ.” Gɛ aɖɔ kɛnɛ nɛ, akpɛ ogugu gɛganɛ sɛ, “Anɔ nɛ gɛ batɔ lɛ yɛ ahwɛ sɛ tɛ enuu, kɔ ye enu.”