Mateo 13:51 - ONUGBÙ NYƐNYÃ VUVƆ

⁵¹ Yesu ebisi balɛ asɛ, “Sɛ no nu ebuia nɛ petee mɛ?” Be bu klɛ nu asɛ, “Ee.”

Mateo 13:51 Referans Kwoze

Marko 4:34

Yesu adɛ tsre yɛ banɔ nɛ kibuinyɛbui gɛ adɛ kpɛɛ lɛ kɛkpalɛ. Pɔ onu gɛ yɛ nɛ yɛ badɔkpasɛ nɛ tite bee li, adanɛ kibuinyɛbui mɛ petee akɔ balɛ.

Mateo 13:19

Kibe lɛ gɛ anɔ teli enu bukusiɔŋakɔ kibui pɛ edi nu klɛe si, ɔfufɔɛkpã nɛ ɔbɔ ba ɔbɔ bhɛ kɛ gɛ ba tɛ ɖa kpɛ idzyi nɛ mɛ nɛ obu. Kɛlɛ nu eyii nɛ gɛ awɔlɛ adɔ kidzo nɛ shu.

Mateo 13:11

Ebui lɛ nu asɛ, “Ba tɛ yɛkɔ ebui kpukpu nɛ owũsise bukusiɔŋakɔ nɛ tɛtiti akɔ nɔ, pɔ ganɛ kɔ balɛ.

1 Yohanɛsɛ 5:20

Bu ka nyi sɛ Kpaya ye Yi nɛ aba klɛ akɔ lɔ kibuititi, sɛ tɛ bu ti yɛ gɛ enu agbɛagba. Klɛ bulɛ yɛ mɛ gɛ enu anɔɛgbɛagba—nɛ yɛ Yi Yesu Kristo tsyɛ mɛ. Ye nu kɛgbɛagba Kpaya anɛ̀ ɛkpã mabeke mabeke.

Marko 7:18

Ebisi asɛ, “Klɛ so wɔnɔ atɔkpu nɛ egble tsi kana lo?” “So nɔ tɔɔ mɔ sɛ kɛdɔnyɛdɔ gɛ kitsoku anɔ mɛ denɔ ɔtɔ nɛɛ kɛtɛ tutru anɔ?

Mateo 24:15

“Kɛlɛ so onu gɛ no li ɔzakɔ bhubhui pɛ nɔ mɔ ‘ebusobui nɛ gɛ akɔ butsyrɔ,’ gɛ alɛ bui la ɖɔ ganɔ atɔnu Daniɛlɛa bha nɛɛ—kɔ adɔkla nɛ enu klɛesi—

Mateo 16:11

Kɛlɛ ki dzi so pɛ no too nu kɛlɛe si sɛ ganɛ kɛŋɛŋa shui bui mɛ ɛɖɔ tsre wɔnɔ? Pɔ nɔ za nɛ awɔ̃ nɛ Farisianɛ anɛ Zaɖusianɛ anɛ bunayekedɔ nɛ shu.”

Mateo 15:17

“Nɔ tɔɔ mɔ sɛ kɛdɔnyɛdɔ gɛ tsoku onugbu mɛ kɛɛ vɛ ɛyam pɛ kɛ daa koeyi nɛ ishu nɛ mɛ?

Mateo 13:50

klɛ la ba yɛkɔ balɛ atɛ̃akpɛ kifu gɛganɛ nɛ mɛ, ɔkɛlɛ gɛ iyuyo nɛ eletɛtã aba za.

Mateo 13:52

Aɖɔ etsre alɛ asɛ, “Kɛlɛ so ɔshãdɔkasɛ kanyaka gɛ ba kasɛ dɔ edenɔ owũsise bukusiɔŋakɔ nɛ shu asɔnɔ ansɛ apalete gɛ ebu yɛ kɛkesrɔdɔ vuvɔ nɛ kɛkuku nɛ edenɔ yɛ kɛdɔ ɔbalakɔ.”