Mateo 13:38 - ONUGBÙ NYƐNYÃ VUVƆ

³⁸ Buya nɛ mɛ bulɛ nu kanɔ nɛ mɛ, klɛ eyi dzyɔgo nɛ alɛ nu bukusiɔŋakɔ nɛ mɛ bee yi. Tɛwa nɛ klɛ nu ezizi nɛ yeyialɛ,

Mateo 13:38 Referans Kwoze

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Axwɛwɛwa 13:10

“Wɔ, ɔfufɔɛkpã nɛ yɛeyi onu, klɛ ɔlɔ kititi nɛ kibui dzyɔgo kanyakaɛ di shu! Wɔ oyuku nɛ anɔ wɛwɛ edidedi anɛ kɛtɔkpum kpã. Klɛ so ɔtɛ bɔ zukɔlɔ Apalete nɛ edzo dzyɔgo nɛ bu tsyina?

1 Petro 1:23

Alasɛ betsodzi nɔ amɔ, anɛ kiyi zizi, pɔ nɛ́ mazimazi, ɔganɔ Kpaya ɛkpã zɛza nɛ ebui bhɛbhɛtɛ.

Yakobo 1:18

Ayɛkɔ sɛ aba mɔ lɔ ganɔ kɛgba kibui nɛm, sɛ tɛ bu ba dzi eyuyu tutɔpu teli di nɛ kɛdɔ nɛ petee gɛ abhɛtɛ nɛ shi.

Mateo 13:19

Kibe lɛ gɛ anɔ teli enu bukusiɔŋakɔ kibui pɛ edi nu klɛe si, ɔfufɔɛkpã nɛ ɔbɔ ba ɔbɔ bhɛ kɛ gɛ ba tɛ ɖa kpɛ idzyi nɛ mɛ nɛ obu. Kɛlɛ nu eyii nɛ gɛ awɔlɛ adɔ kidzo nɛ shu.

1 Yohanɛsɛ 3:2

Ɛbhɛya mumɔa, ɔtsɔ̃nɛ bu nu Kpaya ye yialɛ, klɛ kɛdɔnɔ nɛ gɛ bu badzi ba ka kɔ lɔ ti lɛ. Pɔ bu nyi sɛ kibe nɔ gɛ aba koeyi, bu ba dzi anasɛ yɛ, alasɛ bu ba mɔ yɛ anasɛ gɛ alɛ.

Koloseanɛ 1:6

gɛ kɛ ba kɔ nɔ. Nɛ kanɔ petee mɛ kibui dzyɔgoɛ nɛ kiyu eyuyu klɛ kishe, anasɛ gɛ kɛbhɛtɛ nɛ wɔnɔɛ shi, dɛnɔ kiwui nɛ gɛ no nui lɛ klɛ nɛ nu Kpaya eshutukubui didi nɛ kɛlɛ gbam petee.

Romanɛ 16:26

pɔ ɔtsɔ̃ gɛ be ti bu akasɛ klɛ ba kɔ le ti kɛlɛ ganɔ atɔnu nɛ ebuiŋuŋlɔmɛ ganɔ Kpaya gɛ eti beke nɛ ɔshã nu, sɛ tɛ amadi nɛ petee aba yɛkɛaŋa tɛ bata yɛ atɔ—

Romanɛ 10:18

Pɔ ibisi sɛ: Be di nu kibui? Kɛgba be nui lɛ asɛ: “Balɛ oli nɛm oti yi ɔvɛ kesukpa nɛa bha petee, balɛ ebuiɖuɖɔ la vɛ kanɔ nɛ ibekekɔ.”

Romanɛ 8:17

Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

Yohanɛsɛ 12:24

Ɛtsre nɔ gbɛagba, ɔdɛsɛ kɛmɔɛyi wɔlɛ dɔ kesukpa klɛ kɛ tsi kɛ nu kiyi tirikpo ko. Pɔ onugɛ kɛ tsi kɛ ba yi klɛ kɛ ba yu gelee.

Luka 24:47

klɛ kitemɛ tsyitsyina nɛ ebuizizi tsyitsye, ba baɖɔ nɛ yɛ nyimɛ kɔ amadi nɛ petee, kesikpɛkpɛ nɛ Yerusalɛm.

Mateo 24:14

Klɛ ba ba ɖɔ bukusiɔŋakɔ kibui nɛ akana kanɔ nɛ mɛ petee ansɛ kibuimɔɖɔ kɔ amadi nɛ petee, klɛ flogo pɛ obekekɔ nɛ ɔbɔ ba.

Tɛbubukasɛ 14:6

Ɔkɛlɛ mɛ ɛmɔ kpayaxwɛdɛ bhlatɔ gɛ epruru gɛ adɛ vɛ kɛlɛ mɛ fanɔ, klɛ evunɔ ɛkpã mabeke mabeke anɛ kibuidzyɔgo sɛ tɛ aɖɔɛ lɛ etsre bagɛ be tsri kesukpa nɛa bha— kɔ kɛmadigbla kanyaka, amadibhli, bunuhu anɛ banɔ nɛ petee.

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

Mateo 5:37

Kplitaa nɛ, kɔ wɔ ‘Xee’ nɛ edzi ‘Xee,’ tɛ wɔ ‘Owo’ nɛ edzi ‘Owo’, kibui nyɛbui di gɛ kɛɛ zɛ dɛ kana nɛ kide ɔfufɔɛkpã nɛ ɔkɔ.

Mateo 8:12

Pɔ ba ba yɛkɔ bagɛ ba kpasɛ bukusiɔŋakɔ nɛesi nɛ atɛa kpɛ ɔtɔ, nɛ otumu mɛ, nɛ ɔkɛlɛ gɛ iyuyo nɛ eletɛtã aba za.”