Mateo 13:22 - ONUGBÙ NYƐNYÃ VUVƆ

²² Eyii nɛ gɛ adɔ ewi mɛ alɛ nu anɔ gɛ enu kibui, pɔ ɛkpã nɛ mɛ butɔ nɛ kɛnɔmɛdɔ anɔwuwɔɛ eshe ada yɛ so kibui nɛ dɛ yu eyuyu nɛ yɛ mɛ.

Mateo 13:22 Referans Kwoze

1 Timotio 6:17

Bu otsre behoeyielete nɛ kanɔa nɛ mɛ sɛ ba tɛ za nɛ butɔm gɛganɛ pɛ ɔdɔgɔsɛ ba yɛkɔ kidzoenudidi atrɔ balɛ kɛnɔmɛdɔ nɛa bha, gɛ ɔtɛ bɔ na awɔ̃ lu nɛ kɛlɛa bha, pɔ ba yɛkɔ balɛ kidzoenudidi nɛ atrɔ Kpaya bha, yɛ akɔlɔ kɛdɔnyɛdɔ gelee kɔ bulɔ same mumɔ.

Luka 8:14

Eyi nɛ gɛ la dɔ ewui nɛ mɛ alɛ nu bagɛ be nu bui, pɔ gɛ ba vɛ balɛ dzo abha kanɔɛmɛ butɔ, ehoeyi anɛ̀ same kpãwũkpãwũ mumɔ na kpaka lɛ, klɛ la dɛ ba she.

Luka 12:15

Kɛlɛ aɖɔ tsre alɛ sɛ, “Nɔ di mɔ! Nɔ zanawɔ̃ nɛ kɛdɔ gbɛgbla pɛpɛɛ shu, anɔdzyrame ɛkpã anɛ kɛdɔ gelee zɛza anɔahwɛ mɛ kɛlɛ.”

2 Timotio 4:10

alasɛ Dimasɛ, gɛ aɖɔ kanɔa nɛ mɛ so, eti tu alɔ mɛ klɛ ashɛ avɛ Tesalonika. Krɛsinsɛ atɛ shɛ avɛ Galatia, klɛ Titusɛ avɛ Dalmatia.

Mateo 13:7

Eyii nɛ teli awɔlɛ adɔ ewim, gɛ ewi nɛ ebe she ada lɛ.

Luka 12:21

Kɛlɛ Yesu asɛ “Kana lɛ ba za nɛ̀ anɔ kanyaka gɛ abala kɛdɔ lu kɔ shu pɔ adɛ mɔ ehueyi ɔvɛnɔ Kpaya kɔ.”

Luka 21:34

Nɔ di shuabha, odinuana wunɔ dzyi aba yɛ nɛ̀ butɔ, tɛbubuku, nɛ kifu sisi ɛkpã zɛza, klɛ kiwui lɛlɛ kɛba ba wɔabha nɛ matimati mɛ anasɛ kɛgbatɛtɔ.

Axwɛwɛwa 8:18

Gɛ Simɔn amɔ kana gɛ Ɔfufɔɛ nɛ ɔba banɔ nɛa bha ganɔ banɔkpɛkpɛ nahwɛ tɛtrɔa lɛa bha, akɔa lɛ kɔba

Mateo 12:32

Anɔnyanɔ gɛ aba ɖɔ kaɖɔkpã nɛ Anɔdzyrame Yeyi nɛ shu ba ba yɛkɔ etsye yɛ, pɔ anɔ nɛ gɛ aba ɖɔ kaɖɔ kpã nɛ Ɔfufɔɛ Dzyɔgo nɛ shu ba tɛ ba yɛkɔ etsye, eze dzi nɛ tɛmumɔɛ nɛ mɛo kɛ gɛ tɛ ba nɛ mɛo.

Mateo 13:39

klɛ anɔkpã nɛ gɛ aɖa lɛ nɛ yɛ enu ɔfufɔɛkpã. Kɛdɔ yɛyɛkɔ kibe nɛ kɛlɛ nu kanɔ nɛ obekekɔ, klɛ badɔyɛkɔ nɛ balɛ enu Kpaya baxwɛdɛ.

Mateo 13:40

“Kana gɛ ba kpa tɛwa pɛ ba pɔɛ lɛ nɛ kifu mɛ, kana kɛ ba za nɛ kanɔ nɛ obekekɔ.

Romanɛ 12:2

Nɔ tɔɔ yɛkɔ wɔnɔ shu nɛ ɔkpɛ kanɔ nɛ tɛzɛza mɛ ɔtsɔlɛ, pɔ no dzi banɔ gɛ otsyina ganɔ wɔnɔ atɔkpum vuvɔ bhɛbhɛtɛ. Kɛlɛmɛ nɔ bɔ na Kpaya tɛpɛpɛ nu fekedi pɛ nɔ bɔ trɔahwɛ yɛ tɛpɛpɛ nɛa bha—yɛ tɛpɛ̃pɛ, kɛku awɔ̃ klɛ kɛna.

1 Kɔrintioanɛ 1:20

Fakɔ ebuiti nɛ alɛ? Fakɔ keplukpalete na lɛ? Fakɔ banɔ nɛ gɛ benyi denɔ kanɔ nɛ shu alɛ? Anɛ Kpaya yɛ abhɛtɛ agã edzi ebuiti nɛ kanɔ nɛ mɛ?

1 Kɔrintioanɛ 2:6

Pɔ, bu ɖɔ, kibuinyinyi ɔklasɔ nɛ beshishe nɛ shi, pɔ ganɛ agɔa nɛ mɛ kibuinyinyi ɔdɔgɔsɛ agɔa nɛ mɛ baga ŋɛabha, gɛ ba ta ba kibuinyɛbui ɔbha.

1 Kɔrintioanɛ 2:8

Bamani kanyaka nɛ agɔa nɛ mɛ edi nu kalɛesi, pɔ otɔsɛ be nu, bagɛ ata kpla ishudɛdanɛ Apalete nɛ asɔ.

1 Kɔrintioanɛ 3:18

Nɔ tɔ wɔɛ wunɔ nahwɛshu. Onugɛ wunɔ mayɛ teli ayɛ kɔɛ lɛ asɛ enyi bui nɛ kanɔa nɛ tɛ zɛza nɛ mɛ, yɛ ebe dzi “agã” sɛ tɛ ebe dzi ebuiti.

2 Kɔrintioanɛ 4:4

Kanɔanɛ mɛ kpaya nɛ epu aŋuhu kɔ bagɛ badɛ yɛkɛaŋa, so tɛ batɛ mɔ kibui dzyɔgo nɛ futɛtã gɛ kɛnu Kristo kabhaŋɛŋa gɛ alɛ Kpaya tɛzɛzɛmɛ.

Galatianɛ 1:4

agɛ ayɛkɔ yɛnahwɛshu akɔ kɔ bulɔ ebuizizi tɔkpu sɛ tɛ ebu lɔ denɔ ɔtsɔ̃nɛ kanɔ zizia nɛ mɛ, anɛ́ bulɔ Kpaya anɛ̀ Aka nɛ́ tɛpɛpɛɛ nu,

Efesoanɛ 2:2

nɛ gɛ nɔ za kanɔ mɛ ebui nɛede klɛ agɛ aŋa bukusi nɛ kɛlɛmɛ, ɔfufɔɛ nɛ gɛ lɔ waɛxwɛ ɔtsɔ̃nɛ nɛ́ bagɛ ba ta ta tɔ nɛ mɛ.