Mateo 12:50 - ONUGBÙ NYƐNYÃ VUVƆ

⁵⁰ Alasɛ ananyanɔ gɛ abhɛtɛ Maka nɛ owũsise nɛ tɛpɛpɛɛ yɛ enu badzya, mada anɛ meni.”

Mateo 12:50 Referans Kwoze

Luka 8:21

Ebuilɛnu asɛ, “Meni nɛ mɛ adzyalɛ ba lɛ nu bagɛ benu Kpaya bui klɛ ba bhɛtɛ atrɔ kɛlɛabha.”

Marko 3:35

Anɔnyanɔ gɛ aabhɛtɛ Kpaya tɛpɛpɛɛ nɛɛ yɛ enu mɛadzya anɛ mɛada anɛ meni.”

Yohanɛsɛ 15:14

Nɔ nu mɛ ɛbhɛya onugɛ nɔ bhɛtɛ trɔ ɛshã gɛ ɛkɔ nɔ nɛabha.

Yohanɛsɛ 6:29

Yesu etsre alɛ asɛ, “Kpayɛa xwɛ kɛlɛ nu sɛ, tɛ nɔ yɛkɛ anɔ nɛ gɛ akpɛ nɛabha ŋa.”

Mateo 28:10

Ɔkɛlɛ Yesu etsre balɛ asɛ, “No to si fu. Nɔ vɛ tɛ no do tsre madzyalɛ nɛ ɔsɛ ba tɔnɔ avɛ Galelia, ɔkɛlɛ la ba mɔ mɛ.”

Romanɛ 8:29

Alasɛ banɔ nɛ gɛ Kpaya enyi putɔnɔ atɛ bhɛtɛ alɛ sɛ tɛ ba za Yɛeyi nɛ tɛzɛzam, sɛ tɛ ebe dzi amumɔtutɔpu nɛ badzya gelee shi.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

1 Yohanɛsɛ 2:17

Kanɔ nɛ kalɛ ebui bhɛbhɛtɛ nɛ nu bafla, pɔ anɔ nɛ gɛ abhɛtɛ Kpaya yɛ tɛpɛpɛɛ aba za nɛ ɛkpã avɛnɔ mabeke mabeke mɛ.

Mateo 25:40

“Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’

1 Timotio 5:2

badzɛshishe ansɛ beni, bubite ansɛ bada, anɛ ishubhubhui gɛ kɛdɔnyɛdɔ dɛ gɔ.

1 Petro 4:2

Nɛ kɛlɛso, ata za nɛ ɛkpã gugɔɛ nɛ kesukpaɛ abha ɛkpã kɔ anɔdzyrame buzizi tɛpɛpɛɛ, pɔ nɛ kɛlɛ ɔzakɔ yɛkɔ kɔ Kpaya tɛpɛpɛɛ.

Galatianɛ 6:15

Bunyɛnyɛ bhubhui anɛ bunyɛnyɛ mabhui mabhui dɛ nu kɛdɔnyɛdɔ, kɛ gɛ nu kibui kɛlɛ nu tɛbhɛbhɛtɛ vuvɔ.

Yohanɛsɛ 20:17

Yesu aɖɔ sɛ, “Tɛ nyɛna mɛ, alasɛ ɛka tsodzi vɛ Aka nɔ kɔ. Kɛlɛɔzakɔ, vɛ madzya lɛ nɛ ɔkɔ tɛ otsre alɛ sɛ, ‘Itsodzi vɛ́ mɛ Aka anɛ̀ wunɔ Aka, mɛ̀ Kpaya anɛ̀ wunɔ Kpaya nɔ kɔ.’ ”

Tɛbubukasɛ 22:14

“Bayula bagɛ be plu balɛ bawi, klɛ kidzoenu ba za kɔa lɛ nɛ ɛkpãosi nɛ shu klɛ ba ba ga budunu nɛ etsoku ɔmagbla nɛm.

Koloseanɛ 3:11

Ɔkɛ̃nɛ Griki ɔdɔgɔsɛ Yuɖaeyi ama, bunyɛnyɛ bhubhui, ɔdɔgɔsɛ bunyɛnyɛ mabhuimabhui, bunuhu bhlatɔ ehuhu, amɛ mabhuimabhui, banɔdzidzi, ɔdɔgɔsɛ ɛshuahwɛ zɛza, pɔ Kristo enu balɛ petee, klɛ alɛ balɛ petee mɛ.

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Hebriuanɛ 5:9

klɛ ba za bhɛtɛ yɛ mɔmɔ, ebe dzi anɔ gɛ yɛabha ba ga gɛ ba mɔ tɛbhubhuiɔyɛkɛ mabeke mabeke kɔ balɛ petee gɛ ba ta yɛ atɔ

2 Kɔrintioanɛ 11:2

Ɛwlãnkɛ abha nɛ wunɔɛ tɔkpu nɛ Kpaya. kabhawuwlãnkɛ. Ɛɖɔ anyɛ terikpo bui lu kɔ wɔ, kɔ Kristo, sɛ tɛ ɛba yɛkɔ wɔ kɔ yɛ anasɛ adzɛ gɛ etinyi anyɛ.

Axwɛwɛwa 26:20

Putɔnɔ kɔ baga lɛ Damaskosɛ, ka kɔ baga lɛ Yerusalɛm nɛ Yuɖia petee, anɛ kɔ bagɛ be di nu Yuɖanɛ nɛ tsyɛ, ɛkasɛ kɛdɔ sɛ tɛ be tsyina kitem tɛ be tsyina tɔ Kpaya tɛ be bu balɛ tɛtsyitsyina nɛ akasɛ anɛ ganɔ balɛ ebui bhɛbhɛtɛm.

Mateo 25:45

“Ɛbe bui lɛ nu asɛ, ‘Itsre nɔ kɛgba sɛ, kɛdɔnɔ nɛ gɛ nɔ dɛ bhɛtɛ kɔ anɔ bhli tsyɛ nɛ banɔa nɛ mɛ, nɔ dɛ bhɛtɛ kɔ mɛ naa lɛlɛ.’

1 Kɔrintioanɛ 9:5

Kidzo ma kɔlɔ sɛ tɛ bu gbanɔ bulɔe dzini nɛ gɛ asɔlɛ nɛ ɔplɛnɔ bulɔ shu, anasɛ gɛ bakpɛkpɛ bhlatɔ anɛ̀ Apalete nɛ yɛadzalɛ anɛ Kefasɛ baa bhɛtɛ?

Mateo 12:49

Ebu ɔhwɛ akpɛ yɛ badɔkpasɛ nɛ ɔkɔ asɛ, “Meni anɛ madzyalɛ naa.

Mateo 13:1

Kiwi lɛlɛ nɛ ke Yesu ekoeyi ada za kɛvɔ nɛ butɔ.