Mateo 12:45 - ONUGBÙ NYƐNYÃ VUVƆ

⁴⁵ Ɔkɛlɛ ɔfufɔɛ nɛ ootsodzi ɔvɛ ɔdɔ gbanɔ tigene bhlatɔ gɛ tsɔmɔ dɛ ɔlɛ nahwɛ nɛ ata shu, klɛ lɛ ba tsoku da za ɔkɛlɛ. Klɛ anɔ yɛ tɛzɛza mɛ ba tsodzi tsɔmɔ dɛa na gɛ aza putɔnɔ. Kana kɛ ba za kɔ kɛtɔkpum gɛganɛ tɛmumɔɛ nɛm banɔ.”

Mateo 12:45 Referans Kwoze

Luka 11:26

Ɔkɛlɛ lɔ bɔ vɛ klɛ lɔ dɔ yɛkɔ ɛfufɔɛ kpã tigene bhlatɔ gɛ ɛlɛtɔkpuimɛ gɛganɛ dɛ ɔlɛnahwɛ, klɛ lɛ da za ɔkɛlɛ. Klɛ anɔ alɛlɛ nɛ kpã zɛza gugɔɛ nɛ mɛ lɛ tsɔmɔ dɛ kana gɛ lɛza putɔnɔ.”

Marko 5:9

Klɛ Yesu ebisi yɛ asɛ, “Kidee gɛ nu wɔ kinyi?” Ebui lɛ nu asɛ, “Mɛ kinyi klɛ nu Ovulo, ” “alasɛ bu kpe.”

Marko 16:9

Gɛ Yesu alɔ kɛvulɔ nɛ pinii nɛ ɔgɔnɛ nɛ kiwi tutɔpu nɛa bha, eputɔ awɛ̃ nɛ Maria Magdaline amɛ, agɛ yɛ mɛ akɛka ɛfufɔɛkpã tigene nɛ ebu.

Hebriuanɛ 10:39

Pɔ bu dɛ nu bagɛ be tsodzi aba kide klɛ ba lɛla, pɔ bagɛ ba yɛkɛŋa klɛ be bhuialɛ ayɛkɛ.

Mateo 23:24

wɔnɔ awɔ̃hũpu elete gɛ baa gbanɔ anɔ! No pi kagɛbhli ɔtɛ̃ɛ pɔ nɔɔ munɔ kipuaga.

Mateo 12:24

Pɔ gɛ Farisianɛ be nu ana, ba ɖɔ asɛ, “Ganɔ ɛfufɔɛkpã ekusieyi nɛa bha anɔa nɛ aakɛka ɛfufɔɛkpã nɛ ebu.”

Efesoanɛ 6:12

Alasɛ bulɔ tɛwuwlãkɛ nɛ ma ishuidzya anɛ dzyosu shu, pɔ bagɛ ba ŋɛabha, ɛshã, kanɔa nɛ mɛ otumu mɛ kemi anɛ ɛfufɔɛ tsutsɔmɔ bugɛganɛ nɛ owũsise kɛdɔ nɛ mɛ be.

Mateo 23:15

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔɔ ga kidzo nɛ kesukpa anɛ aƒu abha sɛ tɛ no tsyina anɔ terikpo, klɛ onu gɛ eedzi wɔnɔ mɛayɛ teli beke, nɔ bɔ bhɛtɛ yɛ aba tsɔmɔ ɛzakɔ tɛbha dɛ ansɛ kifu mabeke mabeke mɛ eyi nɛ gɛ no nu.

Mateo 12:44

Ɔkɛlɛ lɔɔ ɖɔ sɛ, ‘Ɛba tsodzi vɛ bupa nɛ mɛ gɛ ɛtɛ shɛ.’ Kibe lɛ gɛ loo do ku, pɛ lɔɔ mɔ sɛ anɔnyanɔ ama bulɛ mɛ, ba gba bulɛ mɛ klɛ ba bhɛtɛ bulɛ mɛ elu mɔmɔ.

Mateo 17:21

Pɔ ɔfufɔɛ ɔnɛ nɛɛ di ɔtɛ boo koeyi odinu ganɔ kpayakuklu nɛ onugbunyɛnya mɛ.