Mateo 12:34 - ONUGBÙ NYƐNYÃ VUVƆ

³⁴ Wɔnɔ atagblashã tɛzɛzam banɔ, kɛlɛ wɔnɔ banɔ nɛ gɛ ɔtsɔmɔ nɔ bɔ ɖɔ kibui dzyɔgo tii li? Alasɛ kibui nɛ kɛɛ dɛ idzyi klɛ onugbu nɛ ɔɔɖɔaɖɔ.

Mateo 12:34 Referans Kwoze

Luka 6:45

Anɔ dzyɔgo edenɔ kɛdɔ dzyɔgo amɛna nɛ kɛdzyɔgo gɛ abala nɛ yɛ idzyi mɛ, klɛ anɔ zizi amɛna kɛdɔ zizi gɛ kɛnu kizizi gɛ abala nɛ yɛ idzyi mɛ. Alasɛ kɛ gɛ dɛ idzyi kɛlɛ onugbu ɔɖɔ.

Mateo 15:18

Pɔ ebui nɛ gɛ aaga onugbu mɛ ekoeyi le de idzyi nɛ mɛ, klɛ alɛ ‘tutru’ anɔ.

Efesoanɛ 4:29

Nɔ tɛ kɔ kaɖɔ tsutsɔmɔ kanyaka ke koeyi nɛ wɔnɔ inugbu mɛ, pɔ ka gɛ ko ka ba plɛnɔ tɛbhubhɔ trɔ kɔ bagugɔɛ kɔ balɛ dɔ pɛpɛɛ, tɛ kɛ ba pɛ̃ kɔ ba gɛ ba tatɔ.

1 Yohanɛsɛ 3:10

Kɛnɛ kɛlɛ kɔ bu ti bagɛ benu Kpaya yɛ yialɛ klɛ ganɛ̀ bagɛ benu ɔfufɔɛkpã yɛ yialɛ. Anɔnyanɔ gɛ adɛ bhɛtɛ kɛ gɛ nu kɛdzyɔgo edɛnu Kpaya yɛ yi, ɔdɔgɔsɛ adɛ dɛmɛnɔ nɛ yɛ adzya, edi nu Kpaya yɛ yi.

Mateo 12:35

Anɔ dzyɔgo ebu ebui dzyɔgo edenɔ yɛ ebui dzyɔgo nɛ gɛ abala nɛ yɛ mɛ, klɛ anɔkpã edenɔ yɛ ebuikpã nɛ gɛ abala nɛ yɛ mɛ.

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Mateo 23:33

“Wɔnɔ beblidzya! Wɔnɔ atagblashã ɛyamɛeyi! Kɛlɛ nɔ bɔ na sii lɔ kifumani manim zɛza kɛpɔ?

Mateo 3:7

Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

Luka 3:7

Yohanɛsɛ etsre banɔɛza nɛ gɛ ba ba sɛ tɛ akpɛ buni kɔ alɛ sɛ, “Wunɔ beblidzya tsɛtsɔmɔ! Ane yɛ tsre nɔ sɛ tɛ no bu tɛtsrɛmɛ nɛ oblo gɛganɛ gɛ lɔ bɔ ba nɛ shu?

Efesoanɛ 5:4

Pɛnɔ obushuolu kɔ, agã ebui ɖɛɖɔ, pɛnɔ ɔyɔzizi gɛ la tɛ ba mɔ ɔzakɔ, pɔ nɔ za ahwɛhuhu abha.

Yakobo 3:2

Bulɔ petee bu kpatanɔ kɛdɔ nɛ edzo geleea bha. Onu gɛ anɔnyanɔ aka bhɛtɛ kito nɛ yɛ kibui nɛ gɛ aɖɔ nɛ mɛɛ, enu anɔ gɛ ana, aba na yɛ ishu nɛ peteea bha di.