Mateo 12:28 - ONUGBÙ NYƐNYÃ VUVƆ

²⁸ Pɔ onu gɛ mɛ ɛkɛka ɛfufɔɛkpã ganɔ Kpaya Ɔfufɔɛ nɛa bha, kɛlɛ alɛ Kpaya bukusiɔŋakɔ nɛ ɔba wɔnɔa bha naa lɛlɛ.

Mateo 12:28 Referans Kwoze

Luka 11:20

Pɔ onugɛ ɛ́kɛka ɛfufɔɛkpã nɛ Kpaya wɔɛ, kɛlɛalɛ Kpaya kusi bu tɛ́ ba kɔ nɔ.

Mateo 21:43

Kɛlɛ so itsre nɔ sɛ ba ba nyɛna Kpaya bukusiɔŋakɔ nɛ ayɛkɛ nɛ wɔnɔ ahwɛ ayɛkɔ ada kɔ banɔ nɛ gɛ be yu ɔkɛlɛ eyuyu.

Mateo 6:33

Pɔ pɛɛ yɛ bukusi ɔŋakɔ nɛ yɛ tɛnɛnamɛzɛza nɛ oputɔnɔ, klɛ la ba yɛkɔ kɛdɔɛ nɛ petee tsyɛ ata kɔ nɔ.

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Koloseanɛ 1:13

Alasɛ ebhulɔayɛkɛ denɔ otumu ɔzakɔ klɛ amɛna lɔ aba kpɛ nɛ Eyi bukusiɔŋakɔ gɛ adɛmɛnɔ,

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

Luka 16:16

“Ɛshã anɛ Bebuiɖɔlu nɛ ebui ba ɖɔ alɛ ɔdɔtɔnɔ Yohanɛsɛ be. Denɔ kɛbelɛlɛ, ba ɖɔ kɛbui dzyɔgo denɔ Kpaya kusiɔŋakɔ nɛ shu, klɛ anɔnyanɔ wlãkɛ yɛ dzo sɛ tɛ etsoku lɛ mɛ.

Marko 1:15

Aɖɔ asɛ, “Kibe nɛ tɛ na,” “Kpaya bukusi nɛ tɛ tso bunɔ lɔ. So no tsyina kitem tɛ nɔ yɛkɛ kibui dzyɔgo nɛa bha ɔŋa!”

Mateo 21:31

“Nɛ beyi tɛabha nɛ shi, eɖueɖu ya bhɛtɛ aka nɛ tɛ pɛpɛɛ?” Be bui lɛ nu asɛ, “Eyi tutɔpu.” Yesu etsre alɛ asɛ, “Itsre nɔ kɛgba sɛ, badɔdzyɔ anɛ badzɛ zhuzhɔlɛ nee tsoku kpyakusiɔŋakɔ nɛ mɛ aalɔ nɔ.

Luka 9:2

klɛ akpɛ alɛ sɛ tɛ ba da ɖɔaɖɔ denɔ Kpaya bukusi nɛ shu klɛ tɛ ba kɔ banyɛnya nɛ alɔ.

Marko 16:17

Klɛ ebuimumɔa nɛ aba ga plɛnɔ bagɛ ba yɛkɛ aŋa: Nɛ mɛ nyi mɛ ba ba kɛka ɛfufɔɛkpã ebu; baba ɖɔa ɖɔ nɛ anɛkɛ vuvɔm;

Hebriuanɛ 12:28

Kɛlɛso gɛ kɛ nu sɛ bu yɛkɔ bukusiɔŋakɔ gɛ batɛ ba hwanɔ, nɔ kɔ lɔ huahwɛ, klɛ so nɔ kpɛ kɛtɔkpuesi kɔ Kpaya nɛ tɛdɛdɛmɛ mɛ nɛ kifusisi nɛ awɔ̃gɔganɔ,

Luka 10:11

‘Wunɔ ɔma nɛ mɛ ɔya kuratsyɛ gɛ lɔ lɛ bulɔ tsrukpɔ nɛ, bu tsru ɔlɛ lu kɔ kɛtitilɛlɔ kɔ nɔ. Pɔ nɔ ti sɛ: Kpaya bukusiɔŋakɔ nɛ tsobunɔ nɔ.’

Marko 11:10

“Bayula bulɔ aka Daviti bukusiŋɛŋa nɛ gɛ buba ba!” “Hosiana nɛ Ɔɖɛɖamakɔdɛ!”

Mateo 12:18

“Mɛ axwɛwa nɛ gɛ ibu nɛ naa, agɛ yɛ mɛ ɛɖɔ, yɛmɛ mɛ mɔ same, ɛba yɛkɔ mɛ Ɔfufɔɛ nɛ kpɛ yɛm, klɛ ebe bu kɛdzyudzyɔ nɛ akasɛ amadi nɛ petee.

Mateo 4:24

Be nu yɛ dɔ akana Siria petee, klɛ banɔa gbanɔ balɛ banyɛnya edidedi amɛna yɛ, banɔ teli nɛ ishutɛtã, beteli ɛfufɔɛkpã vua lɛ, beteli baa wɔlɛ ebho, klɛ beteli bagba klɛ ebeke balɛ banya nɛ petee.

Mateo 12:29

“Ɔyɛkɔ plɛnɔ, kɛlɛ anɔ teli ebe tsoku anɔ gɛganɛ bupa mɛ ko pɛ aba yalɛ yɛ kɛnɔmɛdɔ ashɛ̃nɔ gɛ odinu sɛ ebhuso anɔ gɛganɛ nɛ nu nya lu? Kɛlɛ flogo pɛ aba na zuru nɛ bupa nɛ mɛ.

1 Yohanɛsɛ 3:8

Anɔ nɛ gɛ abhɛtɛ kibuizizi enu ɔfufɔɛkpã ayɛ, alasɛ ɔfufɔɛkpã nɛ lɔ bhɛtɛ kizizi denɔ kesikpɛkpɛ ke. Kibui nɛ so gɛ Kpaya yɛ Yi aba kɛlɛ nu sɛ tɛ ezi ɔfufɔɛkpã nɛ kɛxwɛwɛwa.