Mateo 12:18 - ONUGBÙ NYƐNYÃ VUVƆ

¹⁸ “Mɛ axwɛwa nɛ gɛ ibu nɛ naa, agɛ yɛ mɛ ɛɖɔ, yɛmɛ mɛ mɔ same, ɛba yɛkɔ mɛ Ɔfufɔɛ nɛ kpɛ yɛm, klɛ ebe bu kɛdzyudzyɔ nɛ akasɛ amadi nɛ petee.

Mateo 12:18 Referans Kwoze

Luka 4:18

“Apalete nɛ Ɔfufɔɛ tsri mɛ abha, alasɛ abalɛ bubɔ nɛ mɛ abha tɛ aɖɔ ebui dzyɔgo kɔ betsutsukpɛ̃. Akpɛ mɛ asɛ ɛbaɖɔ ishu ahwɛzɛza bui kɔ bagɛ ba kpɛ buvu nɛ tɛ adanɛ awɔ̃hu kɔ awɔ̃hu pupu elete, tɛ ebu butɔ nɛ banɔ shu,

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Yohanɛsɛ 3:34

Alasɛ anɔ nɛ gɛ Kpaya asɛsɛ aɖɔ Kpaya ebui, alasɛ Kpaya akɔ Ɔfufɔɛ gɛ lɔ tɛ beke.

1 Petro 2:4

Gɛ ɔba yɛ ɔkɔ, ɛkpã kɛklãgbu—banɔ ba shɛnahwɛ lɛ shu pɔ kɛlɛ Kpaya ebu klɛ kɛ ŋaedzi kɔ yɛ—

2 Petro 1:17

Alasɛ ayɛkɛ kabhaŋɛŋa anɛ tɛbhubhui denɔ Aka Kpaya kɔ nɛ kibelɛlɛ gɛ kaɖɔɖuɖɔ nɛ aba kɔ yɛ denɔ Kabhakpɛkpɛ Gbɛgbladɛ ɔkɔ, kaɖɔ sɛ, “Ye nu mɛ Eyianyɛ, gɛ ɛdɛmɛnɔ, nɛ yɛ ɛpɛɛ yɛ bui mɔmɔ.”

Koloseanɛ 1:13

Alasɛ ebhulɔayɛkɛ denɔ otumu ɔzakɔ klɛ amɛna lɔ aba kpɛ nɛ Eyi bukusiɔŋakɔ gɛ adɛmɛnɔ,

Koloseanɛ 1:1

Paolo, Kristo Yesu anɔkpɛkpɛ nɛ́ Kpaya tɛ pɛpɛɛ nu, nɛ Timotio bulɔ adzya,

Efesoanɛ 1:6

tɛ bu kpɛ yɛ ishubhubhui ɛyɛmɛyuyɔ, gɛ ashɛnahwɛ akɔ lɔ bububɔɛ nɛ yɛ Yi gɛ adɛmɛ yɛ bui.

Axwɛwɛwa 14:27

Nɛ balɛ ɔkɛlɛ tɛkuku mɛ, be klu basɔlɛha nɛ exogo klɛ ba ɖɔ etsrea lɛ ebui nɛ petee gɛ Kpaya abhɛtɛ ganɔ balɛa bha nɛ kana gɛ adanɛ tɛyɛyɛkɛŋa kidzo akɔ bagɛ be di nu Yuɖanɛ.

Axwɛwɛwa 11:18

Gɛ be nua na nɛ, kibuinyɛbui daa za balɛ ahwɛ ɔyɛkɔ dɛ sɛ tɛ ba kpɛ Kpaya nɛa bha, nɛ tɛ ɖuɖɔ sɛ, “Klɛ so, Kpaya atrɔ ahwɛ bagɛ be di nu Yuɖanɛ nɛ tsyɛ kitem tsyitsyina nɛa bha nɛ kanɔa nɛ mɛ.”

Luka 23:35

Banɔ lɔkititi edi yɛ, klɛ ba gɛ baŋa abha ba bu onugbu mɛ nɛ yɛ shu. Ba ɖɔ sɛ, “Ebhui ba bhlatɔ ayɛkɛ, nɔ kɔ yɛ ebhui shu ayɛkɛ onugɛ enu Kristo Kpaya Ekuklu.”

Luka 9:35

Kaɖɔ tieli yi denɔ ɔmunɔ nɛ mɛ, sɛ, “Ya nɛ yɛ enu mɛ Yi, agɛ ɛklu, nɔ ta yɛatɔ,”

Luka 3:22

klɛ Ɔfufɔɛ dzyɔgo nɛ ozhi ɔba yɛabha nɛ gɔgɔwi tɛzɛza mɛ. Klɛ olimɛ toli oyi denɔ owũsise sɛ: “Wɔ nu mɛ Eyianyɛ, gɛ ɛdɛmɛnɔ, nɛ wɔ shu same eku mɛ mɔmɔ.”

Marko 9:7

Klɛ ɔmunɔ toli ɔbɔ dɔ kana balɛ, klɛ ogugu toli oyi denɔ ɔmunɔ nɛ mɛ sɛ, “Mɛ Eyi naa, gɛ ɛdɛmɛ yɛ kibui. Nɔ ta yɛ batɔ!”

Marko 1:11

Klɛ ogugu oyi denɔ owũsise pɛ lɔɔ ɖɔ sɛ, “Wɔ onu Meyi, gɛ ɛdɛmɛ nɔ; wɔ shu mɛ mɔ awɔ̃kuku.”

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Mateo 12:17

Kɛɛ nɛ kɛ lɛ sɛ tɛ kɛbhɛtɛ ansɛ gɛ ba ɖɔ ganɔ atɔnu Yezaya bha sɛ: