Mateo 11:5 - ONUGBÙ NYƐNYÃ VUVƆ

⁵ awɔ̃hũ pupuelete nɛ ba kpaa mɔ, akpatanɛ alɔa ga, bunya dzɛdzãelete nɛ banya nɛ ba shɛ, batɔpu nɛ ba kpa nu, betsitsi nɛ ba nyɛmɛ, klɛ ba ɖɔ kibui dzyɔgo nɛ etsre betsyutsyuini.

Mateo 11:5 Referans Kwoze

Luka 4:18

“Apalete nɛ Ɔfufɔɛ tsri mɛ abha, alasɛ abalɛ bubɔ nɛ mɛ abha tɛ aɖɔ ebui dzyɔgo kɔ betsutsukpɛ̃. Akpɛ mɛ asɛ ɛbaɖɔ ishu ahwɛzɛza bui kɔ bagɛ ba kpɛ buvu nɛ tɛ adanɛ awɔ̃hu kɔ awɔ̃hu pupu elete, tɛ ebu butɔ nɛ banɔ shu,

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

Mateo 21:14

Awɔ̃hũpu anɛ akpata atɔnɔ yɛ aba busɔlɛvu nɛ mɛ klɛ ebeke balɛ banya.

Yohanɛsɛ 10:38

Pɔ onugɛ ɛbhɛtɛ lɛ, tsyɛ kɛlɛmɛ nɔ dɛ yɛkɛ mɛabhaŋa, nɔ yɛkɛ ebuiyinɔanɔ nɛabhaŋa, sɛ tɛ nɔ bɔ ti tɛ nɔ nu kilɛesi sɛ Aka na lɛ mɛ mɛ klɛ mɛ lɛ Aka nɛ mɛ.”

Yohanɛsɛ 10:25

Yesu ebushunu sɛ, “Ɛtɛ tsre nɔ, pɔ nɔ dɛ yɛkɛŋa. Ebuiyinanɔ gɛ ɛbhɛtɛ nɛ mɛ Aka nɛ nyi mɛ kɛ ɖɔaɖɔ kɔ mɛ,

Yohanɛsɛ 5:36

“Ɛyɛkɛ kibuiɖɛɖɔ gɛ kɛlupudɛ Yohanɛsɛ yɛ. Alasɛ kɛxwɛ nɛ tututu gɛ Aka nakɔ mɛ sɛ tɛ ɛwa beke, klɛ mɛ ɛwa, kɛkasɛ sɛ Aka nɛ yɛ akpɛ mɛ.

Yohanɛsɛ 3:2

Aba Yesu ɔbha elishi teli klɛ aɖɔ sɛ, “Rabbi, bunyi sɛ wɔnu adɔkasɛ gɛ ede Kpaya kɔ. Alasɛ anɔnyanɔ atɛ bana ebuiyinɔanɔ kɛdɔmumɔ nɛ gɛ ɔbhɛtɛ nɛ abhɛtɛ, onugɛ Kpaya ama plɛnɔ yɛ.”

Yohanɛsɛ 2:23

Ɔtsyɔnɛ kibelɛlɛ gɛ Yesu aza Yerusalɛm nɛ́ Tɛfefla kiwuiŋɛŋa nɛabhaa, banɔ gelee ba mɔ ebuiyinanɔ dɔmumɔ gɛ abhɛtɛ klɛ ba yɛkɛ yɛ nyi nɛabhaŋa.

Marko 9:25

Gɛ Yesu amɔ banɔɛza nɛ gɛ ba yalɛ aba sɛ tɛ le be di kɛdɔnɔ nɛ gɛ kɛlɛ vɛ kabha nɛ, alɛɛ nɛ ɔfufɔɛkpã nɛa bha. “Wɔ batɔpu anɛ omumu ɔfufɔɛ,” “Ɛkpɛ ɔshã kɔ wɔ, fla okoeyi nɛ anuvɔ nɛ mɛ, tɔɔ ba obo tsoku yɛ mɛ kiwinyɛwi.”

Marko 7:37

Kɛ bhɛtɛ banɔ nɛ kibi. Klɛ baa ɖɔ asɛ, “Abhɛtɛ kɛdɔnyɛdɔ klɛ kɛ na.” “Akɔa sɛ bagɛ betee nu tsyɛ be nu, bagɛ ba taa ɖɔ kaɖɔ na ɖɔ kaɖɔ.”

Mateo 10:8

No beke banyɛnya nɛ banya, nɔ nyɛmɛ betsitsi, no xule bagɛ baa nya bunyadzɛdzã nɛ shu, nɔ kɛka ɛfufɔɛkpã obu. Fãa nɔ yɛkɛ, fãa nɔ kɔɛ dɔ.

Mateo 9:30

klɛ balɛ awɔ̃hũ nɛ adanɛ. Yesu akpɛ balɛ ɔshã gɛganɛɛ asɛ, “Nɔ dii lɛ ɔkɔ sɛ anɔnyanɔ eti ti kibuinyɛbui edenɔ kibui nɛ shu.”

Mateo 5:3

“Ba yula bagɛ ba dɔɛtsyui nɛ ɔfufɔɛ mɛ, alasɛ balɛ yɛ kɛlɛ nu bukusiɔŋakɔ nɛ owũsise.

Axwɛwɛwa 2:22

“Izraɛlanɛ mɔ, nɔ tatɔ kibui nɛ, Yesu Nazarɛtɛ eyi nɛɛ edzi anɔ gɛ Kpaya ebu kɔnɔ ganɔ ebui gɛ abhɛtɛ bi mɛ, ebui yiyinɔanɔ nɛ kɛdɔmumɔm gɛ Kpaya abhɛtɛ nɛ wɔnɔɛ shi ganɔ yɛa bha, ansɛ gɛ wɔnɔ nahwɛ no nyi.

Mateo 11:4

Yesu ebu klɛ nu asɛ, “No tsodzi ɔvɛ tɛ no do tsre Yohanɛsɛ kɛdɔnɔ nɛ gɛ no nu pɛ nɔɔ mɔ:

Mateo 12:13

Ɔkɛlɛ aɖɔ etsre anyɛ nɛ asɛ, “Bu wɔ ɔhwɛ nɛ ɔmɛna.” So anyɛ nɛ ebu ɔhwɛ nɛ amɛna klɛ ɔhwɛ nɛ otsodzi oku ɔlɛɛ ku, mɔmɔ ansɛ gɛ ɔbhla nɛ ɔlɛ.

Yohanɛsɛ 9:7

Yesu etsre anyɛ nɛ asɛ, “Vɛ, dɔ plu awɔ̃hu nɛabha nɛ Siloam Kɛvɔ” (kibui nɛesi kɛlɛ nu sɛ Kpɛ). So anyɛ nɛ avɛ klɛ ede plu alɛ, klɛ aba bupa mɛ amɔ.