Mateo 11:25 - ONUGBÙ NYƐNYÃ VUVƆ

²⁵ Nɛ kibe lɛ nɛ mɛ Yesu aɖɔ asɛ, “Ɛkpɛ wɔ, nɛabha, mɛ Aka, owũsise nɛ kesukpa Apalete, alasɛ ɔyɛkɔ ebuia nɛ okpu bebuinyi anɛ badɔkpasɛ, klɛ obua lɛ ɔkasɛ bunuvɔɛ bhli.

Mateo 11:25 Referans Kwoze

Mateo 21:16

Bee bisi yɛ asɛ “No nu ebui nɛ gɛ bunuvɔɛa nɛ baa ɖɔ?” Yesu ebui lɛ nu sɛ, “Ee,” nɔ kɔ kla, “ ‘Denɔ beyi anɛ bunuvɔɛ bhli nɛ inugbu mɛ nɔ tɛ trɔahwɛ kabhakpɛkpɛ nɛa bha.’ ”

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

2 Kɔrintioanɛ 3:14

Pɔ balɛ amɛ dɔ otumu, alasɛ ɔdɔtɔnɔ obowui nɛabha kɛdɔ kukumu lɛlɛ nɛ wɔ kɛbelɛlɛ gɛ ba kla tɛnyɛnya kuku keplukpa. Kɛ dɛ tsɛ nɛ balɛ amɛ, alasɛ Kristo terikpo mɛzɛza la ba tsɛ lɛ bu.

Axwɛwɛwa 17:24

“Kpaya nɛ gɛ abhɛtɛ kanɔ nɛ kɛdɔ nyɛdɔ gɛ kpasɛ kalɛ mɛ nɛɛ yɛ enu owũsise anɛ kesukpɛa nɛ Apalete, klɛ yɛ nɛɛ, ata za busɔlɛevu nɛ gɛ ba bhɔ nɛ ahwɛ nɛm.

Yohanɛsɛ 11:41

Nɛlɛso be bu kɛklãgbu nɛ odzre nɛ kedunu. Kɛlɛ Yesu ebu amɛ kpɛ kabha klɛ aɖɔ sɛ, “Aka, Ihu wɔ ahwɛ sɛ onu mɛ bui.

Luka 22:42

“ Aka, onugɛ wɔ ɔpɛɛ, tsɛ kantsea nɛ mɛa bha; anɛ mɛ tɛpɛpɛɛ, pɔ wɔɛ yɛ abha bu ba bhɛtɛ trɔ.”

Luka 23:34

Yesu aɖɔ sɛ, “Aka, yɛkɔtsye alɛ, alasɛ be tinyi kɛdɔ nɛgɛ ba bhɛtɛ.” Klɛ ba yɛkɔ yɛ dɔkpɛkpɛ akɔ ɔhaglɔ nɛ kebisi nɛ nu.

Yohanɛsɛ 12:27

“Ɔtsɔnɛ mɛ dzyi amɔ butɔ, klɛ kide mɛ baɖɔ? Ɛbaɖɔ sɛ ‘Aka, bhui mɛ ɔyɛkɛ nɛ ɔɖɔ nɛ mɛ’? Ao, kɛnɛ nahwɛ so gɛ ɛba nɛ ɔɖɔ nɛ mɛ.

Yohanɛsɛ 12:28

Aka, kpɛ wɔɛ nyi nɛabha!” Ɔkɛlɛ olimɛ toli yi de owũsise sɛ, “mɛ kpɛ yɛ nyi nɛabha, klɛ kɛ zɛa tsodzi akpɛ yɛ nyi nɛabha.”

1 Kɔrintioanɛ 2:10

pɔ Kpaya ebuakasɛ lɔ ganɔ yɛ Ɔfufɔɛ nɛabha. Ɔfufɔɛ nɛ oluawɔ̃di kɛdɔnyɛdɔ, Kpaya ekpukpu kuratsyɛ.