Mateo 11:23 - ONUGBÙ NYƐNYÃ VUVƆ

²³ Klɛ wɔ, Kapenaum, be be feke wɔ ewunɔ akpɛ kɛlɛɛ mɛ dza? Ao, obo zhi okue si ɔyɛkɔ vɛnɔ odzudzukɔ. Otɔsɛ ebui yiyinɔanɔ gɛ babhɛtɛ nɛ wɔ mɛ edzi asɛ Sodom la bhɛtɛ alɛ, la ta wɔ ɔkɛlɛ ɔbɔ nanɔ oboe wi.

Mateo 11:23 Referans Kwoze

Mateo 4:13

Gɛ ashɛ̃ nɛ Nazarɛtɛ, avɛ ada za Kapenuam, gɛ alɛ kɛvɔ nɔ bha nɛ Zebulunɛ nɛ Naftali kibee,

Tɛbubukasɛ 11:8

Balɛ ishuidzya tsitsi nɛ ba wɔ ɔmagbla nɛ edzo nɛa bha, gɛ be kulu nɛ kɛkpalɛ mɛ asɛ Soɖomu anɛ Egibite, nɛ ɔklɛ tsyɛ gɛ ba kpla Apalete nɛ asɔ.

Yuɖa 1:7

Nɛ kidzoe lɛlɛ nɛɛ dia bha, Soɖom anɛ Gomora anɛ ɛma nɛ gɛ kana lɛ na yɛkɔ balɛ shu akɔ azhuzhɔlɛbui anɛ buzizi. Be dzi ansɛ tɛdidibhɛtɛ kɔ bagɛ ba mɔ kifu mabeke mabeke mɛ batɔ tɛtɛtɛta.

Axwɛwɛwa 2:27

alasɛ ɔtɛ bɔ shɛnahwɛ mɛshu olu odzrem, ɔdɔgɔsɛ ɔbɔ kɔ sɛ wɔ Anɔ Dzyɔgo nɛ atsɔmɔ.

Luka 14:11

Alasɛ anɔ gɛ efeke shu ewunɔ ba be zhinɔɛ, klɛ anɔ nɛ gɛ ezhinɔ yɛ shu ba be feke yɛ owunɔ.”

Mateo 16:18

Klɛ mɛ itsre wɔ sɛ wonu Petro, klɛ nɛ kɛklãgbui nɛa bha mɛ ba bhɔ mɛ busɔlɛɔha nɛ ɛtrɔ, klɛ butsi tsyɛ tɛ ba ŋa ɔlɛa bha.

Mateo 8:5

Kibe lɛ gɛ Yesu etsoku Kapenaum nɛɛ, keyutugbani teli atɔnɛ yɛ aba ebe bisi tɛpɛplɛnɔ.

Luka 16:23

Nɛ kifu nɛ mɛ gɛ ehueyi elete ne amɔ butɔ, edi kabha klɛ amɔ Abraham nɛ ɔdzidze kɔ gɛ Lazaro alɛ yɛ wã.

Luka 4:23

Yesu etsrealɛ sɛ, “Kɛgbɛagba nɔ bɔ kpɛ kɛkpalɛ nɛ ɔkɔ mɛ sɛ: ‘Awabhɛtɛ, bhɛtɛ buwa kɔ wunɔ shu! Bhɛtɛ nɛ wɔ ɔma nɛ mɛ ansɛ kɛgɛ bu nu sɛ ɔbhɛtɛ́ nɛ Kapenɔɛm.’ ”

Mateo 17:24

Gɛ Yesu nɛ yɛ badɔkpasɛ nɛ ede ku Kapenaumɛ beke, badɔdzyɔ nɛ gɛ ba yɛkɛ kadzyɔ na ba tɔnɔ Petro klɛ be bisi yɛ asɛ, “Wɔnɔ adɔkasɛ nɛ xũ ataa kɔ busɔlɛvu mɛ kadzyɔ?”

Mateo 10:15

Itsre nɔ kɛgba sɛ, kɛ ba za bubɔɛbɔɛ kɔ Sorom anɛ Gomora nɛ kebhuikluwi nɛa bha ɔyɛkɔ dɛ ɔma nɔɔ lɛlɛ.

Luka 10:15

Klɛ ɛnɔ, Kapɛnum, ba befeke nɔ akpɛ kabha dza? Ao, nɔ bɔ vɛ kesi faã.

Axwɛwɛwa 2:31

Daviti atɛ mɔ kɛgɛ Kpaya aba bhɛtɛ nɛ otugba so, aɖɔ kaɖɔ denɔ Kristo tɛnyɛnyɛmɛ denɔ butsi mɛ shu asɛ, ba dɛ shɛnahwɛ yɛshu akpɛ odzrem, ɔdɔgɔsɛ yɛ ishuidzya nɛ mɔ tɛtsutsɔmɔ.

Tɛbubukasɛ 1:18

Mɛ nu Agɛ alɛ nɛ Ɛkpã, Iti tsi, klɛ no di ɛlɛ nɛ ɛkpã ɔyɛkɔ vɛnɔ! Klɛ ivunɔ butsi anɛ bekpu mɛ kedunuaɖɛ.

Tɛbubukasɛ 6:8

Idi, klɛ nɛ mɛ amɛ nɛɛ ɛmɔ ɛsɔ̃ vudugbee gɛ eli! Be kulu agɛ etsri yɛabha na sɛ Butsi, klɛ Bekpum alɛ yɛede etsobunɔ yɛ kpɔ̃, Ba kɔa lɛ kemi gɛ ka ŋa kesukpa nɛ kapɛ tierikpoa bha anɛ bupɛ tɔlɛ̃ mɛ sɛ be yi banɔ nɛ kɛpa nɛ mɛ, bubhɛ anɛ banyakpã, anɛ ganɔ kesukpa nɛa bha bagavuga nɛa bha.

Tɛbubukasɛ 20:13

Aƒu nɛ ebu betsitsi nɛ gɛ ba kpasɛ yɛ mɛ nɛ elu, klɛ butsi nɛ Bekpum ashɛnahwɛ bagɛ etsi akpasɛ balɛ mɛ nɛ elu, klɛ be kulu kebhui nɛ anɔnyanɔ nɛ ebui nɛ gɛ abhɛtɛ nɛ nu.