Mateo 10:40 - ONUGBÙ NYƐNYÃ VUVƆ

⁴⁰ Aanɔ nɛ gɛ aayɛkɛ wɔnɔ mɛ ayɛkɛ, klɛ agɛ aayɛkɛ mɛ ayɛkɛ anɔ nɛ gɛ akpɛ mɛ.

Mateo 10:40 Referans Kwoze

Yohanɛsɛ 13:20

Itsre nɔ gbɛagba sɛ, anɔ nɛ gɛ ayɛkɛ anɔnyanɔ gɛ ɛkpɛ, ayɛkɛ mɛ, klɛ anɔ nɛ gɛ ayɛkɛ mɛ, ayɛkɛ agɛ akpɛ mɛ.”

Luka 9:48

Kɛlɛ aɖɔ etsre alɛ sɛ, “Anɔ nɛ gɛ ayɛkɛ anuvɔ bhliyia nɛ mɛ nyi mɛ ayɛkɛ mɛ, klɛ anɔ nɛ gɛ ayɛkɛ mɛ, ayɛkɛ anɔ nɛ gɛ akpɛ mɛ. Alasɛ agɛ enu ebhliyidɛ nɛ wunɔ petee shi—ye nu agbɛgbladɛ.”

Luka 10:16

“Anɔ nɛ gɛ ata nɔ atɔ ata mɛ atɔ, anɔ́ nɛ gɛ adɛ̀ yɛkɛ nɔ adɛ yɛkɛ mɛ; pɔ anɔ gɛ adɛ yɛkɛ mɛ adɛ yɛkɛ agɛ akpɛ mɛ.”

Mateo 18:5

“Klɛ anɔnyanɔ gɛ aba yɛkɛ anuvɔ bhlia nɛ akpɛ etem nɛ mɛ kinyi mɛ, ayɛkɛ mɛ.

2 Yohanɛsɛ 1:9

Anɔnyanɔ gɛ esi afla vɛ otugba klɛ ata za Kristo kɛdɔkɛkasɛ nɛede adɛ yɛkɛ Kpaya, ánɔ nɛgɛ aza kɛdɔkɛkasɛ nɛabha ayɛkɛ balɛ tɛabha Aka anɛ Eyi.

Yohanɛsɛ 20:21

Yesu aza ɖɔ sɛ, “Nɔ lɛ mɔmɔ! Anasɛ gɛ Aka na kpɛ mɛ, ɛkpɛ nɔ tsyɛ.”

Mateo 25:40

“Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’

1 Tɛsolonianɛ 4:8

Kɛlɛ so, anɔ nɛ gɛ adɛ yɛkɛ kɛdɔkɛkasɛ ganɛ anɔ yɛ adɛ yɛkɛ, pɔ Kpaya, nɛ gɛ aakɔ nɔ yɛ Ɔfufɔɛ Dzyɔgo.

Galatianɛ 4:14

Kɛlɛlɛmɛ tsyɛ sɛ mɛ bunya nɛ so bedi simɛ nyɛnyɛ̃ ɔdɔgɔsɛ nɔ plɛmɛ. Kɛlɛmazɛlɛmɛ, nɔ yɛkɛmɛ anasɛ onugɛ ɛnu Kpaya axwɛdɛ, anasɛ onugɛ ɛnu Kristo Yesu yɛnahwɛ.

Yohanɛsɛ 5:23

sɛ tɛ balɛ petee bakpɛ Eyianyɛ nɛ tɔkpu nɛabha anasɛ gɛ ba kpɛ Aka nɛ tɔkpu nɛabha. Anɔ nɛ gɛ adɛ kpɛ Eyianyɛ nɛ tɔkpu nɛabha, adɛ kpɛ Aka nɛ gɛ akpɛ yɛ kɛtɔkpu nɛabha.

Marko 9:37

“Aanɔ nɛ gɛ ayɛkɛ banuvɔ bhlia nɛ ɔmɛayɛ teli nɛ mɛ kinyi mɛ, mɛ ayɛkɛ, klɛ anɔɔ nɛ gɛ ayɛkɛ mɛ nɛ ganɛ mɛ ayɛkɛ, agɛ akpɛ mɛ nɛ ayɛkɛ.”

Mateo 25:45

“Ɛbe bui lɛ nu asɛ, ‘Itsre nɔ kɛgba sɛ, kɛdɔnɔ nɛ gɛ nɔ dɛ bhɛtɛ kɔ anɔ bhli tsyɛ nɛ banɔa nɛ mɛ, nɔ dɛ bhɛtɛ kɔ mɛ naa lɛlɛ.’

2 Kɔrintioanɛ 5:20

Kɛlɛso bu nu Kristo ɔzakɔanɔ kpɛkpɛ, anasɛ kɛlɛlɛmɛ sɛ Kpaya ábhɛtɛ yɛ dɔ bibisi ganɔ bulɔ abha. Bu kpɛ kɛtɔkpuesi kɔ nɔ ganɔ Kristo abha: Kɔlɔ bhɛtɛ terikpo nɛ Kpaya.