Mateo 1:1 - ONUGBÙ NYƐNYÃ VUVƆ

¹ Kɛdɔ ŋuŋlɔmɛ lu nɛ Yesu Kristo Daviti yɛ Eyi gɛ enu Abraham yɛ Eyi nɛ shu:

Mateo 1:1 Referans Kwoze

Galatianɛ 3:16

Ba ɖɔ ebui tɛtrɔlu etsre Abraham anɛ yɛ beshui. Kɛdɔ ŋuŋlɔmɛ lu dɛ ɖɔ sɛ “klɛ kɔ beshui,” kɛlenu sɛ banɔ gelee, pɔ “klɛ kɔ wɔ shu,” kɛliesi kɛlɛnu anɔ terikpo, gɛ enu Kristo.

Romanɛ 1:3

denɔ Yɛeyi nɛ shu, gɛ nɛ yɛ anɔdzyrame kapɛ mɛ ede Daviti okum,

Tɛbubukasɛ 22:16

“Mɛ, Yesu, ɛtɛ kpɛ mɛ kpayaxwɛdɛ sɛ tɛ aba yɛkɔ ebuimɔɖɔa nɛ akɔ basɔlɛha. Mɛ nu Ogu anɛ Agɛ ede Daviti mɛ, anɛ Kɛvulɔɛ Wɛ̃wɛ̃ nɛ gɛ tã.”

Yohanɛsɛ 7:42

Anɛ buɖɔ kpayaeplukpa nɛ na ɖɔ sɛ Kristo ebede Daviti kɛpatsu mɛ klɛ ede Betlehem, ɔma nɛ mɛ gɛ Daviti aza?”

Axwɛwɛwa 2:30

Pɔ edzi atɔnu klɛ eti asɛ Kpaya atɛ ɖɔ elu ganɔ atabu kɛkam akɔ yɛ asɛ, aba yɛkɔ yɛ ɛyameyi teli edzu yɛ kegbu nɛa bha.

Mateo 1:18

Kana mɛ Yesu Kristo tɛmumɔ nɛ ga pɛ kɛba: Ba kpɛ yɛeni Maria bunuwã akɔ Yosɛfu sɛ tɛ aba gbanɔ, pɔ flogo tɛ la ba zanɛ aglɔ nɛɛ kɛba wɛ̃ sɛ Maria eti munɔ ɛya ganɔ Ɔfufɔɛ Dzyɔgo nɛa bha.

Romanɛ 9:5

Balɛ yɛ kɛlɛ nu banɔshishe, klɛ denɔ balɛ mɛ Kristo ansɛ anɔdzyrame ana la ba mɔ yɛ bakakuku, gɛ enu Kpaya kɔ anɔnyanɔ, gɛ ba kpɛ nɛa bha! Tɛ kɛbɛlɛm.

Romanɛ 4:13

Ganɛ sɛ ɔshã abha Abraham anɛ yɛeyialɛ nɛ ba ga pɛ ba yɛkɛ tɛtutrɔ denɔ Kpaya ɔkɔ sɛ aba ŋa kanɔ, pɔ ganɔ tɛnɛna nɛ gɛ ba denɔ tɛyɛyɛkɛŋa mɛ.

Mateo 15:22

Kananaɛtɛ dzi teli gɛ ede kibé lɛ nɛ aba yɛ ɔkɔ, nɛ iyuyo asɛ, “Apalete, Daviti yɛ Eyi, di mɛ eshutukubui! Mɛ eyiadzɛ aatɔ tsutsɔmɔ tsɔmɔ nɛ ɔfufɔɛkpã gɛ otsri yɛa bha nɛ mɛ.”

Mateo 9:27

Gɛ Yesu ashɛ̃ aavɛ denɔ ɔkɛlɛ, awɔ̃hũ pupuelete tɛabha ba za yɛe de, nɛ yɛ tɛ kukulu sɛ, “Di bulɔ eshutukubui, Daviti Yeyi!”

Mateo 3:16

Gɛ banya kpɛuni nɛ akɔ Yesu beke ko, klɛ ewu ekoeyi nɛ buni nɛm. Nɛ kibe lɛ nɛ mɛ owũsise nɛ ɔdanɛ, klɛ amɔ Kpaya Ɔfufɔɛ nɛ gɛ ozhi ɔɔba anasɛ gɔgɔwi anɛ kifuɔmɔɛ nɛ ɔza yɛa bha.

Mateo 1:2

Abraham yɛ edzi Isak yɛ aka, Isak yɛ edzi Yakɔb yɛ aka, Yakɔb yɛ edzi Yuɖa anɛ yɛadzyalɛ nɛ aka,

Luka 1:33

klɛ aba ŋa bukusi nɛ Yakobo bupa nɛabha vɛnɔ mabeke mabeke mɛ, yɛ bukusiɔŋakɔ nɛ ɔtɛ bo beke di. ”

1 Timotio 2:5

Alasɛ Kpaya terikpo yɛa lɛ, enu ebuevu nɛ Kpaya nɛ banɔdzyrame nɛ shi, yɛ enu Kristo Yesu,

2 Timotio 2:8

Baka Yesu Kristoe bui, gɛ be feke ebu denɔ bekpu mɛ, gɛ ede Daviti oku nɛ mɛ. Kɛlɛ nu mɛ kibuidzyɔgo,