Marko 9:24 - ONUGBÙ NYƐNYÃ VUVƆ

²⁴ Ko klɛ Aka nɛ akpɛ ogugu asɛ “Ɛyɛkɛ ɛŋa, plɛnɔ mɛ tɛ ɛŋa mɛ kabha mayɛkɛ mayɛkɛŋa nɛa bha!”

Marko 9:24 Referans Kwoze

Luka 17:5

Banɔkpɛkpɛ nɛ etsre Apalete nɛ asɛ, “Kɔ bulɔ tɛyɛyɛkɛŋa nɛ kpe trɔ!”

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Efesoanɛ 2:8

Alasɛ ganɔ ɛyamyuyɔ mɛ be bhui nɔ ayɛkɛ, nɛ tɛyɛyɛkɛŋa mɛ—klɛ kɛnɛ kɛ di de wɔnɔ nahwɛ ɔkɔ, kɛ nu Kpaya kɛdɔ gɛ akɔ—

2 Tɛsolonianɛ 1:11

Nɛ kibui nɛɛ di nɛ kɛtɔkpu mɛɛ, bu tsri lɛa bha bu kulukpaya nɛ wɔnɔɛ tɔkpu, sɛ tɛ bulɔ Kpaya nɛ aba kla nɔ sɛ nɔ na kɔ yɛ tɛkuklu, klɛ tɛ ganɔ yɛ kemi nɛ mɛ aba bhɛtɛ kɛkanyaka gɛ nu kɛdzyɔgo kɔ nɔ anɛ kɛkanyaka gɛ wɔnɔ tɛyɛyɛkɛŋa nɛ ba bisi.

2 Tɛsolonianɛ 1:3

Alasɛ kibenyɛbe tɛ bu zɛ hu Kpaya ahwɛ nɛ wɔnɔɛ tɔkpu, badzya mɔ, klɛ kana kɛ lɛ, alasɛ wɔnɔ tɛyɛyɛkɛŋa nɛ kii she trɔ, klɛ tɛɖuɖɔ nɛ gɛ lɛ anɔnyanɔa hwɛ kɔ yɛɔhayɛ nɛɛ she trɔ.

Filipianɛ 1:29

Alasɛ ba tɛ trɔ ahwɛ nɛ lɛabha kɔ nɔ nɛ Kristoe nyi mɛ ganɛ sɛ tɛ nɔ yɛkɛ yɛabhaŋa tite ko pɔ tɛ nɔ mɔ butɔ nɛ yɛ tɔkpu,

2 Kɔrintioanɛ 2:4

Alasɛ ɛŋlɔmɛ kɔ nɔ nɛ ishu mɛ pupɔɛ anɛ butɔ denɔ idzyi mɛ nɛ ɛwɔ̃mɛ gelee, ganɛ sɛ tɛ kpɛ nɔ obulo pɔ sɛ tɛ ɛkɔ nɔ mɔ tɛdzudzu mɛ kɔ wɔnɔ tɛdɛdɛmɛnɔ.

Hebriuanɛ 5:7

Nɛ Yesu ɛkpã zɛza nɛ kesukpa nɛabha be, ayɛkɔ kpayakuklu anɛ tɛbibisi anɛ ogugu gɛganɛ anɛ ɛwɔ̃mɛ kɔ anɔ nɛ gɛ ebe bu yɛ denɔ butsi mɛ, klɛ be nu lɛ akɔ yɛ alasɛ nɛ́ yɛ́ ishu zhizhinɔ kɛtɔkpuesi kpɛkpɛ so.

Axwɛwɛwa 10:31

klɛ aɖɔ sɛ, ‘Kɔneliusɛ, Kpaya eti nu wɔ yɛ tɛkukulu klɛ abaka wɔ kɛdɔkukɔ kɔ betsyuitsyuini.

2 Timotio 1:4

Gɛ ɛbaka wɔ iyuyo nɛ bui, ɛpɛɛ sɛ tɛ ɛmɔ nɔ, sɛ tɛ iyuku nɛ same.

Luka 7:44

Etsyina amɛ atɔ adze klɛ etsre Simɔn asɛ, “Ɔmɔ adzɛ anɛ? Ɛba wɔ bukpa nɛ mɛ. Ɔdɛ kɔ mɛ buni se ɛyɛkɔ plu butsrukpɔ nɔ, pɔ adzɛ ayɛkɔ yɛ ɛwɔ̃mɛ eplu mɛ butsrukpɔ klɛ ayɛkɔ yɛ kɛtɔkputɛka etsru lɛ nɔ.

Luka 7:38

klɛ alɔ kititi nɛ Yesu ede nɛ yɛ butsrukpɔ nɛ shu ebi iyuyo, gɛ yɛ butsrukpɔ nɛ yɔ nɛ ɛwɔ̃mɛ. Ɔkɛlɛ ayɛkɔ yɛ kɛtɔkputɛka etsru ɛwɔ̃mɛ nɛ yɛ butsrukpɔ, eminu lɛ, klɛ ayikɔ bubɔhuhu abalɛ balɛa bha.

Hebriuanɛ 12:17

Kɛlɛede, anasɛ gɛ no nyi, kibe lɛ gɛ apɛasɛ tɛ ayɛkɛ tɛyuyulaɛ nɛ, ba dɛ dɛmɛ akɔ yɛ lɛ. Ada na kɛtɔkpu mɛ tsɛtsrakɛ kanyaka mɛna, kɛnya za kɛlɛ mɛ sɛ ebi iyuyo akpɛ lɛ pɔ.

Axwɛwɛwa 10:19

Petro eke aza bhɛtɛ kɛtɔkpum nɛ kɛdɔ nɛ gɛ amɔ nɛ tra nɛ mɛ shu, ɔkɛlɛ Ɔfufɔɛ nɛ otsre sɛ, “Simɔnɛ, banɔ tɛata teli ebisi wɔɛ tɔkpu.

Marko 9:23

Yesu asɛ, “ ‘Ɔsɛ onu gɛ ɛba na dza?’ Kibui nyɛbui lɛ bɔbɔɛbɔɛ kɔ anɔ nɛ gɛ ayɛkɛ aŋa.”

Marko 9:25

Gɛ Yesu amɔ banɔɛza nɛ gɛ ba yalɛ aba sɛ tɛ le be di kɛdɔnɔ nɛ gɛ kɛlɛ vɛ kabha nɛ, alɛɛ nɛ ɔfufɔɛkpã nɛa bha. “Wɔ batɔpu anɛ omumu ɔfufɔɛ,” “Ɛkpɛ ɔshã kɔ wɔ, fla okoeyi nɛ anuvɔ nɛ mɛ, tɔɔ ba obo tsoku yɛ mɛ kiwinyɛwi.”