Marko 9:20 - ONUGBÙ NYƐNYÃ VUVƆ

²⁰ So, ba gbanɛ yɛ amɛna. Gɛ ɔfufɔɛ nɔ mɔ Yesu ko, lɔ kpɛ anuvɔ nɛ bunuvɔnya mɛ. Klɛ awɔlɛ adɔ kesukpa klɛ eglebe atsya, nɛ kɛfɔ denɔ yɛ onugbu nɛ mɛ.

Marko 9:20 Referans Kwoze

Marko 1:26

Ɔfufɔɛkpã nɛ oshuku anyɛ nɛ gɛganɛɛ klɛ lɔ fla koeyi nɛ yɛ mɛ nɛ tɛbubɔ dzyɛɛ.

Luka 4:35

Yesu aɖɔ nɛ tɛlɛlɛɛ mɛ sɛ, “Za wɔ ishuimɛ! Koeyi nɛ anɔ nɛ mɛ!” Ɔkɛlɛ ɔfufɔɛzizi no feke anɔ nɛ ohuesi nɛ banɔ petee amɛ klɛ lɔ koeyi gɛ lɔdɛ kpɛ yɛ pɔ.

1 Petro 5:8

Nɔ nyɛnashu klɛ tɛ nɔ bala. Ɔfufɔɛkpã agɛ atapɛ wũnɔɛ bui ebe tsi kana anasɛ gɛ adzyata egu apɛ anɔ sɛ tɛ evu atã zia.

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Luka 9:42

Gɛ anyɛnuvɔɛ aba tsyɛ, ɔfufɔɛ kpã nɛ lɔ zo vui ehuesi nɛ tɛnununɔ mɛ. Pɔ Yesu akpɛ ogugu nɛ ɔfufɔɛ kpã nɛabha, akɔ anyɛnuvɔɛ nɛ shu bhui klɛ etsodzi ayɛkɔ yɛ akɔ yɛ aka.

Luka 8:29

Alasɛ Yesu atɛ kpɛ ɔshã kɔ ɔfufɔɛzizi sɛ lɔ koeyi nɛ anyɛ nɛ mɛ. Kibe gelee gɛ ɔfufɔɛzizi nɛ lɔ vu yɛ, klɛ nɛ kɛlɛ mɛ ba kpɛ yɛ buɖɛ nɛ yɛ ɛhwɛ anɛ ɛtsrɛ klɛ bè po yɛ tsyɛ aba pɔ buɖɛ klɛ ɔfufɔɛzizi lɔ bɔ gbanɛ yɛ aza nyɔ afla nɛ ɔkɔ terikpo.

Marko 9:26

Ɔfufɔɛ nɛ ɔxlɔ̃, klɛ lɔ hwa nɛ yɛ gɛganɛɛ, klɛ lɔ fla okoeyi. Anuvɔ nɛ awɛ̃ nɛ banɔ nɛ amɛ ansɛ anɔ tsitsi. So banɔ gelee aɖɔ sɛ, “Etsi.”

Marko 9:18

Onu gɛ lɔɔ dɔ yɛa bha nɛ loo bu yɛ obho. Yɛ onugbu nɛ mɛ ɔtsa kɛfɔ, atã ele klɛ yaa nunɔ. Ibisi wɔ badɔkpasɛ nɛ sɛ ba kɛka kana mɛ ɔfufɔɛ nɛ ebu nɛ yɛ mɛ pɔ ba dɛ na.”

Marko 9:19

Yesu ebui lɛ nu asɛ, “O ɔtsɔ̃ nɛ banɔ nɛ gɛ tɛyɛyɛkɛŋa ma balɛ mɛ,” “ɔdɔ na nɛ kibe ɖueɖu mɛ ɛba za wɔnɔ bha? Klɛɛ za mɛ ba za wɔnɔ ɔbha da tɔnɔ? Gbanɔ anyɛnuvɔɛ nɛ ɔmɛna mɛ.”

Marko 9:21

Yesu ebisi eyi nɛ yaka nɛ asɛ, “Kibe ɖueɖuibe ke anuvɔ nɛ abhɛtɛ kana?” Eyiaka nɛ aɖɔ asɛ, “Denɔ kɛnuvɔbe mɛ ke.”

Luka 9:39

Ɔfufɔɛ nɛ lɔvu yɛ klɛ etenɔ ogugu kpɛ; lo hu yɛesi kpɛ tɛnunɔmɛ gɛ kɛkɔ sɛ onugbu nɛm obui fɔ. Ɔfufɔɛ nɔ tɔ shɛnahwɛ yɛ shu nɛ bɔɛɛ klɛ lo zi yɛ.