Marko 9:19 - ONUGBÙ NYƐNYÃ VUVƆ

¹⁹ Yesu ebui lɛ nu asɛ, “O ɔtsɔ̃ nɛ banɔ nɛ gɛ tɛyɛyɛkɛŋa ma balɛ mɛ,” “ɔdɔ na nɛ kibe ɖueɖu mɛ ɛba za wɔnɔ bha? Klɛɛ za mɛ ba za wɔnɔ ɔbha da tɔnɔ? Gbanɔ anyɛnuvɔɛ nɛ ɔmɛna mɛ.”

Marko 9:19 Referans Kwoze

Yohanɛsɛ 20:27

Ɔkɛlɛ ɛtsre Toma asɛ, “Yɛ kɔ wɔ awɔɛ nɛ kpɛ ɔkɛnɛ, di mɛ ekpli nɛ mɛ. Mɛna wɔ ɔhwɛ tɛ ɔyɛkɔ kpɛ mɛ ɔwã nɛ mɛ. Zɛkɔlɔ tɛmayɛkɛŋa mayɛkɛŋa klɛ tɛ ɔyɛkɛŋa.”

Marko 16:14

Kɛlɛede mɛ Yesu aba wɛ̃ nɛ Kɛfɔntoli nɛ amɛ gɛ baa ŋɛ dɔ; Yesu etsrenɔalɛ nɛ balɛ mayɛkɛ mayɛkɛŋa nɛ shu nɛ balɛ tɛmadɛmɛ gɛganɛ sɛ tɛ ba yɛkɛ baga tɛ mɔ yɛ nɛ tsyɛa bha ŋa sɛ atɛ lɔ.

Luka 24:25

Yesu etsre alɛ se, “Kɛlɛ nɔ tinyibui, klɛ wunɔ idzyi ayɔ nɛ tɛyɛyɛkɛŋa nɛ ebui petee gɛ batɔnu na ɖɔ!

Luka 9:41

Yesu aɖɔ sɛ, “O kabha mayɛkɛ mayɛkɛŋa anɛ tɛmumɔ tsutsɔmɔɛ nɛ mɛ banɔ, ewui tashɛ̃ ɛba za wunɔ bha klɛ ɛba za kplɛnɔ nɔ? Gbanɔ wɔ eyi nɛ mɛna ɔkɛ̃.”

Mateo 17:17

Yesu ebui lɛ nu asɛ, “Ao banɔ gɛ ba dɛ pɛ̃ klɛ tɛyɛyɛkɛŋa ma nɔ ahwɛ,” “kɛlɛ za mɛ ɛba za wɔnɔ bha ɔdɔnanɔ? Kɛlɛ za mɛ ɛba za plɛnɔ wɔnɔ ɔdɔnanɔ? Yɛkɔ anuvɔ nɛ ɔmɛna mɛ nɛ ɔkɛ̃.”

Yohanɛsɛ 12:27

“Ɔtsɔnɛ mɛ dzyi amɔ butɔ, klɛ kide mɛ baɖɔ? Ɛbaɖɔ sɛ ‘Aka, bhui mɛ ɔyɛkɛ nɛ ɔɖɔ nɛ mɛ’? Ao, kɛnɛ nahwɛ so gɛ ɛba nɛ ɔɖɔ nɛ mɛ.

Marko 9:18

Onu gɛ lɔɔ dɔ yɛa bha nɛ loo bu yɛ obho. Yɛ onugbu nɛ mɛ ɔtsa kɛfɔ, atã ele klɛ yaa nunɔ. Ibisi wɔ badɔkpasɛ nɛ sɛ ba kɛka kana mɛ ɔfufɔɛ nɛ ebu nɛ yɛ mɛ pɔ ba dɛ na.”

Marko 9:20

So, ba gbanɛ yɛ amɛna. Gɛ ɔfufɔɛ nɔ mɔ Yesu ko, lɔ kpɛ anuvɔ nɛ bunuvɔnya mɛ. Klɛ awɔlɛ adɔ kesukpa klɛ eglebe atsya, nɛ kɛfɔ denɔ yɛ onugbu nɛ mɛ.