Marko 8:38 - ONUGBÙ NYƐNYÃ VUVƆ

³⁸ Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Marko 8:38 Referans Kwoze

Romanɛ 1:16

Kɛwɛ̃ tɛɛ kum nɛ kibuidzyɔgo, alasɛ kɛlɛ nu Kpaya kemi kɔ anɔnyanɔ gɛ ayɛkɛaŋa nɛ tɛbubu, putɔnɔ kɔ Yuɖanɛ, ka kɔ bagɛ edi nu Yuɖanɛ nɛe.

1 Yohanɛsɛ 2:23

Anɔnyanɔ gɛ ada kada nɛ́ Eyi nɛ́ shu Aka lɛ yɛ ahwɛ, ánɔ nɛ gɛ adɛmɛ atrɔ sɛ Eyi nɛ alɛ Aka nɛ tsyɛ alɛ yɛ ahwɛ.

Yakobo 4:4

Wɔnɔ banɔ gaa dɛ ɔmamɛ, no ti nyi ɔsɛ kɛbhɛam zɛza nɛ kanɔ nɛɛ kinu Kpaya mapɛmapɛ? Anɔnyanɔ gɛ ayɛkɔ asɛ ebe dzi kanɔa nɛ mɛ ɔbhɛa nɛɛ, ebe dzi anɔ gɛ alɔ kititi nɛ Kpaya shu.

Luka 9:26

Onugɛ anɔ teli kɛwɔɛ̃ ku yɛ nɛ mɛ nɛ̀ mɛ ebui, Anɔdzyrame yɛ Eyi ebe si yɛ wɔɛ̃ kibe lɛ gɛ aba nɛ yɛ kabhakpɛkpɛ anɛ Aka nɛ̀ kabhakpɛkpɛ anɛ baxwɛdɛnɛ gɛ balɛ shu bhui.

2 Timotio 1:8

So nɛɛ, tɛ si kɛwɛ̃ nɛ kibuimumɔɖɔ denɔ bulɔ Apalete nɛ shu, ɔdɔgɔsɛ osi kɛwɛ̃ nɛ mɛ yɛ evuza nɛ shu. Pɔ plɛnɔ mɛ nɛ kibuidzyɔgo anɛ butɔ nɛ mɛ, ganɔ Kpaya kemi mɛ,

Mateo 26:64

Yesu ebu aɖɔ asɛ, “Ee, kɛlɛ ansɛ gɛ ɔɖɔ, pɔ itsre nɔ petee sɛ: Nɛ otugba mɛ nɔ bɔ mɔ Anɔdzyrame yɛ Eyi nɛ gɛ ezhidzi Agbɛgbladɛ nɛ kɛŋa mɛ gɛ aga ɔmunɔm aaba denɔ owũsise.”

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Hebriuanɛ 11:26

Adɛmɛ kɛwɔɛ̃ gɛ ba ba kpɛɛ yɛ nɛ Kristo tɔkpu dɛ kisiredɔ gɛ aba mɔ nɛ Egipte, alasɛ edi kɛdɔ gɛ aba mɔ nɛ otugba.

Hebriuanɛ 11:16

Kɛlɛ mazalɛmɛ, bedidzo nu kɔ ɔma dzyɔgo—owũsise ɔyɛ. Kɛlɛso kɛwɔɛ̃ ti ku Kpaya sɛ tɛ beklu yɛ asɛ balɛ Kpaya, alasɛ eŋuse ɔma gbɛgbla elu kɔalɛ.

2 Timotio 1:12

Kɛlɛ so pɛ ɛɛtɔ ansɛ gɛ ɛlɛ. Tsyɛ kɛwɛ̃ tɛɛ ku mɛ, alasɛ inyi aanɔ nɛa bha gɛ ɛyɛkɛŋa, klɛ kixui mɛ sɛ aba na kɛgɛ ɛyɛkɔ kpɛ yɛahwɛ nɛ bunyɛna kɔ kiwi lɛlɛ.

Mateo 12:39

Yesu ebui lɛ nu asɛ, “Atɔkpum gɛganɛ anɛ ɔmamdɛdɛ banɔ nɛ obonobo kanɔa nɛ mɛ bee bisi asɛ tɛ ba mɔ kibui yiyinɔanɔ! Pɔ ba tɛ ba kɔ anɔnyanɔ kɛkanyaka, Yona atɔnu na yɛ ko.

Yohanɛsɛ 1:51

Kɛlɛ azaɖɔ sɛ, “Itsre nɔ kibui gbɛagba sɛ nɔ bɔ mɔ owũsise lɔ bɔ danɛ klɛ Kpaya yɛ baxwɛdɛ ba baza ewu klɛ baza ezhi aba nɛ Anɔdzyrame Yi nɛabha.”

Mateo 25:31

“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Mateo 24:30

“Nɛ kibe lɛ nɛ mɛ Anɔdzyrame yɛ Eyi nɛ kɛdɔmumɔ nɛ ba wɛ̃ nɛ owũsise, klɛ amadi petee nɛ kesukpa nɛa bha na be tsishu. Ba ba mɔ Anɔdzyrame yɛ Eyi nɛ ɔmunɔ nɛ mɛ gɛ ede owũsise nɛ aaba, nɛ kemi anɛ ishubhubhui gbɛgbla mɛ.

Luka 19:26

“Ɛbushunu asɛ, ‘ɛtsre nɔ sɛ, anɔnyanɔ gɛ kɛdɔ lɛ ya hwɛ, gelee la za ba yɛkɔ kɛdɔ akɔ, pɔ anɔ nɛ gɛ kɛdɔnyɛdɔ ma ya hwɛ, kɛ gɛ lɛ yahwɛ tsyɛ ba ba yɛkɛ lɛ nɛ yahwɛ.

Mateo 13:41

Anɔdzyrame yɛ Eyi nɛ aba kpɛ yɛ baxwɛdɛ nɛ asɛsɛ, klɛ le be bu kizizi kanyaka nɛ yɛ bukusiɔŋakɔ nɛ mɛ gɛ kɔ buzizi nɛ bagɛ ba bhɛtɛ butsutsɔmɔ.

Hebriuanɛ 13:13

Kɛlɛso nɔ kɔ lɔ vɛ yɛ ɔkɔ nɛ kamade, tɛ bumɔ butsɔ nɛ gɛ amɔ.

2 Timotio 1:16

Kɔ Apalete nɛ edi Onesiforusɛ anɛ yɛ bupa nɛ eshutukubui, alasɛ akpɛ mɛ same ebe gelee klɛ mɛ buɖɛ nɛ mɛ gɛ ɛkpasɛ nɛ tɛɛ ku yɛ kɛwɛ̃.

Galatianɛ 6:14

Mɛ ɛtɛ ba fekeshu odunu sɛ bulɔ Apalete Yesu Kristo butsiosi shu, ganɔ kɛlɛ abha bakpla kanɔ le yi nɛ butsiosi shu kɔ mɛ, klɛ mɛ kɔ kanɔ.

Axwɛwɛwa 5:41

Banɔkpɛkpɛ na shɛ nɛ Bebhuiklu nɛ amɛ nɛ same mumɔ sɛ ba kla lɛ asɛ bana kɔ butsɔ kpɛkpɛ nɛ Kinyi nɛ tɔkpu.

Yohanɛsɛ 12:34

Banɔɛza baɖɔ gɛganɛɛ sɛ, “Bunu denɔ Ɛshã nɛ mɛ sɛ Kristo aba za vɛnɔ mabeke, so kɛlɛ nɔ bɔ nɛ aɖɔ sɛ, ‘Ba be feke Anɔdzyrame Yi avɛnɔ kabha’? Anɛ yɛ nu ‘Anɔdzyrame Yi’?”

Yohanɛsɛ 5:27

Klɛ akɔ yɛ kabhaŋɛŋa tɛ eklu kebhui alasɛ yɛ nu Anɔdzyrame Eyianyɛ.

Yohanɛsɛ 1:14

Kibui nɛ badzi ishuidzya klɛ abhɛtɛ yɛ ɔzakɔ nɛ bulɔɛ mɛ. Bumɔ yɛ ishubhubhui, ishubhubhui Terikpoe lɛlɛ klɛ Ɛlɛ ko, gɛ aba denɔ Aka nɛ ɔkɔ, gɛ eyuku nɛ ɛyamyuyɔ anɛ kɛgba.

Marko 14:62

Yesu ebui lɛ bunu asɛ, “Mɛnu Kristo.” “Klɛ nɔ bɔ mɔ Anɔdzyrame yɛ Eyi nɛ gɛ ezhiedzi Agbɛgbladɛ nɛ kɛŋam gɛ aaba denɔ ɔmunɔ nɛ mɛ nɛ owũsise.”

Mateo 16:4

Atɔkpum gɛganɛ anɛ aglɔbui bhɛbhɛtɛ kanɔa nɛ mɛ banɔ naa pɛɛ ebui yiyinɔanɔɛ dɔmumɔ, pɔ ba tɛ ba kɔ akanyaka odu nu sɛ Yona kɛdɔmumɔ.” Ɔkɛlɛ Yesu ashɛ̃ nɛ balɛ ɔbha klɛ ada fla shɛ.

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Mateo 16:28

Itsre nɔ kɛgba, banɔ teli gɛ be lii titi nɛ ɔkɛ̃ be ti be mini butsi flogo pɛ ba ba mɔ Anɔdzyrame yɛ Eyi nɛ aaba nɛ yɛ bukusi mɛ.”

Marko 8:37

Klɛ kidee anɔ aba naa yɛkɔ atsrakɛ yɛ kɛtɔwi nɛ nɔ?

Marko 13:26

“Nɛ kibee lɛ nɛ mɛ banɔ aba mɔ Anɔdzyrame yɛ Eyi nɛ gɛ aaba denɔ ɔmunɔ nɛ mɛ nɛ kemi gɛganɛɛ nɛ same mɛ.

Axwɛwɛwa 10:22

Banyɛ nɛ bu ishu nu sɛ, “Kɔnelius gɛ enu Italia keyuovulo aka nɛ ɔkɔ lɔ de. Enu anɔ dzyɔgo klɛ esi Kpaya kifu, klɛ Yuɖanɛ nɛ petee akɔ yɛ ɔzakɔ. Axwɛdɛ nɛna teli etsre yɛ asɛ akɔ wɔ ɔba yɛ bupa mɛ tɛ enu ebui nɔɔ nɛ gɛ alɛ wɔ ahwɛ pɛ ɔbɔ ɖɔ.”

1 Tɛsolonianɛ 2:19

Alasɛ kɛgɛ nu bulɔ kidzoenu didi, bulɔ same, ɔdɔgɔsɛ bukusikutu nɛm gɛ bu ba za nɛ ishubhubhui anɛ bulɔ Apalete Yesu nɛ amɛ onu gɛ aaba? Ganɛ wɔnɔ?

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

1 Yohanɛsɛ 2:28

Klɛ ɔtsyɔnɛ, banuvɔ mumɔa, nɔ za kɛlɛa bha nɛ yɛ mɛ, sɛ tɛ kibenɔ gɛ abe koeyi idzyi aba za bulɔ mɛ klɛ tɛ kɛwɔɛ̃ tɛku lɔ nɛ yɛ amɛ nɛ́ yɛ tɛbɛba mɛ.

Tɛbubukasɛ 14:10

yɛ tsyɛ, aba wɛ̃ Kpaya oblo mɛ bulu, gɛ ba balɛ gɛganɛɛ akpɛ butɔ kantse nɛ mɛ. Ba ba kpɛ yɛ butɔ nɛ kɛklãgbuifu tɛtã mɛ nɛ kpayaxwɛdɛ nɛ gɛ balɛ shu bhui anɛ Obhoshieyi nɛ amɛ.