Marko 8:2 - ONUGBÙ NYƐNYÃ VUVƆ

² “Eshutukubui ekum nɛ banɔa nɛ, ewi tata naa gɛ la ba lɛ mɛ ɔbha gɛ kɛdɔnyɛdɔ ma balɛ ahwɛ gɛ la ba ŋa.

Marko 8:2 Referans Kwoze

Mateo 9:36

Gɛ amɔ banɔɛza, eshutukubui eku yɛ nɛ balɛ, alasɛ ba kpɛ balɛ bunuhu klɛ tɛpɛplɛnɔ kɛma kɔa lɛ, ansɛ ibhoshi gɛ agbɛgbanɔ ama kɔ ɛlɛ.

Hebriuanɛ 5:2

Adɔfɔɔ̃ nɛ bagɛ tinyibui nyɛbui nɛ bagɛ ba lɛla kidzo, nɛ kibe lɛlɛ gɛ yɛnahwɛ adɛ gɛganɛ.

Hebriuanɛ 4:15

Alasɛ kpayazakɔanɔ ɖɛɖama ama bulɔ ahwɛ gɛ aba na eshutukubui di nɛ bulɔ kesizhizhi mɛ, pɔ teli alɛ bulɔ ahwɛ gɛ be tɛfeke yɛ di nɛ kidzonyɛdzoe abha, anasɛ gɛ bu lɛ—pɔ adɛ za nɛ buzizi.

Luka 15:20

So alɔ klɛ atɔnɛ yɛ aka avɛ. “Pɔ kibelɛlɛ nɛ gɛ akalɛ odzidze kɔ, yɛ aka nɛ amɔ yɛ asɛsɛ klɛ yɛ bui kuyɛ eshutukubui, akpanisi avɛ ye yi nɔ bha, akpahwɛ yɛ oli klɛ amɔkɔɛ yɛ onugbu.

Luka 7:13

Gɛ Apalete amɔ adzɛ nɛ, yɛ dzyi tsyina nɛ yɛ shu klɛ etsre yɛ asɛ, “Tɔ biyo.”

Marko 9:22

“Bunya nɛɛ ganɛ yɛ bu tii kpɛ kifu anɛ buni mɛ sɛ tɛ bu yi yɛ. Pɔ onu gɛ ɔbɔ na kɛdɔ tili ɔbhɛtɛ, klɛ tɛ odi bulɔ eshutukubui tɛ ɔplɛnɔ bulɔ.”

Marko 6:34

Kibe lɛ nɛ gɛ Yesu ede ku pɛ amɔ banɔɛza nɛ piim, eshutukubui eku yɛ nɛ balɛ, alasɛ baza kɔ yɛ anasɛ ibhoshi gɛ agbɛgbanɔ ama kɔ ɛlɛ. So etenɔ balɛ kɛdɔ edidedi kasɛ.

Marko 5:19

Yesu adɛ kɔ yɛ kidzo, pɔ etsre yɛ asɛ, “Vɛ bupa mɛ tɛ ɔdɔ tsre wɔ beshopo, kana gɛ Apalete nɛ edi wɔ eshutukubui, nɛ kɛdɔnɔ nɛ gɛ abhɛtɛ akɔ wɔ.”

Marko 1:41

Nɛ eshutukubui didi mɛ, Yesu ebu yɛ ɔhwɛ nɛ ehunɔ anyɛ. “Klɛ aɖɔ asɛ ɛpɛɛ, ” “Wɔ shu bhui!”

Mateo 20:34

Yesu edi alɛ eshutukubui klɛ ehunɔa lɛ awɔ̃hũ. Klɛ ba gbla kpaa mɔ klɛ la lɔ alɛ yɛe de.

Mateo 14:14

Kibe lɛ gɛ Yesu ezhi aba kesukpa pɛ amɔ banɔɛza, be ku yɛ eshutukubui klɛ ebeke balɛ banya.

Hebriuanɛ 2:17

Alasɛ kɛnɛ nɛ so babhɛtɛ yɛ anasɛ yɛadzya lɛ nɛ kidzonyɛdzo abha, sɛ tɛ ebedzi kpayaɔzakɔanɔ gɛ eshutukubui didi anɛ̀ tɛyɛyɛkɛŋa lɛ yahwɛ nɛ Kpaya kɛxwɛwɛwa mɛ, sɛ tɛ atsrakɛ bezizi nɛ tɔkpu.

Marko 6:32

Kɛlɛso, be ku keniabha opupu toli balɛ nahwɛ klɛ ba shɛ avɛ ede ku ɔkranakɔ toli.

Marko 8:3

Onu gɛ ɛsɛ ba shɛ vɛ bapam nɛ bubhɛ, bee ti tsi abhɛbhɛ nɛ kidzo nɛ mɛ, alasɛ beteli idekɔ nɛ dze.”