Marko 8:17 - ONUGBÙ NYƐNYÃ VUVƆ

¹⁷ Gɛ enu balɛ ebui nyɛnyɛnadi nɛ, Yesu ebisi alɛ asɛ, “Kidee so pɛ gbɛgbɛvu nɛ gɛ ma wɔnɔ ahwɛ nɛ kibui no dzi ɔɖɔ? So ɔbɔ nanɔ ɔtsɔ̃ nɛ, nɔ kɔ mɔ, pɛ kibuiesi no bo nu dza? Wɔnɔ idzyi nɛ mɛ aza gɛganɛ atrɔ?

Marko 8:17 Referans Kwoze

Marko 6:52

alasɛ gbɛgbɛvu nɛ kibui nɛ tsyɛ beke nu klɛ kesi, balɛ idzyi mɛ agɛganɛ.

Marko 2:8

Yesu eti tsiɔ̃ nɛ yɛ ɔfufɔɛ mɛ asɛ kana banɔ nɛ baa ɖɔ nɛ balɛ idzyi mɛ, klɛ etsre alɛ asɛ, “Kide so pɛ no di ebuia nɛ ana?

Marko 3:5

Yesu edi banɔ na kana nɛ obulo klɛ, same edi ku yɛ nɛ balɛ idzyim gɛganɛ nɛ shu, so etsre ɔhwɛsisiku anɔ nɛ asɛ, “Bu wɔ ɔhwɛ nɛ oyinɔ, ” Ebu ɔlɛ eyinɔ, klɛ yɛ ɔhwɛ nɛ lo tsodzi okoeyi ɔba.

Tɛbubukasɛ 2:23

Ɛba husi yɛeyialɛ nɛ yi. Kɛlɛ basɔlɛha nɛ petee be be ti asɛ mɛ nu agɛ yɛ edi idzyi anɛ atɔkpu mɛ, klɛ ɛba buya kɛbhɛ kɔ anɔnyanɔ nɛ yɛ tɛbhɛbhɛtɛ nɛ nu.

Yohanɛsɛ 21:17

Butramɛ aza ɖɔ tsre asɛ, “Simɔnɛ Yohanɛsɛ yɛ eyi, ɔdɛmɛ mɛ bui xã?” Kɛ puɛ Petro alasɛ butramɛ nyɔ na gɛ Yesu ebisi yɛ bui nɛ sɛ, “Ɔdɛmɛ mɛ bui?” Aɖɔ sɛ, “Apalete, ɔnyi ebui nɛ petee; onyi sɛ ɛdɛmɛ wɔɛ bui.” Yesu aɖɔ sɛ “Kɔ mɛ ibhoshi nɛ kɛdɔŋɛŋa.

Yohanɛsɛ 16:30

Ɔtsɔnɛ bu ba mɔ sɛ onyi ebuia nɛ petee klɛ so kɛ ma sɛ tɛ anɔnyanɔ ebisi wɔ kɛbuinyɛbui. Kɛnɛ kɔ lɔ sɛ bɔ yɛkɛŋa sɛ ode Kpaya kɔ.”

Luka 24:25

Yesu etsre alɛ se, “Kɛlɛ nɔ tinyibui, klɛ wunɔ idzyi ayɔ nɛ tɛyɛyɛkɛŋa nɛ ebui petee gɛ batɔnu na ɖɔ!

Marko 16:14

Kɛlɛede mɛ Yesu aba wɛ̃ nɛ Kɛfɔntoli nɛ amɛ gɛ baa ŋɛ dɔ; Yesu etsrenɔalɛ nɛ balɛ mayɛkɛ mayɛkɛŋa nɛ shu nɛ balɛ tɛmadɛmɛ gɛganɛ sɛ tɛ ba yɛkɛ baga tɛ mɔ yɛ nɛ tsyɛa bha ŋa sɛ atɛ lɔ.

Mateo 15:17

“Nɔ tɔɔ mɔ sɛ kɛdɔnyɛdɔ gɛ tsoku onugbu mɛ kɛɛ vɛ ɛyam pɛ kɛ daa koeyi nɛ ishu nɛ mɛ?

Mateo 12:15

Ansɛ gɛ kɛ lɛ tɛtiti mɛ kɔ yɛ, Yesu etsoekoeyi nɛ ɔklɛ. Banɔ gelee ba za yɛe de, klɛ ebeke balɛ banya,

Mateo 16:7

Ba nyɛna kibui nɛ edi nɛ aglɔm asɛ, “Alasɛ bɔ dɛ mɛna kɛŋɛŋa kanyaka so.”

Marko 8:16

Ba nyɛna kibui nɛ edi nɛ aglɔ mɛ klɛ ba ɖɔ asɛ, “Alasɛ gɛ gbɛgbɛvu kanyaka kɛma blɔ ahwɛ nɛ so.”