Marko 6:46 - ONUGBÙ NYƐNYÃ VUVƆ

⁴⁶ Gɛ Yesu ashɛ̃ nɛ balɛ ɔbha, ewu avɛ butu tulia bha kɔ kpayakuklu.

Marko 6:46 Referans Kwoze

Marko 1:35

Nɛ kɛvlɔ nɛ pinii, gɛ kanɔ mɛ eke bhui, Yesu alɔ nɛ bupa nɛ mɛ avɛ okpukpukɔ toli ɔkɛlɛ ede klukpaya.

Mateo 6:6

Pɔ onu gɛ no bo kulu Kpaya, no tsoku wɔnɔ bee vu nɛ mɛ, tɛ nɔ da opupu tɛ no kulu wɔnɔ Aka nɛ gɛ ba taa mɔ. Klɛ wɔnɔ Aka, gɛ aamɔ kibuinyɛbui gɛ ba bhɛtɛ nɛ tikpukpu mɛ, aba buya kɛlɛ kɛbhɛ akɔ nɔ.

Luka 6:12

Ewuianɛ wui tili Yesu ekoeyi avɛ butu nɛabha sɛ tɛ ede klukpaya, klɛ aza ɔkɛlɛ elishi ekulu Kpaya.

Mateo 14:23

Gɛ akpɛ balɛ dzo beke, yɛnahwɛ ashɛ̃ ewu avɛ butu tuli shu sɛ tɛ ede kulukpaya. Gɛ owulago nɛ ɔna, yɛ terikpo agɔ nɛ ɔkɛlɛ,

1 Petro 2:21

Kɛnɛ nɛ so gɛ be klu nɔ, alasɛ Kristo amɔ butɔ nɛ wũnɔɛ tɔkpu, klɛ abhɛtɛ dɔ akasɛ elu kɔ nɔ sɛ tɛ nɔ za yɛ ɛtsrɛ bubuede.

Marko 6:47

Gɛ owulago nɛ ɔna, opupu nɔ za keni nɛ kishitɛbha, klɛ Yesu terikpo agɔ nɛ ogbigbe nɛa bha.

Axwɛwɛwa 18:18

Paolo adzrɔ bɔɛ nɛ Kɔrintio. Klɛe de aba shɛ alɔ badzya klɛ aza kenia bha avɛ Siria, Prisilla anɛ Akuila tsya plɛnɔ yɛ avɛ. Flogo tɛ aba za keni nɛa bha ashɛ̃ nɛ, akɔ la tsɛ yɛ kɛtɔkpu nɛ akɔɛ nɛ Sentsyria akpɛ atabu teli gɛ aka so.

Axwɛwɛwa 18:21

Pɔ gɛ asa shɛ nɛɛ, aɖɔ elu asɛ, “Ɛzɛ ba ba onu gɛ Kpaya adɛmɛ.” Ɛklɛ atɔnɔ keniabha dzo edenɔ Efesos.

2 Kɔrintioanɛ 2:13

Ɔbɔ nanɔ nɛ ɔtsɔ̃ ɛkamɔ ishu mɛ yuyɔ, alasɛ ɛdɛ mɔ madzya Tito nɛ ɔkɛlɛ. Kɛlɛso itsre alɛ sɛ ba za mɔmɔ klɛ ɛshɛ vɛ Makedonia.