Marko 6:41 - ONUGBÙ NYƐNYÃ VUVƆ

⁴¹ Gɛ ayɛkɔ ɛgbaa titi anɛ kenimɛdzya tɛbha, ebu amɛ akpɛ owũsise, ehu ahwɛ klɛ aya ɛlɛ mɛ. Klɛ ayɛkɔ kpɛ badɔkpasɛ nɛ ahwɛ sɛ tɛ ba ya kɔ anɔnyanɔ nɛ ɔkɛlɛ. Kana dzuku ba ya kenimɛdzya tɛbha nɛ akpɛ balɛ mɛ.

Marko 6:41 Referans Kwoze

Mateo 14:19

Klɛ akɔ sɛ banɔ nɛ be zhi aza kesi nɛ tɛwa nɛa bha. Gɛ ayɛkɔ gbɛgbɛvu ɛgba titi anɛ keni mɛ adzya tabha klɛ ebu amɛ akpɛ owũsise, ehu ahwɛ klɛ edzyini gbɛgbɛvu nɛ mɛ. Ɔkɛlɛ ayɛkɔ kpɛ ahwɛ kɔ badɔkpasɛ, klɛ badɔkpasɛ nɛ tsyɛ ayɛkɔ akɔ banɔɛza.

Marko 7:34

Ebu amɛ akpɛ owũsise klɛ afɔɛ vuu, klɛ aɖɔ etsre anyɛ nɛ asɛ, “Efata!” (klɛ kesi asɛ “Danɛ!”).

Luka 24:30

Kibelɛlɛ gɛ aŋaɛdɔ nɛ alɛ, ayɛkɔ gbɛ̃gbɛvu, ehu ahwɛ, aya yɛ mɛ klɛ etenɔalɛ kɔ.

Luka 9:16

Gɛ ayɛkɔ ɛgba titi anɛ kɛnimɛdzya tɛbha klɛ ebu amɛ ewunɔ edi owũsise, ehu ahwɛ klɛ ayɛ lɛ mɛ. Ɔkɛlɛ ayɛkɔɛ lɛ akɔ yɛ badɔkpasɛ sɛ tɛ ba yɛ kɔɛ lɛ kɔ banɔ.

1 Kɔrintioanɛ 10:31

So kɛbɛlɛmɛ sɛ ɔŋa o, ɔwɔɛ̃ ɔdɔgɔsɛ kɛdɔnyɛdɔ wɔ ɔbhɛtɛ, bhɛtɛ lɛ petee ɔkɔ Kpaya yɛ kabhakpɛkpɛ.

Yohanɛsɛ 17:1

Gɛ Yesu aɖɔ kibui nɛ beke, ebu amɛ akpɛ owũsise klɛ eklukpaya: “Aka, kɛbe nɛ na. Kpɛ Wɔ Eyi nɛa bha, sɛ tɛ wɔ Eyi tsyɛ akpɛ wɔ nɛa bha.

Yohanɛsɛ 11:41

Nɛlɛso be bu kɛklãgbu nɛ odzre nɛ kedunu. Kɛlɛ Yesu ebu amɛ kpɛ kabha klɛ aɖɔ sɛ, “Aka, Ihu wɔ ahwɛ sɛ onu mɛ bui.

Marko 14:22

Kibe lɛ gɛ be dzia ŋa kɛdɔ nɛɛ, Yesu ayɛkɔ gbɛgbɛvu, ehu ahwɛ klɛ aya lɛ, klɛ ayɛkɔ akɔ yɛ badɔkpasɛ, aɖɔ asɛ, “Nɔ tã yɛ; mɛ ishuidzya nɛ lɛ.”

Koloseanɛ 3:17

Klɛ kɛgɛ nɔ bhɛtɛ, kɛlɛlɛmɛ sɛ kibui ɖɛɖɔɛ mɛ ɔdɔgɔsɛ kɛbhɛbhɛtɛ mɛ, bhɛtɛ lɛ petee nɛ Apalete Yesu nyi mɛ, nɔ hu Kpaya Aka nɛ ahwɛ ɔganɔ yɛabha.

Romanɛ 14:6

Anɔɔ nɛ gɛ ayɛkɔ kiwi tili ansɛ kɛlɛ ɔtɔ, abhɛtɛ lɛ akɔ Apalete. Anɔɔ nɛ gɛ aŋa kɛdzya, aŋa kɛlɛ akɔ Apalete, alasɛ ehu Kpaya ahwɛ; klɛ anɔ nɛ gɛ ata ŋa, abhɛtɛ lɛ ana akɔ Apalete klɛ ehu ahwɛ.

Yohanɛsɛ 6:23

Kɛlɛ ipupu tili de Tiberia ba dzurɔ tsobunɔ ɔkɛlɛ gɛ banɔ na ba tã gbɛ̃gbɛvu gɛ Apalete nɛ ehu ahwɛ.

Yohanɛsɛ 6:11

Yesu ayɛkɔ gbɛ̃gbɛ̃vu, ehu ahwɛ, klɛ ayɛ kɔ banɔ nɛ gɛ ba zaesi nɛ ɔkɛlɛ anasɛ kɛpɛɛ gɛ ba pɛɛ. Kana ke abhɛtɛ nɛ kenimɛdzyɛa.

Mateo 26:26

Gɛ bedzi aŋa kɛdɔ nɛɛ, Yesu ayɛkɔ gbɛgbɛvu, ehu ahwɛ klɛ aya yɛmɛ, klɛ ayɛkɔ kɔ yɛ badɔkpasɛ, klɛ aɖɔ asɛ, “Nɔ yɛkɛ tɛ nɔ tã, mɛ shuidzya nɛɛ lɛ.”

Mateo 15:36

Ɔkɛlɛ ayɛkɔ ɛgbaa tigene anɛ kenimɛdzya bhli, klɛ gɛ ehu ahwɛ, aya ɛlɛmɛ klɛ ayɛkɔ akpɛ ahwɛ kɔ badɔkpasɛ, klɛ balɛ tsyɛ ayɛkɔ akpɛ ahwɛ kɔ banɔ.

Axwɛwɛwa 27:35

Gɛ aɖɔ kibui nɛ beke nɛɛ, akpɛ ahwɛ ayɛkɔ boɖoboɖo teli klɛ ehu Kpaya ahwɛ nɛ balɛ petee amɛ. Klɛ aya klɛ akpa tã.

Marko 6:40

Klɛ so ba za kesi nɛ kɛfɔɛfɔ etsum anɛ afeti etsu mɛ.

Marko 6:42

Banɔ nɛ petee ba ŋa klɛ be xui,

Marko 8:19

Gɛ ɛya gbɛgbɛvu ɛgba titi nɛ ɛkɔ banɔ akpã teti, be wiliwili nɛ ashwɛ tashɛ̃ nɔ tɔkɛ?” Be bu klɛ nu asɛ, “Kɛfɔntabha.”