Marko 6:14 - ONUGBÙ NYƐNYÃ VUVƆ

¹⁴ Ekusi Heroɖesɛ ebe nu kibui, alasɛ le be ti Yesu kinyi nɛ mɔmɔ. Banɔ teli asɛ, “Yohanɛsɛ Enikpɛ nɛ yɛ aza nyɛmɛ edenɔ bekpu mɛ, klɛ so gɛ ebuiyiyinɔ anɔ kemia nɛ di kaa wa kɛxwɛ nɛ yɛ mɛ ana.”

Marko 6:14 Referans Kwoze

1 Tɛsolonianɛ 1:8

Apalete nɛ kibui nɛ yi denɔ wɔnɔ mɛ ganɛ nɛ Makedonia anɛ Atsyaia titee—wɔnɔ tɛyɛyɛkɛŋa nɛ Kpaya bha nɛ ba ku tɛtiti mɛ nɛ ɔkɔnyɔkɔ. Kɛlɛ so kɛ ka za sɛ bu ɖɔ kibuinyɛbui denɔ kɛlɛ shu,

Luka 13:31

Nɛ kɛbelɛlɛ nɛ mɛ Farisianɛ teli ba ba Yesu ɔbha klɛ be tsre yɛ asɛ, “Shɛ nɛ ɔkɛnɛ tɛ ɔvɛ ɔkɔbhlatɔ tsyɛ. Heroɖesɛ apɛɛ asɛ tɛ eyi wɔ.”

Luka 3:1

Nɛ agɔ lɔfɔnɛteti nɛaba nɛ Tibɛrus Kaizaro bukusi ŋɛŋa nɛ mɛ—gɛ Pɔntio Pilato edzi ɛmadi ekusi nɛ Yuɖea, Heroɖesɛ edi ɛma bhlibhli nɛ Galelia abha, yɛadzya Filipo edi ɛma bhlibhli nɛ Iturea nɛ̀ Trakonitis klɛ Lisania edi Abilene abha—

Marko 8:28

Be bu klɛ nu asɛ, “Banɔ teli asɛ Yohanɛsɛ Enikpɛ; be teli asɛ, Eliya; klɛ babhlatɔ teli tsyɛ asɛ, batɔnu nɛ ɔmɛayɛ teli.”

Marko 1:45

Nɛ kɛlɛ maza lɛ mɛ ekoeyi avɛ ada ɖɔɛ bui nɛ akana wee. Nɛ kɛlɛ mɛ, Yesu ada da na ɔma mɛ tsoku awɔɛ̃, pɔ ekoeyi ada za ɛzakɔ gɛ anɔ ama. Tsyɛ banɔ be de ɔkɔnyɔkɔ atɔnɔ yɛ aba.

Marko 1:28

Be nu Yesu dɔ zia nɛ Galelia kesukpa nɛa bha petee.

Mateo 9:31

Pɔ ba shɛ avɛ ada kaka kibui nɛ akpɛ kibe lɛlɛ nɛ mɛ petee.

Luka 9:19

Be bui lɛ nu asɛ, “Banɔ teli asɛ Yohanɛsɛ Ɛnikpɛ, babhlatɔ asɛ Eliya, klɛ babhlatɔ teli tsyɛ asɛ, atɔnu kuku teli yɛ tsodzi aba kanɔɛ mɛ.”

Hebriuanɛ 2:4

Kpaya tsyɛ ebuilɛ akasɛ nɛ ebuimumɔ, kifuebui anɛ ebuiyinɔanɔ ediedi, anɛ kɛdɔ kukɔ denɔ Ɔfufɔɛ Dzyɔgo nɛ dɔ yɛyakɔ anɔ nɛ yɛ tɛpɛpɛɛ.

Luka 7:17

Yesu bui bhɛbhɛtɛ nɛ kɛka ganɔ Yuɖea anɛ̀ ɛma nɛ gɛ lɛ kɛkpo nɛ mɛ.