Marko 16:20 - ONUGBÙ NYƐNYÃ VUVƆ

²⁰ Ɔklɛ badɔkpasɛ nɛ koeyi ashɛ̃, klɛ la da ɖɔ Kpayɛbui nɛ ɔkɔnyɔkɔ, klɛ Apalete nɛ awa kɛxwɛ nɛ balɛ klɛ trɔ kɛklãgbu nɛ yɛ kibui nɛa bha ganɔ kɛdɔmumɔ nɛ gɛ za kɛlɛe de.

Marko 16:20 Referans Kwoze

Axwɛwɛwa 14:3

So Paolo anɛ Banabas be zi kibe gelee nɛ ɔkɛlɛ, klɛ ba ɖɔ kaɖɔ nɛ kitekpɛkpɛ kɔ Apalete, gɛ atrɔ kɛklãgbu nɛ yɛ ɛyamyuyɔ kibui nɛa bha ganɔ balɛ kɛdɔmumɔ anɛ ebuiyiyinɔ anɔ kɛdɔmumɔ nɛ gɛ ba bhɛtɛ nɛm.

Hebriuanɛ 2:4

Kpaya tsyɛ ebuilɛ akasɛ nɛ ebuimumɔ, kifuebui anɛ ebuiyinɔanɔ ediedi, anɛ kɛdɔ kukɔ denɔ Ɔfufɔɛ Dzyɔgo nɛ dɔ yɛyakɔ anɔ nɛ yɛ tɛpɛpɛɛ.

Romanɛ 15:19

ganɔ kɛdɔmumɔ anɛ ebuiyiyinɔanɔ kemi nɛa bha, ganɔ Ɔfufɔɛ nɛ kemi mɛ. So denɔ Yerusalɛm kidzo nɛa bha petee ɔvɛnɔ Ilirikumɛ, ɛtɛ bu Kristo kibuidzyɔgo nɛ ɖɔ petee.

Axwɛwɛwa 5:12

Yesu banɔkpɛkpɛ na ba bhɛtɛ ebui nɛ kɛdɔmumɔ gelee gɛ la bhɛtɛ banɔɛ bi. Klɛ baga yɛkɛ kibui nɛa bha aŋa petee be xogo nɛ Salomo Kagba nɛesi.

Axwɛwɛwa 4:30

Bu wɔ ɔhwɛ oyinɔ tɛ obeke banya tɛ ɔbhɛtɛ ebuimumɔ anɛ yiyinɔanɔ nɛ agɛ abhɛtɛbi nɛ ɔganɔ Yesu wɔ axwɛdɛ gɛ yɛshu bhui nɛ kinyim.”

2 Kɔrintioanɛ 6:1

Anasɛ Kpaya baxwɛwa bu bisi denɔ nɛ wunɔ ahwɛ sɛ nɔ tɛ yɛkɛ Kpaya kɛdɔkukɔ nɛ kuã.

Marko 16:19

Gɛ Apalete Yesu aɖɔ ebuia nɛ etsrea lɛ beke nɛɛ, baa yɛkɔ yɛ avɛnɔ owũsise klɛ ede zhiaza Kpaya kɛŋam,

Luka 1:1

Banɔ gelee ba tɛ kɔ trɔ shu ba ŋlɔmɛ ebui nɛ gɛ la tɛ bɛlɛ mɛ nɛ bulɔɛ shi bafla,

Luka 1:2

anasɛ gɛ ba yɛkɔ akpɛ bulɔ ahwɛ nɛ bagɛ denɔ kesikpɛkpɛ gɛ bedzi awɔ̃hũ bebuimɔɖɔ nɛ baxwɛdɛ kɔ ebui.

Hebriuanɛ 2:3

kɛlɛ bu ba koeyi nɛ lɛ mɛ onugɛ bugbe tɛbhubhɔyɛkɛ gbɛgblaɛ nɛ? Tɛbhubhɔyɛkɛ nɛ, gɛ Apalete eputɔ aɖɔ, bagɛ benu yɛ bui batrɔ ahwɛ nɛ lɛabha kɔ lɔ