Marko 16:1 - ONUGBÙ NYƐNYÃ VUVƆ

¹ Gɛ Kimuenewi nɛ ba fla, Maria Magdaline anɛ Maria Yakobo yɛeni, anɛ Salomɛ bede dzi bawa huhuhu sɛ tɛ ba yɛkɔ ada sra Yesu ishu.

Marko 16:1 Referans Kwoze

Luka 23:56

Badzɛ nɛ ba shɛ̃ avɛ bupa mɛ klɛ ba da bhɛtɛ bawa gɛ ba lɔ̃ huhuhu. Pɔ be moene nɛ Kimuenewi nɛabha tɛ ba yɛkɔ ata ɔshã nɛ atɔ.

Marko 15:40

Badzɛ teli aza odzidzekɔ pɛ bee di ɔklɛ asɛsɛ. Balɛ mɛ banɔ balɛ enu Maria Magdaline, Maria Yakobo yɛeni gɛ enu anuvɔ kɔ Yosesɛ, anɛ Salomɛ.

Yohanɛsɛ 19:31

Ɔtsɔ̃ nɛ kiwui lɛ nɛ dzi Tɛbɛbalawi, klɛ keli zɛza nɛ be dzi Kimuenewi bhlatɔɛ di. Alasɛ Yuɖanɛ ba dɛ pɛa sɛ tɛ banɔ tsitsi na wɔ butsiosi nɛ shu nɛ Kimuenewi nɛa bha so be bisi asɛ Pilatio akɔɛ dzo tɛ be de dzyini balɛ etsrɛ klɛ tɛ ba sɔkɛ alɛ lu kesi.

Yohanɛsɛ 19:25

Yesu yɛeni, yɛenida, Maria gɛ enu Klopasɛ yɛedzini, anɛ Maria Magdaline be li kititi nɛ tsobunɔ yɛ butsiosi.

Marko 16:8

Ganɔ tɛshushuku mɛ anɛ awɔ̃nyunyɔ mɛ, badzɛ nɛ koeyi klɛ be si ashɛ̃ nɛ odzre nɛ shu. Ba dɛ ɖɔ kibuinyɛbui etsre anɔnyanɔ, alasɛ kifu kua lɛ.

Marko 15:47

Maria Magdaline nɛ Maria Yoses yeni nɛ ba mɔ ɔklɛ gɛ ba vubɔ Yesu.

Marko 14:8

Adzɛ nɛ abhɛtɛ kɛgɛ aba naa bhɛtɛ. Edzuawɔ̃ asra bubɔ kɔ mɛ tɛvuvubɔ.

Marko 14:3

Kibee lɛ nɛ gɛ aza Betani nɛ, aza ŋa kɛdɔ nɛ anyɛ teli gɛ bee klu asɛ Simɔnɛ gɛ enu bunya dzɛdzãelete nɛ bupa mɛ nɛ, adzɛ teli aba ɔklɛ nɛ bubɔ huhuhu ŋɛŋa kedzi tuli gɛ kpasɛ aklãgbu kɛbɔplui mɛ. Adzɛ nɛ adanɛ bubɔ klɛ ayɛkɔ abalɛ akpɛ Yesu ada nɛ mɛ petee.

Luka 23:54

Kɛnu Tɛbɛbala Kiwui, klɛ Kimuenewi nɛ ba kpɛe si.

Marko 15:42

Kiwi lɛlɛ nɛ dzi Tɛbɛbala Kiwi (gɛ putɔkɔ Kimuenewi nɛ gɛ nu Sabatɛ). So gɛ owulago nɛ ɔɔna nɛɛ,

Marko 16:2

Kɛvulɔ nɛ pinii, nɛ ɔgɔnɛ nɛ kiwi tutɔpu nɛa bha, nɛ kiwiyɛyɛ nɛe de ko, batɔnɔɛ dzo aavɛ odzre nɔ bha,

Luka 24:1

Ne kiwui tɛtɔpu nɛ ɔganɛ nɛ mɛ, nɛ kɛvulɔ pinii, badzɛ ba yɛkɔ bawa nɛ gɛ ba lɔ huhuhu gɛ ba bhɛtɛ klɛ ba vɛ odzre nɛ mɛ.