Marko 14:62 - ONUGBÙ NYƐNYÃ VUVƆ

⁶² Yesu ebui lɛ bunu asɛ, “Mɛnu Kristo.” “Klɛ nɔ bɔ mɔ Anɔdzyrame yɛ Eyi nɛ gɛ ezhiedzi Agbɛgbladɛ nɛ kɛŋam gɛ aaba denɔ ɔmunɔ nɛ mɛ nɛ owũsise.”

Marko 14:62 Referans Kwoze

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Marko 13:26

“Nɛ kibee lɛ nɛ mɛ banɔ aba mɔ Anɔdzyrame yɛ Eyi nɛ gɛ aaba denɔ ɔmunɔ nɛ mɛ nɛ kemi gɛganɛɛ nɛ same mɛ.

Mateo 24:30

“Nɛ kibe lɛ nɛ mɛ Anɔdzyrame yɛ Eyi nɛ kɛdɔmumɔ nɛ ba wɛ̃ nɛ owũsise, klɛ amadi petee nɛ kesukpa nɛa bha na be tsishu. Ba ba mɔ Anɔdzyrame yɛ Eyi nɛ ɔmunɔ nɛ mɛ gɛ ede owũsise nɛ aaba, nɛ kemi anɛ ishubhubhui gbɛgbla mɛ.

Mateo 26:64

Yesu ebu aɖɔ asɛ, “Ee, kɛlɛ ansɛ gɛ ɔɖɔ, pɔ itsre nɔ petee sɛ: Nɛ otugba mɛ nɔ bɔ mɔ Anɔdzyrame yɛ Eyi nɛ gɛ ezhidzi Agbɛgbladɛ nɛ kɛŋa mɛ gɛ aga ɔmunɔm aaba denɔ owũsise.”

Luka 22:69

Pɔ denɔ ɔtsɔ ɔvɛnɔ, Anɔdzyrame Yi aba za Kpaya gbɛgbla nɛ kɛŋa nɛ mɛ.”

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Marko 16:19

Gɛ Apalete Yesu aɖɔ ebuia nɛ etsrea lɛ beke nɛɛ, baa yɛkɔ yɛ avɛnɔ owũsise klɛ ede zhiaza Kpaya kɛŋam,

Tɛbubukasɛ 20:11

Ɔkɛlɛ mɛ mɔ kekeusigbu gbɛgbla fufu tieli anɛ anɔ nɛ gɛ edzia lɛa bha. Kesukpa anɛ owũsise ɔshɛ nɛ yɛ amɛ, klɛ ɔkɔnyɔkɔ ɔdɔɔ za kɔa lɛ.

Hebriuanɛ 8:1

Kibui nɛ kɛkpã gɛ buɖɔ nɛ kɛlɛ nu kɛnɛ: kpayazakɔanɔ ɖɛɖama nɛɛ di alɛ bulɔ ahwɛ, gɛ aza kegbu nɛabha nɛ Otugbavɛvɛ Aka nɛ ɔbha nɛ owũsise,

Hebriuanɛ 8:10

Kɛnɛ kɛlɛ nu onugbunyɛnya gɛ ɛba nya nɛ Izraɛl bupa nɛ kibe lɛlɛ nɛede, Apalete nɛ yɛ aɖɔ. Ɛba yɛkɔ mɛ ɛshã kpɛ balɛ kɛtɔkpui mɛ klɛ ɛba ŋlɔmɛ lɛ trɔ balɛ idzyi mɛ. Ɛba dzi balɛ Kpaya, klɛ ba be dzi mɛ banɔ.

Luka 23:3

Pilato ebisi Yesu asɛ, “Wɔ nu Yuɖa nɛ ekusi?” Yesu ebushunu sɛ, “Ee, kɛlɛ anasɛ gɛ ɔɖɔ.”

Marko 15:2

Pilato ebisi Yesu asɛ, “Wɔ nu Yuɖanɛ ekusi dza?” Yesu asɛ, “Ee, kɛlɛ ansɛ gɛ ɔɖɔ.”

Mateo 27:11

Nɛ kɛlɛ mɛ Yesu eli kititi nɛ ɔma ekusigbla nɛ amɛ, klɛ ebisi yɛ asɛ, “Wo nu Yuɖanɛ ekusi?” Yesu ebui lɛ nu asɛ, “Ee, kɛlɛ ansɛ gɛ ɔɖɔɛ lɛ.”

2 Petro 1:16

Bu dɛ za ebuifɛfatɛ ede kibelɛlɛ gɛ bu tsre nɔ denɔ kemi anɛ̀ bulɔ Apalete Yesu Kristo yɛ tɛbɛba, pɔ bu dzi ebuimɔɖɔ kɔ yɛ tɛgbɛgbla.