Marko 14:36 - ONUGBÙ NYƐNYÃ VUVƆ

³⁶ Yesu asɛ, “Aba, Aka,” “kibuinyɛbui lɛ bubɔɛbɔɛ kɔ wɔ. Tsunɔ butɔ katsea nɛ mɛ nu. Pɔ anɛ kɛgɛ mɛ ɛpɛɛ, pɔ kɛgɛ wɔ ɔdɛmɛ.”

Marko 14:36 Referans Kwoze

Galatianɛ 4:6

Alasɛ bu nu beyi, Kpaya akpɛ yɛ Yi anɛ Ɔfufɔɛ nɛ bulɔ idzyi mɛ, Ɔfufɔɛ nɛ gɛ lɔ kpɛ ogugu sɛ “Aka, ma Ka.”

Yohanɛsɛ 5:30

Mɛ nahwɛ ɛtɛ bana kɛdɔnyɛdɔ bhɛtɛ, iklu kebhui anasɛ kɛgɛ inu nɛ ko klɛ mɛ kɛbhuikuklu kenu kadzyɔgo, alasɛ ɛtɛ pɛɛ sɛ kɛ ku mɛnahwɛ awɔ̃ pɔ kɔ agɛ akpɛ mɛ.

2 Timotio 2:13

onu gɛ tɛyɛyɛkɛŋa ma bulɔ ahwɛ, yɛ aba za tɛyɛyɛkɛŋa mɛ, alasɛ yɛ atɛ ba na yɛ ishu nɛ shu shɛ̃nahwɛ.

Yohanɛsɛ 12:27

“Ɔtsɔnɛ mɛ dzyi amɔ butɔ, klɛ kide mɛ baɖɔ? Ɛbaɖɔ sɛ ‘Aka, bhui mɛ ɔyɛkɛ nɛ ɔɖɔ nɛ mɛ’? Ao, kɛnɛ nahwɛ so gɛ ɛba nɛ ɔɖɔ nɛ mɛ.

Titusɛ 1:2

tɛyɛyɛkɛŋa anɛ kibuititi nɛ gɛ kɛ kpaplɛnɔ kidzoenudidi kɔ ɛkpã gɛ tɛ ba beke, gɛ Kpaya, gɛ eti hu otro, nɛ aɖɔɛ lɛ elu denɔ kibe nɛ kesikpɛkpɛ mɛ,

Filipianɛ 2:8

Klɛ awɛ̃ ansɛ anɔ, anyɛna ishu klɛ aba tatɔ nɛ butsi— nɛ butsi nɛ butsiosi shu tsyɛ!

Yohanɛsɛ 18:11

Yesu ɛtsre Petro sɛ “tsodzini wɔɛ pamɛ nɛ ɔkpɛ kɛlɛ ɔzakɔ! Kɛma sɛ tɛ ɛwɔɛ̃ butɔ kantsye gɛ Aka na kɔ mɛ?”

Marko 10:27

Yesu edi alɛ klɛ aɖɔ asɛ, “Nɛ anɔdzyrame kapɛ mɛ kɛ ma bɔbɔɛbɔɛ, pɔ ganɛ kɔ Kpaya xũ, kibuinyɛbui lɛ bubɔɛbɔɛ kɔ Kpaya.”

Yohanɛsɛ 4:34

Yesu aɖɔ asɛ, “Mɛ dɔŋɛŋa, ” kɛlɛ nu sɛ “tɛ ebhɛtɛ trɔ agɛ akpɛ mɛ nɛ tɛpɛpɛɛ abha klɛ tɛ ɛwa yɛ axwɛ nɛ beke.

Mateo 26:39

Gɛ aza ga vɛ otugba kɛbɔɛ, awɔlɛ adɔ klɛ ayɛkɔ amɛnɛmɛ ekumuesi klɛ ekulukpaya sɛ, “Maka, onu gɛ kɛɛ ba za tɛbhɛbhɛtɛ mɛ, kɛlɛ tɛ ɔkɔ kantsea nɛ kafla mɛ nu. Pɔ ganɛ kana gɛ mɛ ɛpɛɛ, kana gɛ wɔ ɔpɛɛ kɛlɛ ba ba kɛlɛ mɛ.”

Mateo 6:9

“Ɔtsɔ̃, kanii, alɛ asɛ tɛ no zo klukpaya: “ ‘Bulɔ Aka nɛ owũsise, wɔɛ nyi la ba kpɛ nɛ abha,

Hebriuanɛ 6:18

Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

Mateo 26:42

Aza shɛ bubhla avɛ klɛ ede kulukpaya sɛ, “Maka, onu gɛ kɛɛ ta ba kɛlɛ mɛ sɛ tɛ kantsea nɛ kafla mɛ nu, pɛ kɛlɛ sɛ tɛ ɛwɔɛ̃a lɛ, kɛlɛ kɔ la bhɛtɛ wɔ tɛpɛpɛɛ.”

Marko 14:37

Ɔkɛlɛ etsodzi avɛ yɛ badɔkpasɛ nɛ ɔbha klɛ ada mɔa lɛ le dzi adɔ tra. “Simɔnɛ,” ebisi Petro asɛ, “tra no dzi ɔdɔ? So nɔ tɛ bɔ na awɔ̃ za ɔɖa tɛta torikpo tsyɛ?

Marko 10:39

Be bu klɛ nu asɛ, “Bu ba na.” Klɛ Yesu etsre alɛ asɛ, “Nɔ bɔ wɛ̃ mɛ katse nɛ gɛ ɛwɛ̃, klɛ nɔbɔ yɛkɛ bunikpɛkpɛ nɛ gɛ ɛkpɛ nɛ di,