Marko 14:18 - ONUGBÙ NYƐNYÃ VUVƆ

¹⁸ Kibee lɛ gɛ bedzi pɛ baa ŋa kɛdɔ nɛɛ, Yesu asɛ, “Itsre wɔnɔ kɛgba, wɔnɔ mɛayɛ teli aba yɛkɔ mɛ akpɛ ahwɛ edzi aŋa kɛdɔ nɛ mɛ.”

Marko 14:18 Referans Kwoze

Yohanɛsɛ 6:70

Yesu ebuilɛnu asɛ, “Anɛ mɛ klu nɔ banɔ lɔfɔ nɛtiabha? Pɔ sɛ wunɔ mayɛ teli enu Abonsam!”

Yohanɛsɛ 6:47

Itsre nɔ kɛgbɛ sɛ, anɔ nɛgɛ ayɛkaŋa aba mɔ ɛkpã mabekemabeke.

Yohanɛsɛ 13:38

Ɔkɛlɛ Yesu ebuilɛnu sɛ, “Ɔbɔ yɛkɔ wɔ kpã kɔ kɛgbɛagba nɛ mɛ tɔkpu? Itsre wɔ gbɛagba, flogo tɛ ɔkukɔ bɔ bɔ, ɔbɔ daɛda nɛmɛ shu ada tata!

Yohanɛsɛ 13:21

Gɛ aɖɔ kibui nɛ bekɛ, Yesu dzyi ahwa nɛ́ ɔfufɔɛ mɛ, klɛ aɖɔaɖɔ sɛ, “Itsre nɔ kɛgba, wunɔ mayɛ terikpo aba yɛkɔmɛ atɛ kpɛ ahwɛ.”

Yohanɛsɛ 6:32

Yesu etsre alɛ sɛ, “Itsre nɔ kɛgbɛ, ganɛ Mose yɛa kɔ nɔ gbɛ̃gbɛ̃vu denɔ owũsise, pɔ mɛ Aka yɛ akɔ nɔ gbɛ̃gbɛ̃vu kɛgbɛagba denɔ owũsise.

Yohanɛsɛ 6:26

Yesu ebulɛnu asɛ, “Itsre nɔ kɛgba, nɔɔ pɛɛ mɛ, ganɛ sɛ nɔ mɔ kɛdɔmumɔ gɛ yinɔanɔ so, pɔ alasɛ nɔ tã gbɛ̃gbɛ̃vu klɛ no xui so.

Yohanɛsɛ 5:19

Yesu akɔ alɛ kesinunuɛ nɛ sɛ “Itsrenɔ kɛgbɛagba sɛ, Eyianyɛ atɛ babhɛtɛ kɛdɛnyɛdɔ nɛ yɛnahwɛshu ahwɛ, abana abhɛtɛ kɛ gɛ ko amɔ yɛ Aka abhɛtɛ, alasɛ kɛkanyaka gɛ Aka nɛ abhɛtɛ klɛ Eyianyɛ nɛ tsyɛ abhɛtɛ.

Yohanɛsɛ 3:11

Itsre wɔ gbɛagba sɛ, bu ɖɔ kɛdɔnɔ gɛ bu nyi, klɛ bu ɖɔ ɛbuimɔɖɔ kɔ kɛgɛ bu mɔ, pɔ tsyɛ wunɔ banɔ anɛ nɔ dɛ yɛkɛ bulɔ kibuimɔɖɔ.

Yohanɛsɛ 3:5

Yesu ebui lɛ nu asɛ, “Itsre wɔ kɛgbɛagba sɛ, anɔnyanɔ atɛ be tsoku Kpaya bukusiɔŋakɔ odɛ nu sɛ be ditsodzi yɛ amɔ nɛ́ buni nɛ̀ Ɔfufɔɛ.

Yohanɛsɛ 3:3

Nɛ kɛlɛesi bubu Yesu ebuaɖɔ sɛ, “Itsre wɔ gbɛagba sɛ, anɔnyanɔ atɛ ba mɔ Kpaya Bukusiɔŋakɔ nedi odunu sɛ be tsodzinɛ yɛ amɔ́.”

Yohanɛsɛ 1:51

Kɛlɛ azaɖɔ sɛ, “Itsre nɔ kibui gbɛagba sɛ nɔ bɔ mɔ owũsise lɔ bɔ danɛ klɛ Kpaya yɛ baxwɛdɛ ba baza ewu klɛ baza ezhi aba nɛ Anɔdzyrame Yi nɛabha.”

Luka 11:51

denɔ Abel dzyosu nɛabha ɔdɔtɔnɔ Zakaria gɛ be yi nɛ busɔlɛvumokpo nɛ obhubhui kɔ nɛ katsya. Ee, ɛtsre nɔ, tɛmumɔɛnɛ ba ba nyɛna nɔ kɔ ebuianɛ.

Luka 4:24

Avɛ lɛabha sɛ “Kibuigba mɛ tsre nɔ, ba tɛ yɛkɛ atɔnu bui nɛ yɛnahwɛ ɔmamɛ.

Marko 14:25

“Itsre nɔ kɛgba, ɛtia fla wɛ̃ vãyɛ̃ eyuyu mɛ ni ɔdɔ na nɔ kibe lɛ gɛ ɛba tɛ wɛ̃ yɛ avuvɔ nɛ Kpaya bukusiɔŋakɔ nɛm.”

Marko 14:9

Itsre nɔ kɛgba sɛ, ɔkɔnyɔkɔ gɛ ba ɖɔ Kpayɛbui nɛ kanɔ nɛ mɛ petee, kɛgɛ adzɛ nɛ abhɛtɛ ba ba ɖɔɛ lɛ tsyɛ, ayɛkɔ abaka yɛbui nɔ.”

Marko 10:29

Yesu ebui lɛ nu asɛ, “Itsre nɔ kɛgba,” “anɔnyanɔ ama gɛ ashɛ̃ nɛ kepi, ayɛlɔ yɛadzyalɛ, anɛ yɛadalɛ, anɛ yɛeni, anɛ yɛaka, anɛ yɛeyialɛ, anɛ yɛ kaya akpɛ mɛ Kibui Dzyɔgo nɛ so,

Marko 10:15

Itsre nɔ kɛgbɛagba sɛ, anɔnyanɔ gɛ atɛ ba yɛkɛ Kpaya bukusiɔŋakɔ ansɛ anuvɔ bhli, atɛ ba na bulɛ mɛ etsoku.”

Marko 9:41

Itsre nɔ kibuigba sɛ, anɔnyanɔ gɛ akɔ nɔ buniatse nɛ mɛ kinyi mɛ sɛ no nu Kristo ayɛ so, yɛ ahwɛhuhu nɛ atɛba lɛla.

Marko 9:1

Klɛ etsre balɛ asɛ, “Itsre nɔ sɛ kɛgba lɛ nu sɛ, banɔ teli gɛ beli kititi nɛ ɔkɛ̃ nɛ batɛ ba mɔ butsi flogo pɛ Kpaya Bukusiɔzakɔ nɛ ɔbɔ ba nɛ kemi.”

Marko 8:12

Afɔɛ vuu klɛa sɛ, “Kide so pɛ ɔtsɔ̃ nɛ mɛ banɔ nee bisi ebui gɛ eyiyinɔ anɔ sɛ tɛ ba mɔ? Itsre nɔ kɛgba sɛ, ba tɛ ba kasɛ kɛdɔmumɔ kanyaka nɛ kɛlɛ shu.”

Marko 6:11

Ɔkɛlɛ gɛ noo ku pɛ baa dɛ yɛkɛ wɔnɔ, klɛ ba dɛ taa nɔ batɔ, no xule osumududu nɛ wɔnɔ butsrukpɔ nɛ olu tɛ nɔ shɛ̃, tɛ kidzi kibuimɔɖɔ nɛ balɛ shu.”

Marko 3:28

Kɛgbɛagba mɛ tsre nɔ, ebuizizi anɛ ebusobui nɛ petee gɛ banɔ abhɛtɛ nɛɛ ba ba yɛkɔ etsye alɛ.

Mateo 26:21

Klɛ gɛ bedzi aŋa kɛdɔ nɛɛ, aɖɔ asɛ, “Itsre nɔ kɛgba nɛ sɛ, wɔnɔ ɔmɛayɛ teli yɛ aba ga mɛesi.”

Mateo 6:5

“Klɛ kibe nɔɔ nɛ gɛ ɔsɛ okulukpaya, tɛbhɛtɛ ansɛ gɛ itroelete nɛ baa bhɛtɛ, alasɛ balɛ nɛɛ ba pɛɛa sɛ tɛ ba za kititi nɛ oxogokɔevu nɛm, anɛ edzogbla nɛa bha sɛ tɛ banɔ ba mɔ balɛ. Itsre nɔ kɛgba sɛ, balɛ nɛɛ di na tɛ yɛkɛ balɛ ahwɛhuhu nɛ petee.

Mateo 6:2

“So onu gɛ ɔɔkɔ etsyutsyuini dɔ, tɛ kpɛ kɛlɛ ogugu ganɔ buxulɔ̃ɛ bubɔ mɛ, ansɛ gɛ itroelete nɛ baa bhɛtɛ nɛ ixogokɔevu nɛ mɛ nɛ edzogbla nɛa bha, sɛ tɛ be ku anɔ awɔ̃. Itsre wɔnɔ kɛgba sɛ, bagɛ baa bhɛtɛ ana ba tɛ yɛkɛ balɛ ahwɛhuhu nɛ petee.

Mateo 5:18

Itsre nɔ kɛgba, ɔdɔnanɔ kibe lɛ gɛ owũsise anɛ kesukpa kaa lɛla, kɛdɔ ŋuŋlɔmɛ bhli dɛ, kɛdɔŋlɔmɛshi kɛdɔfuflɔ̃ bhli, ganɔ kidzo nyɛdzoa bha nɛ tɛ baa lɛla nɛ Ɔshã nɛm ɔdɔnanɔ kibe lɛ gɛ kibuinyɛbui kɛ bɛɛ lɛm beke.

Yohanɛsɛ 21:18

Itsre wɔ bui gbɛagba sɛ kɛbelɛlɛ nɛ gɛ odzi anuvɔ, wɔnahwɛ onyumu kɛdɔ klɛ okoeyi ɔvɛ ɔkɛlɛ gɛ ɔpɛɛ, pɔ kibenɔ gɛ obo she obɔ bu wɔ ɛhwɛ klɛ anɔ bhlatɔ abe nyumu kɛdɔ kɔ wɔ klɛ aba gbanɛ wɔ avɛnɔ ɔkɛlɛ gɛ ɔdɛ pɛɛ sɛ tɛ ɔvɛ.”

Mateo 6:16

“Onu gɛ nɔɔ sɛ tɛ nɔ nya onugbu, nɔ tɔɔ bhɛtɛ ishu ansɛ butɔ mɛ nɔ kpasɛ, ansɛ gɛɛ betroni na bhɛtɛ, alasɛ balɛ bee ɖuɖu amɛ nɛm sɛ tɛ ba wɛ̃ ansɛ banɔ gɛ baa nya inugbu. Itsre nɔ kɛgba sɛ, batɛ yɛkɛ bala abhɛ nɛ petee.

Marko 14:17

Gɛ owulago nɛ ɔna, Yesu ebe ku nɛ yɛ Kɛfɔntɛabha.

Marko 14:19

Badɔkpasɛ nɛ shuku, klɛ terikpo terikpo ba ɖɔ tsre yɛ asɛ, “Ɛdɛ yɛkɛ ŋa sɛ mɛ.”

Luka 22:21

Pɔ ɔhwɛ gɛ lɔbɔ yɛ kɔ mɛ akpahwɛ, lɔ lɛ plɛnɔ mɔyɛ nɛ kɛdɔɛnɛ ɔŋa kɔ.

Yohanɛsɛ 13:18

“Anɛ nɔ petee mɛ ɖɔ, enyi ba gɛ eklu. Pɔ sɛ tɛ Kpaya bui nɛ bɛlɛmɛ, ‘Anɔ nɛ gɛ bulɔ nɛ yɛ bu kpahwɛ kɛsugbɛ tirikpo mɛ, yɛ alɔ kititi nɛ mɛ shu.’

Yohanɛsɛ 13:22

Yɛ badɔkpasɛ be yele aglɔ, be di lɛmɛ sɛ tɛ be ti balɛ ɔmayɛ gɛ aɖɔ.