Marko 13:27 - ONUGBÙ NYƐNYÃ VUVƆ

²⁷ Klɛ aba kpɛ yɛ kpaya baxwɛdɛ klɛ la baa ba ebe xogo yɛ bagɛ eklu edenɔ kanɔ nɛ bupɛ tɔlɛ, denɔ kesukpa nɛ ibekekɔ ɔdɔ tɔnɔ iwũsise nɛ ibekekɔ.

Marko 13:27 Referans Kwoze

Mateo 24:31

Klɛ aba kpɛ yɛ baxwɛdɛ nɛ buxulɔ̃ɛ bubɔ gɛganɛɛ kɛdɔ kukulu, klɛ be be xogo yɛ banɔ nɛ gɛ ebu nɛ alɛ talɛ̃ nɛ mɛ, denɔ owũsise nɛ obekekɔ ɔyɛkɔ vɛnɔ ɔgɔgɔɛkɔ.

2 Tɛsolonianɛ 2:1

Nɛ bulɔ Apalete Yesu Kristo tɛbɛba nɛ shu anɛ bulɔ tɛxuxogo vɛnɔ yɛ ɔbha, bu tsre nɔ, badzya mɔ,

Luka 16:22

“Kɛbe na gɛ adɔbisi netsi, klɛ baxwɛdɛ ne feke yɛ avɛnɔ Abraham ɔbha. Ehueyi elete nɛ tsyɛ tsi klɛ bavubɔ yɛ.

Marko 13:20

Otɔsɛ Apalete nɛ adɛ tsɛ ewi alɛlɛ nɛa bha nɛ, anɔdzyrame agɛ ta gɔ. Pɔ akpɛ yɛ bekuklu nɛ gɛ eti klu nɛ so, ebhui ewi nɛa bha.

Mateo 13:41

Anɔdzyrame yɛ Eyi nɛ aba kpɛ yɛ baxwɛdɛ nɛ asɛsɛ, klɛ le be bu kizizi kanyaka nɛ yɛ bukusiɔŋakɔ nɛ mɛ gɛ kɔ buzizi nɛ bagɛ ba bhɛtɛ butsutsɔmɔ.

1 Petro 1:2

gɛ be klu nɛ́ Kpaya Aka yɛ dɔdidi kpɛ otugba, ganɔ Ɔfufɔɛ nɛ kɛxwɛwɛwa nɛ shu dɛdanɛ kɔ batɔ tɛta Yesu Kristo klɛ nɛ yɛ dzyosu tɛtɛta balɛ: Kɛdɔkukɔ anɛ ishuyuyɔ dzi wɔnɔɛ yɛ nɛ tɛkpikpe mɛ.

2 Timotio 2:10

Kɛlɛ so ɛdzrɔ nɛ kibuinyɛbui nu nɛ agɛ be kulu nɛ tɔkpu, sɛ tɛ balɛ tsyɛ ba mɔ tɛbubu nɛ gɛ kpasɛ Kristo Yesu mɛ, ɔplɛnɔ ɔfufɔɛ mɛ ishubhubhui.

Koloseanɛ 3:12

Kɛlɛso anasɛ Kpaya banɔ kuklu, tɛbhubhui anɛ tɛdɛdɛmɛnɔ mɔmɔ, wɔnɔ nahwɛ nɔ nyumu eshutukubuididi, ɛyamɛyɛyɔ ishubububɔ, ishunyɛnyɛna anɛ tɛdɛdɔfɔɔ̃.

Romanɛ 8:33

Anee gɛ aba yɛkɔ kibui tili nɛ bagɛ Kpaya eti bu nɛ shu? Kpaya ya danɛ anɔ shu.

Yohanɛsɛ 11:52

klɛ anɛ kɔ ɔma lɛlɛ tite so, pɔ kɔ Kpaya banuvɔ nɛ gɛ balɛ ebha tɛ ba gbanɛ ala exogo tɛ ba bhɛtɛ alɛ terikpo.

Yohanɛsɛ 10:16

Ibhoshi bhlatɔ lɛ mɛ ahwɛ gɛ lɛ ma ibhoshi buka nɛ mɛ. Ɛba tɛ gbanɛ lɛ tsyɛ mɛna. Ɛlɛ tsyɛ ba nu mɛ olimɛ, klɛ ibhoshiha tirikpo nɛ agbɛgbanɔ Terikpo.

Luka 18:7

Klɛ ɔyɛkɛŋa sɛ Kpaya atɛ bamɛna kebhuikuklu dzyɔgo kɔ yɛ banɔ kuklu, gɛ ba kpɛ ogugu kɔ yɛ kelizɛza anɛ elishi? Aba za eze di alɛ ana ko?

Marko 13:22

Alasɛ Kristo itroayɛ anɛ batɔnu itroa yɛ nɛ be koeyi klɛ ba baa bhɛtɛ ebuimumɔ anɛ ebuiyiyinɔ anɔ, sɛ tɛ ba yɛkɔ awɛɛ bagɛ be kulu, onu gɛ kɛɛ ba za bɔbɔɛbɔɛ.

Mateo 24:24

Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Mateo 24:22

Otɔsɛ ganɛ bubhui le bhui ewi alɛ nɛa bha agɔ, anɔnyanɔ agɛ ta fla gɔ, pɔ nɛ agɛ be ti bu kɔ lɔ nɛ so, ewi alɛlɛ nɛa bha aba tsɛ.

Mateo 13:49

Kana kɛba za nɛ kibe bibeke nɛ mɛ. Kpaya baxwɛdɛ na ba ba klɛ le be bu atɔkpum gɛganɛ elete nɛ badzyɔgo nɛ shi

Mateo 12:42

Ozhizhi Adzɛeni nɛ aba lɔ kititi nɛ kebhuim nɛ tɛmumɔɛ nɛm banɔ klɛ ebe bui lɛ kɛpɔ; alasɛ alɔ edenɔ kanɔ nɛ obekekɔ sɛ ta aba tatɔ nɛ Salomo kibuinyinyi, klɛ ɔtsɔ̃ agɛ yɛ adɛ Salomo nɛ yalɛ ɔkɛ̃ naa.

Marko 13:28

“Ɔtsɔ̃ nɛ nɔ kpasɛ kɛdɔ denɔ kabhɔ osi nɛ shu, kibelɛ nɛ gɛ ɔlɛ ɛshɛ nɛ nya wɛ̃ avuvɔ klɛ awulakpa nɛ anya tɔɛ ko, no ti sɛ subha kɛdɔbe nɛ tsuu ba.