Marko 10:33 - ONUGBÙ NYƐNYÃ VUVƆ

³³ Etsre balɛ asɛ, “Bu vɛ Yerusalɛm,” “klɛ la ba tɛ ga Anɔdzyrame yɛ Eyi nɛesi akɔ kpayaɔzakɔanɔ anɛ ɛshãdɔkasɛ. Bee bu yɛ butsipɔ klɛ la ba yɛkɔ yɛ akpɛ ahwɛ kɔ bagɛ edi nu Yuɖanɛ,

Marko 10:33 Referans Kwoze

Mateo 27:2

Klɛ so ba ba nya yɛ klɛ la gbanɔ yɛ avɛnɔ ada kpɛ ahwɛ akɔ Pilatio, gɛ enu anɔ nɛ gɛ aŋa kɛmadi nɛa bha.

Marko 8:31

Ɔkɛlɛ akpa kɛdɔ kasɛ balɛ asɛ, Anɔdzyrame yɛ Eyi alasɛ tɛ atɔ nɛ ebui gelee mɛ klɛ beshishe na tɛ ba yɛkɛ yɛ, kpayaɔzakɔanɔ anɛ ɛshãdɔkasɛ, klɛ kɛba za sɛ tɛ be yi yɛ klɛ nɛ ewi tataede ebe tsodzi alɔ.

Mateo 26:66

Kide wɔnɔ atɔkpu nɛ mɛ aɖɔ? Be bui lɛ nu asɛ, “Edzyenɔ kɔ butsi.”

Mateo 16:21

Denɔ kibe lɛ nɛ mɛ Yesu etenɔ ebuie si bu kɔ yɛ badɔkpasɛ nɛ asɛ alasɛ tɛ avɛ Yerusalɛm tɛ ada tɔ nɛ ebui gelee mɛ nɛ beshishe nɛ ahwɛ mɛ, kpayaɔzakɔanɔ anɛ ɛshãdɔkasɛ, klɛ kɛ ba za sɛ tɛ be yi yɛ klɛ nɛ kiwi tramɛ ebe tsodzi anyɛmɛ aba ɛkpãm.

Yakobo 5:6

No ti bu bagɛ ba dɛ bhɛtɛ kɛdɔnyɛdɔ nɛ kɛpɔ klɛ no yia lɛ, gɛ ba dɛ lɔ kititi nɛ wɔnɔ shu.

Axwɛwɛwa 20:22

“Klɛ nɛ ɔtsɔ̃ nɛɛ, ansɛ gɛ Ɔfufɔɛ Dzyɔgo nɛ ɔtrɔ kɔ mɛ, ɛɛvɛ Yerusalɛm, klɛ ɛtɛ nyi kɛdɔnɔ nɛ gɛ ba tɛ ba mɛa bha nɛ ɔkɛlɛ.

Axwɛwɛwa 13:27

Yerusalɛmanɛ anɛ balɛ bekusi na dɛ mɔ Yesu edzyesi, pɔ nɛ kibe lɛ gɛ bee bu yɛ atɛ̃ɛ nɛɛ, baa bhɛtɛ atrɔ ebui nɛ gɛ batɔnu na ɖɔ pɛ baa kla kibenyɛbe nɛ Kimuenewi nɛa bha.

Yohanɛsɛ 19:11

Yesu ebushunu asɛ, “Kemi tɛ ba za wɔ ahwɛ nɛ mɛabha onugɛ ba dɛ kɔ wɔ denɔ kabha. Kɛlɛso agɛ yɛ ayɛkɔ mɛ akpahwɛ kɔ wɔ be bu yɛ buzizi pɔ gbɛgbladɛ.”

Yohanɛsɛ 18:28

Ɔkɛlɛ Yuɖanɛ nɛ agbanɔ Yesu edenɔ Kayafasɛ ɔkɔ avɛnɔ Romanɛ ekusi nɛ ɔkɔ. Kibe lɛ nɛ mɛ dzi kɛvlɔ pinii, klɛ tɛ ba tɛ ba da nɛ ishu mabhui mabhui begu nɛ shu so Yuɖanɛ ne di tsoku bupa nɛ mɛ, ba pɛɛ sɛ tɛ ba mɔɛ dzo aŋa Tɛfɛflaɛwui.

Luka 23:21

Pɔ ba ka kpɛ lɛ ogugu asɛ, “Kplayɛɔsɔ! Kplayɛɔsɔ!”

Luka 9:22

Klɛ aɖɔ sɛ, “Anɔdzyrame Yi alasɛ tɛ amɔ butɔ gɛlɛɛ klɛ beshishe, bekusi, kpayaɔzakɔanɔ ekusi anɛ̀ ɛshã badɔkasɛ ba tɛ bayɛkɛyɛ yɛ klɛ alasɛ tɛ beyi yɛ klɛ kiwui kɛtramɛ nɛabha ba ba nyɛmɛ yɛ amɛna kanɔɛmɛ.”

Marko 15:1

Nɛ kɛvlɔ nɛ pinii, kpayaɔzakɔanɔ, anɛ ɛshãdɔkasɛ anɛ ɔhamɛ bebhuiklu afɛtegene nɛ petee na ba dɛmɛ atrɔ kibui tirikpoa bha. Banya Yesu, klɛ ba gbanɛ yɛ ada kpɛ ahwɛ akɔ Pilato.

Marko 14:64

“No nu ebusobui. Kide wɔnɔ kɛtɔkpu nɛ mɛ tsre nɔ?” Balɛ petee be bu yɛ kɛpɔ gɛ dzyenɔ butsi.

Marko 9:31

alasɛ aakasɛ yɛ badɔkpasɛ nɛ kɛdɔ. Etsre balɛ asɛ, “Ba baa ba ga Anɔdzyrame yɛ Eyi nɛ kesi ayɛkɔ akpɛ banɔ ahwɛ. Ba ebe yi yɛ, klɛ nɛ ewi tata kede nɛ ebe tsodzi alɔ.”

Marko 9:12

Yesu asɛ, “Tɛ bu ka nɛ klɛa bha nɛ, kɛ lɛ sɛ tɛ Eliya aba eputɔnɔ, kɔ kɛdɔnyɛdɔ tɛŋuŋuse. Klɛ kidee so pɛ ba za ŋlɔmɛ elu asɛ Anɔdzyrame yɛ Eyi nɛ alasɛ tɛ aba tɔ gelee tsyɛ tɛ batɛ yɛkɛ yɛ?

Yohanɛsɛ 18:32

Kibui nɛ bɛlɛmɛ sɛ tɛ ebui nɛ gɛ Yesu aɖɔ lu nɛ̀ yɛ butsi nɛdi gɛ ebe tsi tɛ kɛ bɛlɛmɛ.