Marko 1:5 - ONUGBÙ NYƐNYÃ VUVƆ

⁵ Banɔ petee gɛ ba kana Yuɖia be ɔyɛkɔ plɛnɔ Yerusalɛm ɔma mɛ banɔ nɛ petee bekoeyi aba tɔnɔ yɛ. Gɛ be bu balɛ buzizi nɛ aɖɔ beke nɛɛ, ba yɛkɛ bunikpɛkpɛ denɔ yɛ ɔkɔ nɛ Yɔɖan Keni nɛ mɛ.

Marko 1:5 Referans Kwoze

Axwɛwɛwa 19:18

Banɔ gelee gɛ baba yɛkɛ aŋa na ba danɛ ishum nɛ balɛ buzizi nɛshu ɔtsɔlɛ.

Axwɛwɛwa 2:38

Petro ebui lɛ bunu asɛ, “No tsyina kitem tɛ nɔ yɛkɛ bunikpɛkpɛ, wɔnɔ mɛ anɔnyanɔ, nɛ Yesu Kristo kinyim kɔ wɔnɔ buzizi tɛ yɛyɛkɔ tsye. Klɛ nɔ bɔ yɛkɛ Ɔfufɔɛ Dzyɔgo mɛ kɛdɔkukɔ.

Yohanɛsɛ 3:23

Ɔtsyɔnɛ Yohanɛsɛ tsyɛ akpɛ buni nɛ Aenon gɛ etsobunɔ Salim, alasɛ buni za ɔkɛlɛ gelee, klɛ banɔa ba ɔkɛlɛ kpi sɛ tɛ bakpɛ buni kɔ alɛ.

Yohanɛsɛ 1:28

Anɛ petee aba lɛmɛ nɛ́ Betani nɛ Yɔdan kapɛ bhla, ɔkɛlɛ gɛ Yohanɛsɛɛ akpɛni.

Mateo 4:25

Banɔɛza gbla denɔ Galelia, Dekapolisɛ Yerusalɛm, Yuɖia anɛ Yɔɖanɛ kɛdɔ nɛ mɛ petee ba za yɛe de.

Marko 1:4

Klɛ so Yohanɛsɛ aba nɛ bunikpɛkpɛ denɔ ayakpa nɛ mɛ be, klɛ aɖɔ kitem tsyitsyina bunikpɛkpɛ bui kɔ buzizi tɛyɛyɛkɔ tsye.

Marko 1:6

Yohanɛsɛ akpɛ kipuagatɛka awui, klɛ anya kazaplukpa ɔdzadi, yɛ ŋɛŋa nɛ dzi ahwaye anɛ betsiuni.

Yohanɛsɛ 5:35

Yohanɛsɛ edzi kanɛgbɛ gɛ atɛ̃fu klɛ kɛ kɔ bubhubhui, klɛ nɔ pɛɛ kibe sɛ tɛ nɔ mɔ same nɛ yɛ kifutɛtã.

Yakobo 5:16

Kɛlɛso nɔ danɛ wɔnɔ buzizi nɛm ɔkɔ aglɔ tɛ no klukpaya nɛ aglɔɛ tɔkpu sɛ tɛ wɔnɔ banya nɛ be beke. Anɔnɛna kpayakuklu nɛ alɛ kemi klɛ awa kɛxwɛ.