Luka 8:13 - ONUGBÙ NYƐNYÃ VUVƆ

¹³ Eyi gɛ adɔ aklagbu nɛabha alɛ nu ba gɛ bayɛkɛ bui nɛ same kɛbelɛlɛ gɛ be nu lɛ, pɔ kɛ dɛkpɛ ɛgu. Ba yɛkɛŋa kɛ be, pɔ tɛfifekedi ba ko, ba wɔlɛ ekoeyi.

Luka 8:13 Referans Kwoze

Yohanɛsɛ 5:35

Yohanɛsɛ edzi kanɛgbɛ gɛ atɛ̃fu klɛ kɛ kɔ bubhubhui, klɛ nɔ pɛɛ kibe sɛ tɛ nɔ mɔ same nɛ yɛ kifutɛtã.

Yuɖa 1:12

Banɔa nɛ be nu kibo nɛ wɔ anɔɛbui dɛdɛmɛ kɛdɔŋakɔ, ba ŋa kɛdɔ nɛ wɔ nɛ kibui bhli kanyaka mamɔ mamɔ—baga agbɛgbanɔ gɛ ba nyunɔ balɛ shu tite. Be nu ɛmunɔ gɛ tɛ dɔ subha, gɛ kɛlɛɛ fu flanɔ; ɛkɔpɔɛfube besi, gɛ eyuyu ama ɛlɛm, klɛ la kpa ɛlɛ nɛ igu—lɛ tsi etsi tabha.

2 Petro 2:22

Nɛ balɛ kapɛ mɛ akpalɛ nɛ nu ebui gbɛagba: “Kakudzɔgɛ tsodzi avɛ ada ŋa kalɛ oyukuku,” klɛ “Ahɛ gɛ bewlunɔ etsodzi avɛ ada wũsɔ aputɔ mɛ.”

2 Petro 2:20

Onugɛ be sikoyi nɛ kanɔɛmɛ ebuikpã nɛ mɛ gɛ be ti bulɔ Apalete nɛ̀ Ebhubhuiayɛkɛ Yesu Kristo klɛ ba za vu alɛ anya nɛ lɛ mɛ klɛ baŋa balɛabha, be ziadɛ nɛ kibe gugɔɛ nɛ gɛ ba za nɛ kesikpɛkpɛ.

Hebriuanɛ 10:39

Pɔ bu dɛ nu bagɛ be tsodzi aba kide klɛ ba lɛla, pɔ bagɛ ba yɛkɛŋa klɛ be bhuialɛ ayɛkɛ.

Efesoanɛ 3:17

sɛ tɛ Kristo aba za wɔnɔ idzyi mɛ ganɔ tɛyɛyɛkɛŋa abha. Klɛ ibisi sɛ wɔnɔ, nɔ kpɛ igu nɛ anɔ tɛtɛdzuesi mɛ nɛ tɛdɛdɛmɛ nɛ anɔ mɛ,

Yakobo 2:26

Ansɛ ishuidzya gɛ ɔfufɔɛ maza kɛlɛ mɛ nɛ nu kɛdɔtsitsi, kana tɛyɛyɛkɛŋa kɛxwɛwɛwa nɛ dɛ plɛnɔ nɛɛ kinu kɛdɔtstsi.

1 Timotio 1:19

tɛ ɔnyɛna tɛyɛyɛkɛŋa nɛ mɛ vunɔ anɛ idzyim dzyɔgo. Beteli adɛ yɛkɛ ebuia klɛ ba yɛ balɛ tɛyɛyɛkɛŋa.

1 Tɛsolonianɛ 3:5

Kibui nɛ so, gɛ ɛtɛa na kɛlɛ nu za, ɛkpɛ odu sɛsɛ sɛ tɛ iti kibui denɔ wɔnɔ tɛyɛyɛkɛŋa nɛ shu. Ɛganɔ awɔ̃ sɛ nɛ kidzo tilia bha Satana eti be feke nɔ edi klɛ bulɔ tɛ tɛbhɛbhɛtɛ nɛ tɛa ba za kibuinyɛbui mɛ.

Koloseanɛ 2:7

nɔ kpɛgu klɛ tɛ nɔ bhɔ ɔtrɔ nɛ yɛ mɛ, tɛ nɔ gɛganɛ nɛ́ tɛyɛyɛkɛŋa mɛ anasɛ gɛ ba kasɛ nɔ, klɛ tɛ nɔ yuku ɔgbɛgba nɛ̀ ahwɛhuhu.

Galatianɛ 3:4

Ɔtɛ mɔ butɔ gelee gɛ kɛdɔnyɛdɔ malɛ mɛ—onugɛ kɛgbɛagba kɛ dɛ dzi kɛdɔnyɛdɔ?

Galatianɛ 3:1

Wunɔ Galatianɛ bagã! Ane yɛ atã nɔ? Flogo wunɔ aŋɔhu alɛlɛ bakasɛ wee asɛ ba kpla Yesu Kristo asɔ.

1 Kɔrintioanɛ 15:2

Ganɔ kibui dzyɔgo nɛabha be bhuinɔayɛkɛ, onugɛ nɔnyɛna gɛganɛ kibui dzyɔgo nɛ gɛ ɛɖɔ tsre nɔ. Odunusɛ, wunɔ kabhaŋɛŋa kɛdinu kɛdɔ dzyɔgo.

Yohanɛsɛ 15:6

Onugɛ anɔ teli ama mɛ shui mɛ, alɛ anasɛ ɔshɛ̃ gɛ be te atɛ̃ klɛ lɔ kpã, ɛshɛ̃ lɛlɛ nɛ di ba tɔkɛ lɛ atɛ̃ akpɛ kifu mɛ klɛ lɛ tã.

Yohanɛsɛ 15:2

Ete ɔshɛ̃nyɔshɛ̃ nɛ mɛ mɛ gɛ lɔ dɛ yu nɛ ebu, nɛlɛmɛ lɛ gɛ yu akanɛ lɛ sɛ tɛ lɛ yu gelee.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

1 Kɔrintioanɛ 13:2

Onugɛ atɔnu kɛdɔkukɔ lɛ mahwɛ klɛ ɛba na ebuikpukpu petee anɛ ebuititi petee kesi nu, klɛ onugɛ tɛyɛyɛkɛŋa lɛ mahwɛ gɛ kɛba kpa betu, pɔ pɛ ɛdɛdɛmɛ nɛ anɔ, ɛdɛ nu kɛdɔnyɛdɔ.

Marko 6:20

alasɛ Heroɖesɛ eesi Yohanɛsɛ kifu, so nɛ akpɛ buka akpɛ yɛ, gɛ enyi yɛ asɛ anɔnɛna klɛ yɛshu bhui. Onu gɛ Heroɖesɛ enu Yohanɛsɛ ebuiɖuɖɔ nɛ eshuku, tsyɛ apɛ asɛ tɛ ezee nu yɛ ebui.

1 Yohanɛsɛ 2:19

Ba shɛ nɛ bulɔɛ shi, pɔ ba dɛ nu bulɔ banɔ kɛgbɛagba. Alasɛ onugɛ benu bulɔ banɔ ba ta wɔ bulɔ bha, pɔ balɛ tɛ shɛshɛ̃ nɛ kasɛ sɛ balɛ akanyaka edi nu bulɔ ayɛ.

Luka 8:12

Agɛ la lɛ kidzo nɛ mɛ ale nu banɔ bagɛ be nu ebui, klɛ ɔfufɔɛ tsutsɔmɔ nɛ ebe bu kibui nɛ balɛ idzyi nɛ mɛ, sɛ tɛ batɛ yɛkɛaŋa tɛ ba ba mɔ ɛkpã.

Luka 8:14

Eyi nɛ gɛ la dɔ ewui nɛ mɛ alɛ nu bagɛ be nu bui, pɔ gɛ ba vɛ balɛ dzo abha kanɔɛmɛ butɔ, ehoeyi anɛ̀ same kpãwũkpãwũ mumɔ na kpaka lɛ, klɛ la dɛ ba she.