Luka 7:16 - ONUGBÙ NYƐNYÃ VUVƆ

¹⁶ Kifu ku banɔ nɛ petee klɛ be hu Kpaya ahwɛ. “Banɔ nɛ baɖɔ sɛ atɔnu gbla ekoeyi nɛ bulɔɛ shi. Kpaya aba sɛ tɛ aba plɛnɔ yɛ banɔ.”

Luka 7:16 Referans Kwoze

Luka 7:39

Gɛ Farisianɔ nɛ gɛ eklu Yesu amɔ kibui nɛ, aɖɔ tsre yɛ nahwɛshu sɛ, “Ɔtɔsɛ anɔa enu atɔnu, ete ti anɔ nɛ gɛ ehunɔ yɛ klɛ adzɛ nɔ nɛdi gɛ enu—sɛ enu adzɛ zizi.”

Mateo 9:8

Gɛ banɔɛza nɛ ba mɔ ebuia nɛɛ, kɛ bhɛtɛ balɛ bi, klɛ ba kpɛ Kpaya nɛa bha, agɛ yɛ akɔ banɔ kabhaŋɛŋɛa nɛɛ di.

Luka 1:68

“Bakpɛ Apalete nɛ nyi nɛabha, Izraɛlanɛ Kpaya, alasɛ aba klɛ ebhui yɛ banɔ nɛ ayɛkɛ.

Luka 5:26

Kibui nɛ bhɛtɛ anɔnyanɔ bi klɛ bakpɛ Kpaya tɔkpu nɛabha. Kifu yuku ba lɛ mɛ klɛ baɖɔ sɛ, “Bu mɔ kibui gɛ bu tɛ ba dzɛkɛ obo.”

Luka 2:20

Ibhoshi bagbɛgbanɔ be tsodzi ashɛ̃, gɛ be klu Kpaya yɛ nyi dzyɔgo klɛ ba kpɛ yɛ niabha kɔ ebui nɛ petee gɛ benu nɛ̀ agɛ ba mɔ, gɛ laba alɛmɛ anasɛ gɛ be tsre alɛ.

Luka 1:65

Kifu yuku yɛ ɔhaɛalɛ nɛ petee mɛ, klɛ ganɔ Yuɖea betuabha ɛma petee mɛ, banɔ aɖɔaɖɔ denɔ ebuia nɛ petee shu.

Mateo 21:11

Banɔɛza nɛ asɛ, “Yesu naa, atɔnu gɛ ede Nazarɛtɛ nɛ Galelia.”

Mateo 15:31

Kɛ bhɛtɛ banɔ nɛ bi sɛ, ba mɔ imumu gɛ kpa kaɖɔ ɖɔ, ba bhɛtɛ akpatanɛ la dzyɔ, bagɛ ba taa ga na kpaa ga klɛ awɔ̃hũpu nɛ akpaa mɔ. Klɛ ba kpɛ Izraɛl Kpaya nɛa bha.

Galatianɛ 1:24

Klɛ bakpɛ Kpaya nɛabha alasɛ mɛ so.

Axwɛwɛwa 5:5

Kibe lɛ gɛ Ananias enu ebui bibisia nɛ ko, klɛ awɔlɛ adɔ klɛ etsi. Klɛ kifu ku anɔnyanɔɛ di gɛ enu kibui nɛ gɛ dzyɔ.

Yohanɛsɛ 9:17

Gugɔɛ betsyina tɔ awɔ̃hu pupu elete, “Kide wɔ bɔ ɖɔ denɔ anyɛ nɛ shu? Wɔ awɔ̃hu alɛ yɛ adanɛ.”

Yohanɛsɛ 6:14

Kɛlɛe de gɛ banɔ nɛ amɔ ebui gɛ eyinɔ anɔ gɛ Yesu abhɛtɛ, betenɛ kaɖɔ ɖɔ sɛ, “Kɛgbɛagba yɛ nu Atɔnu gɛ aba ba kanɔ nɛ mɛ.”

Yohanɛsɛ 4:19

Adzɛ nɛ aɖɔ sɛ, “Apalete,” “Ɛmɔ sɛ atɔnu anɔ wɔ onu.

Yohanɛsɛ 1:25

be bisi yɛ asɛ, “Kɛlɛ kide so gɛ ɔkpɛ buni onugɛ wɔ odunu Kristo, ɔdɔgɔsɛ Eliya, pɛ Atɔnu?”

Yohanɛsɛ 1:21

Be bisi yɛ asɛ, “Kɛlɛalɛ ane wɔ onu? Wɔ nu Eliya?” Aɖɔ sɛ, “Anɛ yɛ mɛ nu.” “Wɔ nu Atɔnu?” Ebui lɛ nu asɛ “Oo.”

Luka 24:19

“ Ebisi asɛ, Ebui ɖuweɖu?” Be builɛenu asɛ “Denɔ Yesu gɛ ede Nazarɛtɛ.” Edzi atɔnu, gɛganɛ nɛ ebuiɖɛɖɔ mɛ tɛbhɛbhɛtɛ nɛ Kpaya amɛ nɛ̀ banɔ petee amɛ.

Luka 9:19

Be bui lɛ nu asɛ, “Banɔ teli asɛ Yohanɛsɛ Ɛnikpɛ, babhlatɔ asɛ Eliya, klɛ babhlatɔ teli tsyɛ asɛ, atɔnu kuku teli yɛ tsodzi aba kanɔɛ mɛ.”

Luka 8:37

Nɛkɛlɛ banɔ petee gɛ be de Gɛrasɛnisɛ ɛbha nɛ bisi Yesu asɛ ashɛ̃ nɛ balɛ ɔbha, alasɛ kifu ba tenɔ balɛ ku. So etsoku keniabha opupu nɛ mɛ klɛ ashɛ̃.

Luka 5:8

Gɛ Simɔn Petro amɔ ebuia nɛ, ezhi akpla ekuisiesi kɔ Yesu, klɛ aɖɔ asɛ, “Shɛ̃ nɛ mɛ ɔbha, Apalete, enu kanɔ gɛ abhɛtɛ buzizi!”

Mateo 28:8

Kɛlɛ so badzɛ nɛ ba nawɔ̃ klɛ ba shɛ nɛ odzre nɛ shu, nɛ kifu pɔ same aza balɛ mɛ, klɛ be si avɛ ede tsre yɛ badɔkpasɛ.

Axwɛwɛwa 7:37

Mose alɛlɛ nɛ naa gɛ etsre Izraɛlanɛ na sɛ, ‘Kpaya aba sɛsɛ nɔ ebuiɖɔlu ansɛ mɛ ana edenɔ wɔnɔ nahwɛ banɔm.

Luka 19:44

Bebe bu nɔ ehuesi wɔnɔ nɛ wɔnɔ yialɛ nɛ ɛnɔ edri nɛ mɛ. Batɛ ba shɛnahwɛ kɛklãgbu kanyaka ɔtrɔ kɛklãgbu abha, alasɛ nɔ dɛ mɔ Kpaya tɛ bɛ baa.”

Luka 7:15

Anɔtsitsi nɛ alɔ azaesi klɛ etenɔ kaɖɔ ɖɔ, klɛ Yesu ayɛkɔ Anyɛnuvɔɛ akɔ ye ni.