Luka 24:44 - ONUGBÙ NYƐNYÃ VUVƆ

⁴⁴ Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

Luka 24:44 Referans Kwoze

Axwɛwɛwa 13:33

atɛ bhɛtɛ lɛ akɔ lɔa gɛ nu balɛ yialɛ, ganɔ Yesu tɛfifeke wunɔm. Anasɛ gɛ kɛŋlɔ̃mɛ li nɛ Ɔdzɛeplukpa bhla nɛm sɛ: “ ‘Wɔ onu mɛeyi, obo nɛɛ idzi wɔ Aka.

Luka 9:22

Klɛ aɖɔ sɛ, “Anɔdzyrame Yi alasɛ tɛ amɔ butɔ gɛlɛɛ klɛ beshishe, bekusi, kpayaɔzakɔanɔ ekusi anɛ̀ ɛshã badɔkasɛ ba tɛ bayɛkɛyɛ yɛ klɛ alasɛ tɛ beyi yɛ klɛ kiwui kɛtramɛ nɛabha ba ba nyɛmɛ yɛ amɛna kanɔɛmɛ.”

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Hebriuanɛ 10:1

Ɔshã kɛtɛwui ko lo nu kɔ ebui dzyɔgo gɛ la ba, ganɛ adzyɔgo nahwɛ. Alasɛ kibuinɛ so kɛtɛ ba bɛlɛmɛ sɛ, ishutsyitsye lɛlɛ gɛ babhɛtɛ kɛgɔnyɛgɔe dɛ, kɛtɛ ba kɔ bagɛ betsobunɔ busɔlɛsɔlɛ nɛ bana.

Yohanɛsɛ 5:46

Onugɛ nɔ yɛkɛ Mose abhaŋa, nɔ yɛkɛ mɛabhaŋa, alasɛ aŋlɔmɛ ebui denɔ mɛ shu.

Hebriuanɛ 9:8

Ɔfufɔɛ Dzyɔgo nɔ kasɛ sɛ ba dɛdanɛ dzo sɛ tɛ be tsoku Ishudɛdanɛ Ɔzakɔ Ɖɛɖamadɛ kibelɛlɛ nɛ mɛ gɛ kagba tutɔpu ka ke dzi titi.

Yohanɛsɛ 5:39

Nɔ kpasɛ kpayaplukpa mɛ ebui mɔmɔ alasɛ nɔ yɛ kɔ sɛ ɛlɛmɛ nɔ bɔ ga gɛ nɔ bɔ mɔ ɛkpã mabekemabeke. Kpayaplukpa mɛ ebui alɛ aɖɔaɖɔ denɔ mɛ shu,

Yohanɛsɛ 3:14

Anasɛ gɛ Mose efeke eblidzya akpɛ kabha nɛ odzogbe nɛ mɛ, so ba be feke Anɔdzyrame Yi akpɛ kabha,

Luka 24:46

Etsre alɛ sɛ, “Kibui nɛ la ŋlɔmɛ elu: Kristo aba mɔ butɔ klɛ aba nyɛmɛ denɔ betsitsi nɛ shi nɛ́ kiwui tramɛ nɛabha,

Hebriuanɛ 7:1

Mɛltsyizɛdɛk anyanɛ edzi ekusi nɛ Kpayazakɔanɔ nɛ kɔ Kpaya Ɖɛɖamadɛ nɛ Salɛm. Atsyanɔ Abraham gɛ edetẽ bekusi klɛ ayula yɛ,

Hebriuanɛ 3:5

Mose abhɛtɛ atrɔ Kpaya ebui petee abha nɛ yɛ bupa nɛmɛ, klɛ aɖɔ ebui nɛ gɛ la ba ba nɛ otugba.

Axwɛwɛwa 7:37

Mose alɛlɛ nɛ naa gɛ etsre Izraɛlanɛ na sɛ, ‘Kpaya aba sɛsɛ nɔ ebuiɖɔlu ansɛ mɛ ana edenɔ wɔnɔ nahwɛ banɔm.

Luka 22:37

Baɖɔ lu asɛ, ‘Klɛ ba kla yɛ akpɛ bagɛ ba bhɛtɛ ebui zizi nɛ shi’ klɛ itsre nɔ sɛ, kɛnɛ kɛlɛsɛ tɛ kɛbɛlɛmɛ nɛ mɛ shu. Ee, kɛbui nɛ gɛ ba ŋlɔmɛ nɛ mɛ shu, kɛlɛ tɛbɛba na.”

Luka 21:22

Alasɛ kɛɛ nɛ kɛlɛ nu kibe kɔ batɔ tɛtɛtɛta nɛ kɛlɛmɛ tɛbɛba kɔ kɛgɛ ba ŋlɔmɛ elu nɛ petee.

Luka 9:44

“Nɔtatɔ mɔmɔ nɛ kibui gɛ ɛba tsre nɔ nɛ shu: Ba ba yɛkɔ Anɔdzyrame yɛ Eyi akpɛ ahwɛ kɔ banɔ.”

Mateo 26:56

Pɔ ebuia nɛ petee aba kɛlɛ mɛ sɛ tɛ batɔnu nɛ kɛdɔ nɛ gɛ ba ŋlɔ̃mɛ elu nɛ aba kɛlɛ mɛ.” Kibe lɛ nɛ mɛ badɔkpasɛ nɛ petee atɛ pɔɛhle alɔ yɛ.

Mateo 26:54

Pɔ kɛlɛ kɛba za pɛ kibui nɛ ba bhɛtɛ ansɛ gɛ ba ŋlɔ̃mɛ lɛ elu nɛ Kpayɛbui keplukpa nɛ mɛ?”

Mateo 16:21

Denɔ kibe lɛ nɛ mɛ Yesu etenɔ ebuie si bu kɔ yɛ badɔkpasɛ nɛ asɛ alasɛ tɛ avɛ Yerusalɛm tɛ ada tɔ nɛ ebui gelee mɛ nɛ beshishe nɛ ahwɛ mɛ, kpayaɔzakɔanɔ anɛ ɛshãdɔkasɛ, klɛ kɛ ba za sɛ tɛ be yi yɛ klɛ nɛ kiwi tramɛ ebe tsodzi anyɛmɛ aba ɛkpãm.

1 Petro 1:11

ba wlãnkɛ sɛ tɛ beti kibe klɛ nɛ la gɛ lalɛ alɛshu kɔ Kristo Ɔfufɔɛ nɛ́ balɛ mɛ akasɛ kibe nɛ gɛ aɖɔ Kristo butɔ anɛ yɛ shu bhubhui gɛ kɛ ba za lɛede.

Axwɛwɛwa 3:18

Pɔ kana Kpaya abhɛtɛ kɛgɛ atɛ ɖɔ elu ganɔ batɔnu nɛ peteea bha, sɛ yɛ Kristo nɛ aba tɔ.

Marko 9:31

alasɛ aakasɛ yɛ badɔkpasɛ nɛ kɛdɔ. Etsre balɛ asɛ, “Ba baa ba ga Anɔdzyrame yɛ Eyi nɛ kesi ayɛkɔ akpɛ banɔ ahwɛ. Ba ebe yi yɛ, klɛ nɛ ewi tata kede nɛ ebe tsodzi alɔ.”

Mateo 1:22

Ebuia nɛ petee la ba kɛlɛ mɛ sɛ tɛ ba yɛkɔ mɔ Apalete nɛ ebui nɛ gɛ aɖɔ ganɔ atɔnu nɛa bha na asɛ:

Axwɛwɛwa 2:27

alasɛ ɔtɛ bɔ shɛnahwɛ mɛshu olu odzrem, ɔdɔgɔsɛ ɔbɔ kɔ sɛ wɔ Anɔ Dzyɔgo nɛ atsɔmɔ.

Axwɛwɛwa 13:40

Di mɔɔ sɛ tɛ kɛgɛ batɔnu na ɖɔ nɛ tɛ bhɛtɛ wɔ: