Luka 24:36 - ONUGBÙ NYƐNYÃ VUVƆ

³⁶ Kibelɛlɛ gɛ baka ɖɔaɖɔ denɔ ebuianɛ shu, Yesu nahwɛ alɔɛtiti nɛ balɛ shi klɛ aɖɔ tsre alɛ sɛ, “Ishuyuyɔ kɔ nɔ.”

Luka 24:36 Referans Kwoze

2 Tɛsolonianɛ 3:16

Ɔtsɔ̃ nɛɛ, ishuyuyɔ Apalete nɛ nahwɛ akɔ nɔ ishuyuyɔ nɛ kibenyɛbe mɛ anɛ kidzonyɛdzoa bha. Apalete nɛ aza plɛnɔ nɔ petee.

Luka 10:5

“Kɛbɛlɛmɛ sɛ nɔ tsoku bupa tuli mɛ, nɔ putɔ ɖɔ sɛ, ‘Ishuyuyɔ kɔ bupa nɛ.’

Marko 16:14

Kɛlɛede mɛ Yesu aba wɛ̃ nɛ Kɛfɔntoli nɛ amɛ gɛ baa ŋɛ dɔ; Yesu etsrenɔalɛ nɛ balɛ mayɛkɛ mayɛkɛŋa nɛ shu nɛ balɛ tɛmadɛmɛ gɛganɛ sɛ tɛ ba yɛkɛ baga tɛ mɔ yɛ nɛ tsyɛa bha ŋa sɛ atɛ lɔ.

Tɛbubukasɛ 1:4

Denɔ mɛ Yohanɛsɛ ɔkɔ, Kɔ basɔlɛha tigene nɛ Esia kɛdɔ nɛ mɛ: Ɛyamyuyɔ anɛ ishuyuyɔ kɔ nɔ denɔ agɛ yɛ alɛ, anɛ agɛ yɛ aza, nɛ agɛ yɛ aba tɛ ba nɛ ɔkɔ, anɛ denɔ ɛfufɔɛ tigene nɛ ɔkɔ nɛ yɛ kegbu nɛ amɛ,

1 Kɔrintioanɛ 15:5

klɛ sɛ ebu shu akasɛ Petro, kɛlɛede kɔ kɛfɔnɛ tɛabha.

Yohanɛsɛ 20:26

Ɔgɔnɛ zɛzɛ ede yɛ badɔkpasɛ ba za bupa nɛ mɛ, klɛ Toma aza balɛ shi. Kɛlɛlɛmɛ sɛ bevu nɛ da, pɔ Yesu etsoku bale shi klɛ aɖɔ sɛ, “Nɔ lɛ mɔmɔ!”

Yohanɛsɛ 16:33

“Itsre nɔ ebuianɛ, sɛ tɛ nɔ yɛkɛ ishuyuyɔ. Nɛ kanɔa nɛ mɛ nɔ bɔ mɔ butɔ. Pɔ nɔ vu idzyi kpɛ te! Ɛŋa kanɔ nɛabha.”

Yohanɛsɛ 14:27

Ishuyuyɔ ilu kɔ nɔ, mɛ ishuyuyɔ mɛ ɛkɔ nɔ. Ɛdɛ kɔ nɔ anasɛ gɛ kanɔ na kɔ. Nɔ tɛ kɔ wunɔ idzyi ebhui klɛ no ti sifu.

Mateo 10:13

Bupa nɔɔ nɛ gɛ bɔɔ yɛkɛ nɔ, nɔ kɔ wɔnɔ ishuyuyɔ nɛ za plɛnɔ bulɛ, kɛɛ ma ana, nɔ kɔ wɔnɔ ishuyuyɔ nɛ tsodzi ba nɔ kɔ.

Axwɛwɛwa 1:3

Nɛ yɛ butɔ nɛede nɛɛ, Yesu ebu yɛ shu akasɛ banɔ klɛ abhɛtɛ ebui gelee ayɛkɔ akasɛ sɛ alɛ nɛ ɛkpã. Awɛ̃ nɛ balɛ amɛ ganɔ ewi afɛtalɛ̃ mɛ klɛ aɖɔ kaɖɔ denɔ Kpaya bukusi ɔŋakɔ nɛ shu.

1 Kɔrintioanɛ 15:7

Kɛlɛede ebu shu akasɛ Yakobo, kɛlɛede kɔ yɛ banɔkpɛkpɛ petee,