Luka 23:4 - ONUGBÙ NYƐNYÃ VUVƆ

⁴ Ɔkɛlɛ Pilato etsre kpayazakɛanɔ bekusi nɛ̀ banɔɛza asɛ, “Ɛdɛ mɔ kizizi gɛ ɛba yɛkɔ nɛ yɛ shu.”

Luka 23:4 Referans Kwoze

Yohanɛsɛ 18:38

Pilato ebisi asɛ, “Kɛde kɛlɛ nu kɛgbɛagba?” Nɛ kɛlɛede etsodzi ekoeyi avɛ Yuɖanɛ nɔ bha klɛ aɖɔ sɛ “Ɛdɛ mɔ kɛdɔnɔ gɛ kɛlɛ so gɛ nɔ yɛ kɔ kibui nɛ yɛ shu.

1 Petro 2:22

“Kristo adɛ bhɛtɛ kizizi, klɛ otro huhu odi koeyi nɛ yɛ onugbui mɛ.”

1 Petro 1:19

Pɔ nɛ Kristo dzyosu ŋɛŋaɛdzi, obhoshieyi gɛ kɛpɔ ɔdɔgɔsɛ ozizikɔ ma ɔlɛ shu.

Luka 23:22

Bu tramɛ aɖɔaɖɔ etsre alɛ: “Kideso? Kibuikpã ɖuweɖu anɔa nɛ abhɛtɛ? Ɛdɛ mɔ kɛ gɛ kɛlɛ shu le be bu yɛ butsi pɔ. Kɛlɛso ɛba kɔ la tɛta yɛa tɔ klɛ ɛba shɛnahwɛ yɛ shu.”

Marko 15:14

Pilato ebisi asɛ, “Kidee so? Buzizi ɖuweɖu abhɛtɛ?” Pɔ ba za kpɛ igugu nɛ gɛganɛɛ adɛa na sɛ, “Kplãyɛɔsɔ!”

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

Hebriuanɛ 7:26

Kpayazakɔanɔ ɖɛɖama nɛdi atsyanɔ bulɔ kɛdɔ pɛpɛɛ—agɛ yɛ shu bhui, kɛpɔ ma yɛ shu, ana, alɛ ɔtɔ nɛ banɔ zizi shi, klɛ bakpɛ yɛ nɛabha adɔ flanɔ owũsise.

Mateo 27:19

Nɛ kibe lɛ mɛ gɛ Pilatio ezhiedzi yɛ kebhuiegbu nɛa bha, yedzini nɛ asɛsɛ yɛ ɔklasɔ toli asɛ, “Kibuinyɛbui kɛ tɛ za wɔ ahwɛ kɔ anyaa nɛ gɛ buzizi kanyaka ma yɛ shu, alasɛ ɛmɔ butɔ tsutsɔmɔ nɛ yɛ shu nɛ bulɛla mɛ obo.”

Axwɛwɛwa 3:13

Abraham Kpaya, Isaka anɛ Yakɔpu, bulɔa ka lɛ Kpaya, nɛ atɛ danɛ yɛ axwɛdɛ Yesu shu. Nɔ yɛkɔ yɛ ɔkpɛ ahwɛ kɔ sɛ tɛ be yi, klɛ nɔ shɛ̃nahwɛ yɛ shu nɛ Pilato amɛ, nɛ kibe lɛ gɛ yɛ apɛa sɛ tɛ akɔ yɛ kidzo tɛ aga vɛ flogo.

Axwɛwɛwa 25:25

Ɛga ebuim klɛ ɛmɔ sɛ adɛ bhɛtɛ kibui nyɛ bui gɛ dzyenɔ butsi, pɔ gɛ atɛ bhɛtɛ tɛbibisi sɛ ba shɛnahwɛ yɛ shu denɔ akagbla nɛ ɔkɔ nɛ Rom so ɛbhɛtɛ tɛtɛtrɔ sɛ ɛba yɛkɔ yɛ ɛsɛsɛ ɔkɛlɛ.